சித்தன் அருள் - 1720 - அகத்தியப்பெருமானுடன் கலந்துரையாடல்-6!

அடியவர்: அதன் (வசியம்) பாதிப்பு இன்னமும் பலமாக இருக்கிறது! என்ன செய்ய வேண்டும்?

குருநாதர்: யான் சொன்னதை செய் அப்பனே. இன்னும் இருக்கிறது. பேய் விரட்டி என்னும் இலை, அதை எடுத்து வந்து, சிறிது பச்சை கற்பூரம், சிறிது கிராம்பு சேர்த்து, இல்லத்தில் (மாலை/இரவு) புகைக்கவிட்டால் இந்த பிரச்சினைகள் தீரும். இதை அனைவருமே உணர்ந்து கொள்ள வேண்டும். சிறிது சிறிதாகத்தான் சொல்வேன் அப்பனே. ஏன் என்றால், அனைத்தும் சொல்லிவிட்டாலும், யாரும் செய்வதில்லை என்பேன் அப்பனே. மனிதன் முதலில் பக்குவங்கள் படவேண்டும். யோசிக்கத் தெரியாமல் மனிதன் வாழ்ந்து கொண்டு இருக்கிறானாப்பா! அப்பனே! ஏன் இவ்வாறு உன்னை அலைக்கழிக்கிறேன் என்றால், சித்தன் அலைக்கழித்தால் மனிதனின் பாவங்கள் போகுமப்பா. ஆனால் அப்பனே! கட்டையில் போகிறவனுக்கு, இது நிச்சயம் தெரிய வில்லை அப்பனே. சித்தன் திட்டுகிறான் என்று கூறுகின்றான். அவ்வாறு எங்களிடத்தில் வந்தால், நிச்சயம் துப்புவோம். அதோடு (பிரச்சினை) விலகிவிடுமப்பா! நிச்சயம்! ஆனால், இவ்வுலகத்தில், உண்மையான சித்தன் இல்லை அப்பா! காறி துப்பினால், சித்தன் பொய் என்று (மனிதன்) கூறிவிடுவானப்பா. புரியுதா அப்பா?

அடியவர்: இந்த இடத்தில், முன்னரே கேட்ட கேள்வியையும், வேறு ஒரு கேள்வியையும் தொடர்பு படுத்தி கேட்க்கிறேன். கோவில்களில் இருப்பது கற்சிலைகள் தானே, பஞ்ச லோகம் என்றால் பஞ்சலோக சிலைகள் தானே என்ற பொழுது காக புஜண்டர் சித்தரானவர் வந்து நன்றாக திட்டிவிட்டு போனார். அதோட, நானும் விட்டுவிட்டு போய்விட்டேன். இப்ப சமீபத்துல நடக்கிற கூத்து எல்லாவற்றையும் பார்த்தால், காகபுஜண்டர் சித்தர் வந்தால் கேட்க வேண்டும் என்று தோன்றுகிறது. நீங்க எல்லாம் எங்க போயிட்டீங்கனு கேட்கணும்னு! தமிழ்நாட்டுல......

குருநாதர்: நிச்சயம் வருவானப்பா. அப்பனே! பொறுத்துக்கொண்டே இருக்கின்றான் அப்பனே. ஆனால் எழுந்து நின்றால் அப்பனே! நிச்சயம்! அதனால், பயந்து கொண்டே இருக்கின்றார்கள் அப்பனே! இன்னும் சில பேர்கள், காகபுஜண்டன் இப்படி பேசுவானா என்று அப்பனே! ஆனால்,  கோபத்தோடு, காகபுஜண்டன் பேசினால், அப்பனே, பாபம் அழியுமப்பா. ஆனால் அது மனிதனுக்கு தெரிவதே இல்லை. புத்திகெட்ட மனிதனப்பா. அதனால் தான் காகபுஜண்டனும் கூட மனிதன் நன்றாக இருக்க வேண்டும் என்பதற்காக, அவன் கோபப்பட்டாலே, பல கர்மாக்கள் போகுமப்பா. இது மனிதனுக்கு தெரியாமல் அப்பனே, பிதற்றிக் கொண்டிருக்கிறான் அப்பா!   ஏன் என்றால், சித்தன் நிலைமை யாது என்று புரிந்து கொள்ள முடியாது, புரிந்து கொள்ளவும் ஆளில்லை அப்பா! இங்கு ஒருவன், யானே சித்தன் என்று சொல்லிக்கொண்டு இருக்கின்றான், அப்பா! அத்தனையும் பொய்களப்பா!

அடியவர்: அய்யா! என் மகனுடைய திருமணம்.......

குருநாதர்: வசியங்கள் செய்து பாபத்தை ஏற்றுக்கொண்டான், அதனுடைய பலன்கள்தான், திருமணம் தடை படுகிறது. இதையும் யான் தான் சரி செய்ய வேண்டும். பொறுத்திருக்க!

அடியவர்: அய்யா! அது பல வருடங்களுக்கு முன் நடந்தது.

குருநாதர்: அப்பா! முன்பெல்லாம் குழந்தை பிறந்தவுடன் அதற்கு, கழுதைப்பால் கொடுப்பார்கள். அதனுடைய வீரியம் பல நாட்களுக்கு இருக்கும். அது போல் தான் இது.

அடியவர்: அதற்குப்பின் எவ்வளவு கோயில்களுக்கு சென்றிருக்கிறேன்! எவ்வளவு பூசைகள் செய்து பிரார்த்தனைகள் செய்திருக்கிறேன்.......

குருநாதர்: அப்பனே! இதுதான் சுயநலம் என்பது. சுயநலம் இல்லாமல் வாழ வேண்டும் அப்பனே! அப்படியானால், நீ கடமைக்காகத்தான் வாழ்கின்றாயா, அப்பனே! அதனால் அப்பனே! பணத்தை பெற்றுக்கொள் அப்பனே! அப்பனே! தானமும், தர்மமும், புண்ணியமும் மெதுவாகத்தான் வந்து சேரும் அப்பனே! அப்பனே! ஆனாலும் கேட்பீர்கள் நீங்கள், பாபம் என்பது! இதை விட மெதுவாகத்தான் வந்து சேரும்! 

அடியவர்: அப்போ பாபத்திலிருந்து தப்பிப்பதற்கு, யாங்கள் என்ன செய்ய வேண்டும்?

குருநாதர்: அப்பனே! எதுவும் செய்ய வேண்டாம்! அமைதியாக உங்கள் வேலையை செய்யுங்கள். யாங்கள் வந்து காத்திடுவோம். பாபம், புண்ணியம், இன்னும் எவைஎவையோ சித்தர்களுக்குத் தெரியும். சித்தனை சாதாரணமாக நினைத்து விட்டார்கள் அப்பா! சித்தனை வைத்து எதை எதையோ செய்யலாம் என்று மனிதர்கள் நினைத்து விட்டார்கள் அப்பா! அப்பனே! முதியவனைக் கூட இளையவனாக்க முடியும், இளையவனை கூட முதியவனாக்க முடியும். உடலில் உயிர் எங்கு உள்ளது என்பது கூட ஒருவனுக்கு ஒருவன் வித்தியாசப்படும். நிச்சயம் புருவ மத்தியில் வைத்துவிட்டால் நீங்கள் சொல்வது அனைத்தும் நடக்குமப்பா. ஆனாலும், ஒவ்வொருவனுக்கு ஒவ்வொரு இடத்தில், ஒருவனுக்கு முதுகில், ஒருவனுக்கு வயிற்றில், விரலில் என பல இடங்களில் இருக்கிறதப்பா. அதனால், ஒன்றும் செய்ய முடியாதப்பா! ஒன்று அமைதியாக இருந்து தியானங்கள் செய்ய வேண்டும், இல்லையேல், யாங்கள் தான் மாற்ற வேண்டும். அதை யாங்கள் மாற்றுவதற்கு, நீங்கள் கடமையை செய்ய வேண்டும்! அவ்வளவுதான், ஆசிகள், ஆசிகள்!

அடியவர்: அய்யனே! மிகுந்த நாட்களாக சிரமப்படுகிறேன்! காலையில் கண் விழிக்கும் முன், ஏதோ ஒரு தீய சக்தி வந்து உடலில் உள்ள அத்தனை சக்தியையும் பிடுங்கி கொண்டு செல்வது போல் நிகழ்கிறது. இதை தடுப்பதற்கு என்ன செய்ய?

குருநாதர்: ஏற்கனவே செப்பிவிட்டேன். அதை செய்து வா, அப்பனே! அது மட்டுமல்லாமல், இனிமேல் உறங்குவதற்கு முன்பாகவே பச்சை கற்பூரத்தையும், பின் ஏதாவது ஒரு ஆலயத்திலிருந்து குங்குமத்தையும், துளசி இலையையும், வில்வத்தையும் எடுத்து வந்து, நல் முறையாகவே, நசுக்கி உடம்பில் தேய்த்து, உறங்கி, பின் மறுநாளே! சரியான மூலிகைகள் வைத்து நீராட, சிறிது சிறிதாக போகுமப்பா, அப்பனே. இதை ஒருமுறை கடை பிடித்தால் நிச்சயம் பயன் தராது அப்பனே, தொடர்ந்து செய்துவா அப்பனே! 

அடியவர்: அடுத்த நாள் நீராடும் பொழுது, என்ன மூலிகைகள் உபயோகிக்க வேண்டும்? 

குருநாதர்: அப்பனே! கடலில் நீராடுவதே போதுமானதப்பா! பல புண்ணிய நதிகளில் நீராடுவது போதுமானதப்பா! அனைத்தும் நீங்குமப்பா! நீ எங்கப்பா செல்லப் போகின்றாய்!

அடியவர்: அய்யா! கோவிலுக்கு சென்றால் இறைவன் சன்னதி முன் நிற்கும் பொழுது, ரொம்ப கொட்டாவி வருகின்றது! இது எதனால்?

குருநாதர்: தீய சக்தியின் பாதிப்பு இருக்கும் பொழுது அப்படித்தான் இருக்கும். இதை கூட யாங்கள் தான் சரி செய்ய வேண்டும்! அப்பனே! நிச்சயம் உன்னை கம்பெடுத்துதான் அடிக்க வேண்டும்! அப்பனே, இதுவும் ஒரு தீய சக்தி அப்பா! நீ கொடுத்த காசுகளில், யாருக்காவது உணவை வாங்கி கொடுத்திருந்தால் கூட, புண்ணியமாகியிருக்கும் என்பேன். போய் போய் பின் பாபத்தை செய்பவனுக்கு அந்த காசுகளை கொண்டு கொடுத்தாய் அல்லவா, அவன் செய்த பாபம் உன்னை வந்து அடைந்துவிட்டது. இதை யான்தான் சரி செய்யவேண்டும். பொறுத்திரு!

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!