சித்தன் அருள் - 1709 - அன்புடன் அகத்தியர் - மதுரை வாக்கு ( March 2024 ) - பகுதி 15

( இவ் தொடர் வாக்கின் முந்தைய பதிவுகள்:-

சித்தன் அருள் - 1639 - மதுரை வாக்கு - 1

சித்தன் அருள் - 1640 - மதுரை வாக்கு - 2

சித்தன் அருள் - 1644 - மதுரை வாக்கு - 3

சித்தன் அருள் - 1645 - மதுரை வாக்கு - 4

சித்தன் அருள் - 1665 - மதுரை வாக்கு - 5

சித்தன் அருள் - 1666 - மதுரை வாக்கு - 6

சித்தன் அருள் - 1667 - மதுரை வாக்கு - 7

சித்தன் அருள் - 1672 - மதுரை வாக்கு - 8

சித்தன் அருள் - 1674 - மதுரை வாக்கு - 9

சித்தன் அருள் - 1690 - மதுரை வாக்கு - 10

சித்தன் அருள் - 1698 - மதுரை வாக்கு - 11

சித்தன் அருள் - 1700 - மதுரை வாக்கு - 12 

சித்தன் அருள் - 1701 - மதுரை வாக்கு - 13

சித்தன் அருள் - 1704 - மதுரை வாக்கு - 14

நம் குருநாதர்:- அம்மையே அறிந்தும் அறிந்தும் இதை யான் சொல்லி விட்டேன். காகம் அதிகாலையிலே அம்மையே பார்த்தீர்களா? அம்மையே கோழியின் தன்மையும் கூட பார்த்தீர்களா? இன்னும் பறவைகளின் குணத்தைப் பார்த்தீர்களா? தன் தன் கடமையைச் செய்து நன்றாக வாழ்ந்து கொண்டிருக்கின்றது. ஆனால் மனிதன் மட்டும் எப்படியம்மா இருக்கின்றான். பார்?

சுவடி ஓதும் மைந்தன்:- ( விளக்கங்கள் )

அடியவர்:- (குருநாதர்) அப்பா ஏற்கனவே சொல்லி இருக்காங்க ஐயா. இறைவனுக்குப் பிடித்த வாழ்க்கை மனிதன் வாழ்வதில்லை. 

நம் குருநாதர்:- அம்மையே இதேபோலத்தான் சிறு வயதில் தன் பிள்ளையைச் செல்லமாக வளர்ப்பான் தந்தை. ஏதாவது கெடுதல் செய்து விட்டால் மனம் வருந்துவான், அடிப்பான்.  இதே போலத்தான் இறைவன் தாயே. 

சுவடி ஓதும் மைந்தன் :- ( உரையாடல்கள் )

நம் குருநாதர்:- அம்மையே, அப்பனே இது தவறு என்று யார் சொல்வீர்களாக இங்கு? 

அடியவர்கள்:- தவறு என்று சொல்ல மாட்டோம். 

அடியவர் 1:- ஐயா ( இறைவன் அடிக்கும் போது ) முதல்ல தாங்குகின்ற வலிமையை கொடுங்கள் ஐயா. 

அடியவர்கள்:- ( பலத்த சிரிப்புக்கள் ) 

நம் குருநாதர்:- அம்மையே ஒன்று நீ  நிச்சயம் ஞாபகத்தில் வைத்துக்கொள்ள வேண்டும். தாங்கும் அளவிற்குச் சக்தியைக் கொடுத்துத்தான்,  இறைவனே கஷ்டத்தை வரவழைப்பான். இறைவன் ஒன்றும் பின் முட்டாள் இல்லை தாயே. 

அடியவர் :- கண்டிப்பாக ஐயா

மற்றொரு அடியவர் :- ( கை தட்டல் ) 

சுவடி ஓதும் மைந்தன் :- ( விளக்கங்கள் )

அடியவர்கள் :- ( பலத்த சிரிப்புக்கள் ) 

அடியவர் :- வலி உச்சக் கட்டமாகும் பொழுது புலம்புகின்றோம். 

நம் குருநாதர்:- அப்பனே இதனால் உச்சம். இன்பத்திலும் கூட உச்சம். துன்பத்திலும் உச்சம். பின் இவ்வாறு செல்லும் பொழுதுதான் மனிதன் பைத்தியமாகி விடுகின்றான். அறிந்தும் கூட அவ் பைத்தியத்திற்குத்தான் இறைவன் கண்களுக்குக் காட்சியும் அளிக்கின்றான். தெரிந்துவிட்டால் , அவந்தனுக்கு மீண்டும் ஞாபகத்தில் வந்து விடும். எதுவுமே தேவை இல்லை. பைத்தியக்காரனாகவே நடித்துவிடுவோம் என்று நடித்துவிடுவான். இது போலத்தான் பல பல ஞானியர்களும் திரிந்து கொண்டிருக்கின்றார்கள் இவ்வுலகத்தில். 

அடியவர்:- ஆமாங்க. 

அடியவர் 2:- இறைவனை உணர்ந்துவிட்டோம் என்றால்,  நம்ம படுகின்ற கஷ்டம் எல்லாம் பெரிதாகத் தோன்றாது என்று சொல்கின்றார். அதுதானே? பிரச்சினை எல்லாம் சின்னதாகப் போய்விடும். 

சுவடி ஓதும் மைந்தன்:- ஆம். அதுதான். 

நம் குருநாதர்:- அறிந்தும் நல்விதமாக அப்பனே எதை யான் தர? 

அடியவர்கள்:- கஷ்டத்தை கொடுங்க அகத்தீசப்பா. 

சுவடி ஓதும் மைந்தன் :- ( இதனிடையில் அங்கு ஒரு அடியவர் வாக்கு கேட்டார். அவ் அடியவருக்கு வாக்கு வரவில்லை. சுவடி ஓதும் மைந்தன் உடனே இவ் அடியவரை இந்த கேள்விக்குப் பதில் சொல்லுங்கள். உங்களுக்கு அப்படியே தொடர்ச்சியாக வாக்குகள் வர வாய்ப்பு என்று அவ் அடியவரின் நிலை கண்டு கருணையுடன் எடுத்துரைத்தார்கள்.)

நம் குருநாதர்:- எதை என்றும் அறிய அறிய புண்ணியத்தைத் தர வேண்டும். புண்ணியத்தைத் தர வேண்டும் என்றால் எப்படித் தருவது? நீங்கள் சொன்னீர்களே, கஷ்டம். 

அடியவர்கள்:- ( அமைதி )

நம் குருநாதர்:- ஆனால் உங்களுக்கு அனைத்துமே இறைவன் கொடுத்திருக்கின்றான். ஆனாலும் வாயில்லா ஜீவராசிகளுக்குக் கூட , யார் அதை கண்டுகொள்வார்கள்? நீங்கள் கூறுங்கள்?

அடியவர்கள் :- ( சில உரையாடல்கள், புரிதல்கள் )

நம் குருநாதர்:- அதனால்தான் , தன்னால் முடியவில்லையே என்று சில ஜீவராசிகளுக்கும் உணவு கொடுத்துக்கொண்டே இருந்தால் நிச்சயம் புண்ணியம் பெருகும். எங்களுடைய ஆசிகளும் அதி விரைவிலேயே கிட்டும். பாவமும் போகும். புண்ணியம் பெருகும். இதனால் நீங்கள் செய்த தர்மங்கள் நிச்சயம் பின் உன் இல்லத்தையும் பின் சந்ததிகளையும் காப்பாற்றும். மற்றவர்கள் அதாவது உங்கள் பிள்ளைகள் கூட கஷ்டத்தில் இருக்கும் பொழுது இறைவனே வந்து ஏதோ ஒரு ரூபத்தில் நிச்சயம் உதவிகள் பின் செய்திட்டு சென்று கொண்டே இருப்பான். இதுதான் சத்தியமான உண்மை.

அப்படி இல்லை என்றால் இறைவன் கூட உதவி செய்ய மாட்டான் தாயே. 

( இவ் இடத்தில் ஒரு அடியவர் பல குழப்பங்கள். கருணைக்கடல் அவ் மர்மங்கள் அதனை எடுத்து விளக்கினார்கள். இதற்கு பரிகாரங்கள் எடுபடாது. யானே நீக்குகின்றேன் என்று கருணைக்கடல் அருளினார்கள்.) 

நம் குருநாதர்:- நிச்சயம் கர்மாத்தை யார் சம்பாதிக்கின்றான்? நீங்களே சொல்லுங்கள்?

அடியவர்கள் :- ( மனிதர்கள்) நாங்க தான் ஐயா. 

நம் குருநாதர்:- பின் கர்மத்தை சம்பாதித்து மீண்டும் இறைவனிடத்தில் சென்றால் இறைவன் என்ன செய்வான். கூறுங்கள் நீங்களே? 

அடியவர்கள்:- துன்பம்தான் ஐயா.

நம் குருநாதர்:- ஆனால் தந்தை செய்வது நல்லதிற்காகவே. பின் நல்லதிற்காகவே எண்ண வேண்டும். இறைவன்தான் அனைவருக்குமே தந்தை. இப்பொழுது பின் அதாவது என் தந்தை என் அம்பாள் என்று கூறிக்கொண்டிருக்கின்றீர்கள். ஆனாலும் இவை எல்லாம் ஓர் நாள் மாறிவிடும். ஆனால் உயர்ந்த வகையான தந்தை இறைவனே. நிச்சயம் அப்படி அதாவது சில ஆண்டுகளிலேயே ஒரு தந்தையானவன் தன் பிள்ளை மீது பாசம் பொழிந்து விடுகின்றான். ஆனாலும் அறிந்தும் கூட இறைவன் மிகப்பெரியவன். பின் அவன்தனுக்கு அழிவுகளே இல்லை. அப்பொழுது நீங்கள், உங்கள் மீது, பாசத்தைப் பொழிந்து நீங்கள் தவறான வழிகளில் சென்று விடுவீர்கள் என்று அவர்களுக்கும் தெரியும். அதாவது இறைவனுக்கு. இதனால்தான் தவறு வழியில் செல்லக்கூடாது என்று சில கஷ்டங்களை ஏற்படுத்தி, நல்வழிப்படுத்துகின்றான் இறைவன். ஆனால் மனிதர்களோ, கஷ்டம் கஷ்டம் என்று மீண்டும் இறைவனிடத்திற்கே செல்கின்றான். இது நியாயமா? தர்மமா?

அடியவர்கள் :- ( ஆழ்ந்த புரிதல்கள், சிந்தனை ஓட்டங்கள் )

நம் குருநாதர்:- அதனால் அப்பனே ஞானியாகப் பிறந்தாலும் கஷ்டங்கள் உண்டு. தண்டனை உண்டு. 

அறிந்தும் அறிந்தும் இறைவனுக்கும் கஷ்டங்கள் உண்டு. அப்பனே இறைவனுக்கே கஷ்டமா என்று யாராவது பின் கூறுவீர்களா? 

அடியவர்:- நம்ம எல்லாம் செய்யும் தவற்றைப் பார்த்து சுவாமியே வருத்தப்படுகின்றார். நம்ம குழந்தைகளே இப்படி தவறு செய்கின்றார்களே. எப்படி இவர்களை திருத்துவது ? என்று சுவாமியே வருத்தப்படுகின்றார் நம்மைப் பார்த்து. 

நம் குருநாதர்:- அப்பனே வருத்தப்பட்டு ஆனால் இறைவன் ஒரு நிலைமைக்கு வந்து விடுகின்றான். துன்பம் கொடுத்தால்தான் இவன் திருந்துவான் என்று. 

அம்மையே, அப்பனே துன்பம் இல்லையென்றால் இறைவனைக்கூட யாரும் கண்டுகொள்ள மாட்டார்கள். 

அடியவர்:- கண்டு கொள்ளமாட்டார்கள். 

நம் குருநாதர்:- துன்பம் என்பது மிகப்பெரிய வெற்றியைக் கொடுக்கும்.

அப்பனே இங்கு யான் வெற்றி என்பது, புண்ணியத்தைக் குறிக்கின்றேன். அறிந்தும் கூட அவ் புண்ணியங்கள் நீங்கள் பெற்றுவிட்டால் இறைவன் எதையுமே செய்யத்தேவை இல்லை. யானும் எதையுமே செய்யத் தேவை இல்லை. யானும் எதையுமே செய்யத் தேவை இல்லை. அப்பொழுது இறைவன் எதையும் செய்ய மாட்டான். சொல்லிவிட்டேன். 

அடியவர்கள்:- ( சில புரிதல் உரையாடல்கள் ) 

நம் குருநாதர்:- இதனால் கஷ்டத்தை அள்ளித் தந்து கொண்டே இருந்தால் , நிச்சயம் இறைவன் தன் பிள்ளையாக ஏற்றுக் கொள்கின்றான் என்று அர்த்தம். ஆனால் மனிதனே, ஐயோ இவ்வளவு கஷ்டங்களா? இறைவன் இருந்தும் என்ன பயன் என்று கூறுகின்றார்கள். இதுதான் மனிதனுடைய முட்டாள் குணம். 

அடியவர்:- கஷ்டம் வந்தால் அருள் கிடைக்கும் என்று சொல்கின்றீர்கள். உதாரணமாக மூக்கு அடைத்துள்ளது. கஷ்டமாக உள்ளதை. நான் தியானம் செய்தால் அருள் கிடைக்கும் என்று நினைக்கின்றேன். ஆனால் இந்த மூக்கடைப்பு கர்ம வினையினால். 

நம் குருநாதர்:- அப்பனே தியானம் என்பது என்ன? 

அடியவர்:- தியானம் என்பது விழித்த நிலை.

அடியவர் 1:- மனதை ஒருமுகப் படுத்துவது. 

நம் குருநாதர்:- அப்பனே மனதை ஒரு நிலைப்படுத்துவது. அப்பனே பின் எவ்வாறு அதற்கு மூக்குகள் வேண்டுமா? அறுத்து விடலாமா?

அடியவர்கள்:- ( சிரிப்பு ) 

அடியவர்:- மூக்கு அடைத்ததனால் தியானம் செய்ய முடியவில்லையே. 

நம் குருநாதர்:- அப்பனே இவை எல்லாம் கேட்பாய் என்பது எனக்குத் தெரியும் அப்பனே. அதற்காகத்தான் வயிற்றின் மேலே பாவம் உள்ளது என்று சொல்லிவிட்டேன் அப்பனே. இதற்கு என்ன பதில் கூறுகினலறாய் அப்பனே. 

அடியவர்:- பாவங்கள் தான் நோயாக வருகின்றது. 

சுவடி ஓதும் மைந்தன் , அடியவர்கள் :- ( உரையாடல்கள் ) 

நம் குருநாதர்:- அப்பனே முதலில் மனதைக் கட்டுப்படுத்து அப்பனே. சரியாகவே அனைத்தும் போய்விடும். எதற்குத் தியானங்கள் அப்பனே? 

அடியவர்:- தியானம் என்பது கர்ம வினையை , நோயைத்ட தாங்கிக்கொள்ள சக்தி கிடைப்பது. 

நம் குருநாதர்:- அப்பனே தியானம் என்பது எதற்கு என்று தெரியுமா அப்பனே? இவைதன் ஞானிகளுக்கே பொருந்தும் என்பேன் அப்பனே. அனைத்தும்  கட்டுப்படுத்த வேண்டும் அப்பனே. ஆனால் இப்பொழுது தியானம் என்று செய்துவிட்டு அனைத்தும் தேடிக்கொண்டிருக்கின்றான் ஆசைகள் அப்பனே. இதன் பெயர் தியானமே இல்லையப்பா!!!!

சுவடி ஓதும் மைந்தன் :- ( விளக்கங்கள் ) 

அடியவர்கள்:- எல்லாம் வேண்டுதலுக்காகத் தியானம். 

அடியவர்:- ஆழமாகத் தியானம் என்றால் நீங்க சொன்ன மாதிரி ஆகிவிடும். நம்ம மேலோட்டமாக செய்கின்றோம். அதை வைத்து….

நம் குருநாதர்:- அப்பனே, நீ தியானமே செய்யாதே அப்பனே. யான் பார்த்துக்கொள்கின்றேன். 

அடியவர்கள் :- ( பலத்த சிரிப்பு ) 

அடியவர் 3:- தியானம் இறைவனை அடைவதற்கு. 

அடியவர் 4:- சுயநலமாக இருப்பதனால் தியானம் இப்போ அது…

சுவடி ஓதும் மைந்தன்:- சுயநலமாக இருப்பதால் பலிக்காது. 

நம் குருநாதர்:- அப்பனே ஞானிபோல் நடிப்பானப்பா. தியானம் செய்வது போல் நடிப்பானப்பா இக் கலியுகத்தில் அப்பனே. ஆனால் ஒன்றும் தெரியாதப்பா. 

ஓம் ஶ்ரீ லோபாமுத்ரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!