சித்தன் அருள் - 1742 - அவதூதருடன் சில அனுபவங்கள் - 2

சித்தன் அருள் - 1737 - அவதூதருடன் சில அனுபவங்கள் - 1 இன் தொடர்ச்சியாக !

ஒரு மணி நேரத்துக்குப்பின் காப்பி கடையின் இடத்தை அடைந்த நண்பர், கடைக்கு எதிரே ரோட்டில் வண்டியை ஓரமாக நிறுத்திவிட்டு, இதெல்லாம் தேவையா, எதற்காக அவசரப்பட்டு வந்தோம் என்று யோசித்தபடியே, தன்னை அழைத்த பெண் அங்கே நிற்கிறாரா என்று பார்க்க, சற்றே அதிர்ந்து போனார்.

ஒரு ஐந்தடி உயரம், மிக இளமையான தோற்றம், நெற்றியில் மிகப்பெரிய குங்குமப்பொட்டு, கை நிறைய வளையல்கள், விரல்களில் பலவித கற்கள் பதித்த மோதிரங்கள், மூக்கில் ஒரு தங்க வளையம், பெண்கள் அணியும் "குர்தி" என்கிற உடையில், இத்தனைக்கும் சேரா விதத்தில், மிக நீளமான தலை முடியை சித்தர்கள் போல் தலை மேல் லிங்க ரூபத்தில் கட்டி இருந்தார்.

கடைகாரரிடம் வணக்கம் சொல்லிவிட்டு, அவரை நெருங்கும் போதே மிக கெட்டியான பன்னீர், ரோஜா வாசனை இவரை தாக்கியது. இதை உணர்ந்தவர், தான் சந்திக்க போகிற பெண் சாதாரண பெண் அல்ல என்பதை உணர்ந்தார்.

அருகில் சென்று "நீங்கள் தானே ஒரு மணிநேரம் முன் என்னை தொடர்பு கொண்டது?" என்று வினவினார் என் நண்பர்!

"ஆம்! நான் தான்!" என்றவர் "பரவாயில்லை! சக்கர வளயத்தை நன்றாக போட்டுள்ளீர்கள். தலையில் முடிக்குள் வைத்துள்ளது பைரவர் பிரசாதமோ? நல்லது!" என்றார். நீ என்ன செய்தாலும் எனக்கு தெரியும் என்கிற தோரணை அதில் இருந்தது!      

பேச்சை வழி மாற்றும் விதமாக "நீங்கள் எங்கிருந்து வருகிறீர்கள்?" என்றார் நண்பர்!

"ஹிமாலயத்திலிருந்து வருகிறேன்! உத்தர பிரதேசத்திலுள்ள யோகி என் நண்பர்!" என்றார்!

"ஒ! அப்படியா!" என்றவரிடம் நெருங்கி "நான் சொன்ன யோகி முதலமைச்சர்" என்றார்!

இவர் மிக உயர்ந்த இடத்திலிருந்து வந்தவர் மட்டும் அல்ல, உயர்வான தொடர்பும் உடையவர் என்று உணர்ந்து, பேச்சை மாற்றும் விதமாக 

"பத்மநாப ஸ்வாமியை போய் பார்த்தீர்களா?" என்றார், நண்பர்.

"ஆஹ்! உள்ளே போய் பார்த்தேன்!" என்றார்!

"இதே உடையில் உள்ளே போனீர்களா? உங்களை நிச்சயமாக உள்ளே கடத்தி விட்டிருக்க மாட்டார்களே. புடவை அல்லது ஒரு வேஷ்டி உடுத்தியிருக்க வேண்டுமே!" என்றார் நண்பர். பதிலுக்கு அவர் சொன்னது, இவருக்கு ஆச்சரியத்தை வரவழைத்தது.

"இதே உடையில் தான் உள்ளே சென்றேன். யாரும் என்னை பார்க்கவில்லை/கவனிக்கவில்லை! பார்க்க வேண்டாம் என்று நினைத்துக் கொண்டுதான் சென்றேன். அதன்படியே நடந்தது. பத்மநாப ஸ்வாமியை தரிசனம் செய்தேன். அகத்தியர் அங்கில்லை. எங்கோ சென்றிருக்கிறார்! அவரை கைலாசத்துக்கு போகும் போது பார்த்துக் கொள்கிறேன்!" என்றாரே பார்க்கலாம்.

"அதெப்படி, கோவிலுக்குள் எங்கும் சிசி டிவி கேமரா உள்ளது. 24 மணிநேரமும் எட்டு பக்கத்திலும் நடப்பவற்றை கட்டுப்பாட்டு அறைக்கு தெரிவித்துக் கொண்டே இருக்கும். அதில் உங்கள் உருவம் நிச்சயமாக பதிந்திருக்கும்!" என்றார், என் நண்பர்!

இவர் தனக்கு ஏதேனும் பிரச்சினையாகிவிடும் என்று நினைத்து இந்த கேள்வியை கேட்கிறார் என்று உணர்ந்த அந்த பெண்மணி, சிரித்துக் கொண்டே "எந்த பிரச்சினையும் உங்களுக்கு வராது. உங்களுக்கு தெரிந்த யாராவது உள் இருந்தால், வீடியோவை பார்க்க சொல்லுங்கள். எந்த பிரேமிலும் நான் இருக்க மாட்டேன்" என்றார்!

மொத்தத்தில் குழம்பி போய் நின்ற நண்பர், அவராகவே தெளிவானபின் கேள்வியை கேட்கட்டும் என்று சிரித்தபடி நின்ற அந்த பெண்மணி, அவரின் விசித்திர தோற்றத்தை வேடிக்கை பார்த்து செல்லும் மனிதர்கள், சற்று நேரம் அமைதியாக சென்றது.

"சரி! அது போகட்டும்! எப்படி என்னை கண்டு பிடித்தீர்கள்? நான் இங்கு அல்லது, அந்த கடையில் காப்பி சாப்பிடுவேன் என்று எப்படி உங்களுக்கு தெரிந்தது?" என்றார் நண்பர்.

"அது மிக எளிது! எல்லா மனிதர்களும், தான் செல்லும் இடத்தில் எல்லாம் தன் கர்ம வாசனையை விட்டு செல்கிறார்கள். கெட்ட கர்மா வாசனையை வாயு பகவான் பூமியிலிருந்து அழித்து விடுவார். ஆதலால், நல்ல வாசனை மட்டுமே தங்கி இருக்கும். அதிலிருந்து, தற்போது அந்த கர்மவாசனை உடையவர் எங்கிருக்கிறார் என எளிதாக கண்டு பிடிக்க முடியும்! தற்போதைக்கு இந்த விளக்கம் போதும் என்று நினைக்கிறேன்" என்று கூறி நிறுத்தினார்.

"உங்கள் பெயர் என்ன? ஏன் உங்கள் எண்ணை என் செல்லில் சேமிக்க முடியவில்லை?" என்றார் நண்பர்.

"பெயர் என்பது ஒரு முக்கியமான விஷயமா? பிலாசபியில் உடலுக்கு பெயர் முக்கியமா? நான் அழைக்கும் எண்ணை சேமிக்க முடியாது. அது உங்களுக்கு தேவையும் இல்லை. யாரிடமும் பற்று கூடாது. எனக்கு தேவை என்றால் உங்களை நானே தொடர்பு கொள்கிறேன். புரிந்திருக்கும் என நினைக்கிறேன்!" என்றாள் அந்த பெண்மணி.

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!

சித்தன் அருள் - 1741 - அன்புடன் அகத்தியர் - ஏழை பக்தன் வீட்டில் குருநாதர் பாகம் 2

ஆதி சிவசங்கரியின் பொற்கமலத்தை  பணிந்து     செப்புகின்றேன் அகத்தியன்!!!

அப்பனே எம்முடைய ஆசிகளப்பா!!!

அப்பனே பின் யான் என்ன சொல்ல??? அப்பனே!!!

யானே வந்துவிட்டேன் உன்னை தேடி அப்பனே!!!

நலங்களாகவே அப்பனே அனைத்தும் செய்து தருகின்றேன் அப்பனே!! மெது மெதுவாகவே!!!

இதனால் கவலை ஒன்றும் இல்லையப்பா!!!

அப்பனே எவை வந்தாலும் யான் பார்த்துக் கொள்கின்றேன் அப்பனே !!!

கவலையை விடு அப்பனே அனைவருக்கும் எம்முடைய ஆசிகளப்பா..

அவை இவை என்று சொல்லிக் கொண்டிருந்தாலும் அப்பனே ஏன் எதை என்று அறியாமலே அதனால் அப்பனே உங்களுக்கு பின் என்ன செய்ய வேண்டும்?? என்பதை எல்லாம் யாங்கள் சித்தர்கள் அறிவோம் அப்பனே 

செய்கின்றோம் ஆசிகள்!! ஆசிகளப்பா!!

அப்பனே பலமுறை அப்பனே பின் பார்த்து விட்டேன் அப்பனே நலன்களாகவே!!!

அப்பனே உந்தனுக்கு எவர் மூலம் எதை என்று செய்ய வேண்டும் ??யார் மூலம் எதை என்றும் அறிந்தும் கூட அப்பனே நிச்சயம் செய்ய வைப்பேன் அப்பனே.. கவலை விடு அப்பனே 

இதனால் நீங்கள் கேட்டு பெறுவதை விட!!!! அப்பனே பின் கேட்காமலே பின் செய்வது தான் அப்பனே சித்தர்களின் ரகசியம் என்பேன் அப்பனே!!

அப்பனே இதனால் அப்பனே நிச்சயம் நன்மைகளாகவே அப்பனே போகப்போக அப்பனே ஏற்பாடுகள் செய்வேன் அப்பனே கவலையை விடு!!

அப்பனே நல் விதமாகவே அப்பனே பின் தீபம் ஏற்றி அப்பனே நல்விதமாகவே அப்பனே சிறிது நேரம் பின் உங்கள் இல்லத்தில் அனைவரும் தியானங்கள் செய்யுங்கள் அப்பனே நிச்சயம் அப்பனே பின் தேவி நல்விதமாகவே பின் உங்களுக்கு தேவையானதை கொடுப்பாள் என்பேன் அப்பனே!!

அப்பனே இதனால் உங்களை யான் அறிந்து விட்டேன் அப்பனே !!!!! உங்கள் மனதையும் ஆராய்ந்து விட்டேன் அப்பனே!!!

இதனால் அப்பனே நிச்சயம் யான் நிச்சயம் கொடுப்பேன் அப்பனே நலன்கள் ஆகவே!!!

அப்பனே 

சில கர்மாக்களையும் போக்கி!!.... அப்பனே 

போக்கியும் விட்டேன் அப்பனே!!

நல்விதமாகவே அப்பனே கொடுப்பேன் அப்பனே 

அப்பனே இதனால் அப்பனே பின் நிச்சயம் யான் இங்கே அதாவது.. இதை பின் அப்பனே பின் சுற்றி சுற்றி பல ஆலயங்கள் இங்கே நிச்சயம் அப்பனே பின் அதாவது பல ஆசிரமங்களை யானே அமைத்துள்ளேன் என்பேன் அப்பனே அதனால் இங்கே தான் சுற்றிக் கொண்டே இருக்கின்றேன் அப்பனே 

உந்தனுக்கு என்ன தேவையோ?? அதை பின் தக்க சமயத்தில் யானே கொடுப்பேன் அப்பனே நிச்சயம் அனைவருக்குமே எம்முடைய ஆசிகள்..லோபா முத்தரையுடன் ஆசிகள்... ஆசிகள் அப்பனே!!!

இதனால் அப்பனே கவலைகள் இல்லை அப்பனே....யான் உன் அருகிலேயே இருக்கின்றேன் நலன்களாகவே... உந்தனுக்கு இன்னும் என்ன செய்ய வேண்டுமோ!!!...

அதை யான் செய்கின்றேன்.. யார் மூலம் என்று அறிந்து!!!!

அப்பனே பின் அனைவருக்குமே என்னுடைய ஆசிகள் ஆசிகளப்பா!!!

குருநாதர் நல்விதமாக அவருக்கும் அவரது குடும்பத்தில் உள்ள அனைவருக்கும் ஆசிர்வாதம் வழங்கினார் அதன் பிறகு அந்த அடியவர் தன் மனதில் உள்ள கேள்விகளை  குருநாதரிடம் கேட்ட பொழுது 

பக்தர் 

குருவே நமஸ்காரம்!!!!

நீங்கள் இந்த எளியவனின் இல்லம் தேடி வந்து ஆசிகள் தந்ததில் மகிழ்ச்சி!!!... எனக்கும் எங்கள் குடும்பத்திற்கும் இன்று தான் தீபாவளி... அந்த அளவிற்கு நாங்கள் மகிழ்ந்து போயிருக்கின்றோம்.. உங்களுக்கு கோடான கோடிகள் நன்றிகள் குருநாதா!!!

நான் உங்களுடைய வழிகாட்டுதல் படி பறவைகள் விலங்குகள் பசுக்கள் இவற்றிற்கு முடிந்த வரை என்னால் ஆனவரை சேவைகள் செய்து வருகின்றேன் அனுதினமும்... சில நேரங்களில் காய முற்ற நோய்வாய்ப்பட்ட உயிரினங்கள் அவற்றை காப்பாற்ற முயற்சிகள் செய்யும் பொழுது இறந்து விடுகின்றன... அவற்றையெல்லாம் பார்க்கும் பொழுது மனம் மிகவும் வருந்துகின்றது குருவே!!!!

குருநாதர் அகத்திய பெருமான்

அப்பனே இறைவன் அப்பனே  இவ்வுலகத்தில் ஒவ்வொரு உயிருக்கும் அப்பனே நிச்சயம் பின்.. இவ்வளவு ஆண்டுகள் தான் என வாழ வேண்டும் என்று விதி அப்பனே.

இதனால் அப்பனே நிச்சயம் உயிர் இறைவனுக்கு சொந்தம் என்பேன் அப்பனே 

ஆனாலும் அப்பனே பின் நிச்சயம் அவைகளை உயிர் இருக்கும் வரை அவைகளை நிச்சயம் பேணி காத்தாலே... புண்ணியம் அப்பா... மீதி எல்லாம் இறைவனே பார்த்துக்கொள்வான் என்பேன் அப்பனே!!

பக்தர் 

குருவே நான் உங்களிடம் ஒரு கோரிக்கை வைக்கின்றேன்.. சில பறவைகள் காட்டு விலங்குகள் வாகனத்தில் அடிபட்டோ இன்னும் பல நோய்வாய்ப்பட்டோ கையறு நிலையில் இருக்கின்றன அவற்றையெல்லாம்.... நான் நேசித்து சேவைகள் செய்கின்றேன்

எனக்கு நீங்கள் ஒரு சக்தியை தர வேண்டும்!! அப்படி முடியாமல் இருக்கும் விலங்குகள் படும் பாட்டை கண்டு என்னால் தாங்க முடியவில்லை !!

என் கைகளால் தொட்டு சிகிச்சை அளிக்கும் பொழுது அவை நல்ல குணம் உடனடியாக பெற வேண்டும் பிராணிகளுடைய நோய்கள் தீர வேண்டும் இந்த சக்தியை நீங்கள் எனக்கு வழங்குங்கள் 

குருநாதர் அகத்தியர் பெருமான் 

அப்பனே நிச்சயம் இன்னும் சில காலம் செல்லட்டும் அப்பனே.... யான் உந்தனுக்கு செய்வேன் அப்பனே.

பக்தர் 

குருவே நான் இருக்கும் இந்த கிராமத்தில் வசதிகள் குறைவு தொல்லைகளும் பிரச்சனைகளும் அதிகம். குறிப்பாக கோமாதாக்களை காப்பாற்றுவதற்கு அதிகம் போராடுவதாக இருக்கின்றது... ஏனென்றால் மற்ற மதத்தினரும் இங்கு இருக்கின்றார்கள் அவர்கள் ஒத்துழைப்பு தராமல் புரிந்து கொள்ளாமல் எதிராக நிற்கின்றார்கள்.. இதனால் சிறிய அளவில் அரசியலில் நான் நுழைந்து அதன் மூலம் கிடைக்கும் பதவியை வைத்து மேலும் நான் உத்வேகத்துடன் கோமாதாக்களை என்னால் காப்பாற்ற முடியும் அதற்கு தங்களுடைய ஆசிர்வாதம் வேண்டும் 

அப்பனே நிச்சயம் என்னுடைய ஆசீர்வாதங்கள் உண்டு என்று சொல்லிவிட்டேன் அப்பனே உண்டு 

உந்தனுக்கு  அனைத்தும் செய்கின்றேன் என்றும் சொல்லி விட்டேன் அப்பனே நிச்சயம் அப்பனே... இதையும் செய்வேன் யான். 

அப்பனே நிச்சயம் கவலைகள் இல்லை அறிந்தும் கூட

அப்பனே நிச்சயம் அப்பனே கார்த்திகை திங்களில் நிச்சயம் உந்தனுக்கு ஒரு மந்திரத்தை அப்பனே சொல்லிக் கொடுப்பேன்!! அதை செப்பு தகட்டில் கூட அப்பனே எழுதி நன் முறைகளாகவே உருவேற்றி நிச்சயம் அப்பனே நினைத்ததை அடைந்து விடுவாய் என்பேன் அப்பனே... அதனால் பொறுத்திடுக.

அது மட்டும் இல்லாமல் அனுதினமும் சுதர்சன மந்திரத்தை அப்பனே நிச்சயம் அப்பனே இல்லத்திலே தீபமேற்றி செப்பி கொண்டே வா.. அப்பனே நலன்களாகும் என்பேன் அப்பனே கவலையை விடு. 

அப்பனே கவலைகள் இல்லை என்பேன் அப்பனே நிச்சயம் யான் சொல்லியதை அதாவது இப்பொழுது மந்திரத்தை செப்பிக் கொண்டே வா அதாவது சுதர்சன மந்திரத்தை அப்பனே... 

நிச்சயம் கார்த்திகை திங்களில் அப்பனே நிச்சயம் செப்பு தகட்டில் கீறி அப்பனே நிச்சயம்... அறிந்தும் கூட அப்பனே 

பின் வெற்றிகள் உண்டு என்பேன் அப்பனே. ஆசிகள் ஆசிகள். 

பக்தர் 

குருவே நன்றிகள்!!!

தன் மகளுக்கும் குழந்தைகளுக்கும் ஆசீர்வாதம் வேண்டும் 

குருநாதர் அகத்தியர் பெருமான்

அப்பனே நிச்சயம் நீ புண்ணிய காரியங்களை செய்கின்றாய் அல்லவா...அப் புண்ணியமே... அனைவரையும் கூட காக்கும் என்பேன் அப்பனே!!!

அந்த பக்தரின் சகோதரி மகள்கள் மற்றும் அவர்களின் குழந்தைகள் என அனைவரும் வந்திருந்தார்கள் குழந்தைகள் அனைவரும் குருநாதரை நமஸ்கரிக்க!!!!

அப்பனே அனைத்து குழந்தைகளுக்கும் பின் நல்லறிவை அப்பனே யான் நிச்சயம் கொடுத்திட்டேன் அப்பனே... நலன்கள் ஆகவே அப்பனே... யான் இங்கு வந்த பொழுதே அனைவருமே பார்த்து விட்டேன் அப்பனே

யான் இங்கு வந்து விட்டேன் அப்பனே பின் கொடுத்தும் விட்டேன்... அப்பனே!!!!

கவலையை விடுங்கள் நிச்சயம் அவரவர் பின் கல்வியிலும் கூட பின் நல்விதமாகவே தேர்ச்சி பெற்று... அப்பனே உயர் கல்வியையும் உயர் இடத்தையும் அடைவார்கள் என்பேன் அப்பனே ஆசிகள். 

பக்தரின் சகோதரி மகள்கள் இருவர் வந்திருந்தனர் அவர்களின் ஒருவருக்கு ஒரு பெண் குழந்தை உள்ளது மற்றவருக்கு ஒரு ஆண் குழந்தை உள்ளது 

அந்த சகோதரி மகள்களில் ஒரு பெண் குருவே எனக்கு ஒரு பெண் குழந்தை இருக்கின்றாள் எனக்கு ஒரு ஆண் வாரிசு வேண்டும் சனாதான தர்மத்தை காப்பாற்ற... தைரியத்தோடும் வீரியத்தோடும் போராட வீர சிவாஜி போல் எனக்கு ஒரு ஆண் வாரிசு வேண்டும் நீங்கள் ஆசீர்வாதம் செய்ய வேண்டும் என்று கேட்டார் .

அம்மையே ஒன்றை சொல்லுகின்றேன்.. யான் இங்கு வரும்பொழுது உங்கள் அனைவரின் மனதையும் பார்த்துவிட்டேன்...... உங்களுக்கு தேவையானதை யான் கொடுப்பேன் அம்மையே. 

அதிலேயே அனைத்தும் அடங்கியுள்ளது அம்மையே.

கவலைகள் இல்லை.

மற்றொரு சகோதரி மகளுக்கு ஆண் குழந்தை உண்டு பெண் குழந்தை இல்லை 

அந்தப் பெண்மணியும் குருவே எனக்கு ஒரு பெண் வாரிசு வேண்டும் துர்கா காளி மாதாவை போல் அநியாய அக்கிரமங்களை எதிர்த்து போரிட வேண்டும்... நியாயத்தை தர்மத்தை அனைவருக்கும் போதிக்க வேண்டும் அதனால் துர்கா மாதாவின் ரூபத்தில் எனக்கு பெண் குழந்தை வேண்டும் என்று கேட்டார்!!

அம்மையே... நான் முன்பே சொல்லிவிட்டேன் அனுதினமும் தேவிக்கு விளக்கேற்றி தியானங்கள் நன்முறையாக செய்து வா அனைத்தும் தேவி செய்து முடிப்பாள்.. யானும் அனைத்தும் உங்களுக்கு செய்து தருகின்றேன் எக் குறைகளும் இல்லை தாயே!!!

பக்தர் 

குருவே மாற்றுக் கருத்து கொண்ட மாற்று கலாச்சாரத்தைக் கொண்ட வேற்று மதத்தினர் இந்த கிராமத்தில் அதிக அளவு வசித்து வருகின்றனர் ஊரில் நியாயத்திற்காக தர்மத்திற்காக போராடுவதற்கு சரியான ஒத்துழைப்பு இல்லை அதனால் இந்த சேவையை செய்து வரும் நாங்கள் என்னுடைய நண்பர்கள் அனைவரும் அரசியலில் நுழைந்து அதன் மூலம் கிடைக்கும் அதிகாரத்தை பயன்படுத்தி ஊருக்கு நல்லதும் தர்மத்தை கடைப்பிடிக்கவும் யோசித்துக் கொண்டிருக்கிறோம் அதற்கு தங்களுடைய ஆசிர்வாதம் வேண்டும் 

அப்பனே நிச்சயம் பக்குவங்கள் ஏற்பட வேண்டும்!!

அதாவது பின் பயப்படுதல் வேண்டாம் என்பேன். 

அப்பனே நுழைந்தால் பின் எவை என்று அறிய அறிய அப்பனே நுழைந்து விட்டால் நிச்சயம் தெரியும் அப்பா.. இதனால் அப்பனே முயன்றால் தான் கஷ்டங்கள் பட்டால் தான் அப்பனே பின் நிச்சயம் எழுந்து அப்பனே மக்களுக்கு சேவையாற்ற முடியும் அப்பா. 

அதனால் அப்பனே நிச்சயம் தான் தம் விருப்பத்திற்கு ஏற்றவாறே நுழையுங்கள் அனுபவமும் கிடைக்கும் அதன் மூலம் வெற்றியும் கிடைக்கும் என்னுடைய ஆசிகளும் உண்டு.

அப்பனே ஒன்றைச் சொல்கின்றேன் கணபதிக்கு அனுதினமும் ஒரு குடம் நீரை ஊற்றி நவ முறை வலம் வந்து வணங்கி கொண்டு வா!!!! அனைத்தும் நல்லபடியாக நடக்கும் அப்பனே!!!

பக்தரின் நண்பர் ஒருவர் குருநாதர் வழியில் தர்மத்தை கடைபிடிக்க வேண்டும் குருநாதரின் சீடனாக இருந்து வாழ்க்கையை கடைபிடிக்க வேண்டும் என்று விருப்பத்துடன் வேண்டுகோள் விடுத்தார் 

குருநாதர் அகத்தியர் பெருமான். 

அப்பனே கவலை விடு அப்பனே நிச்சயம் நீ என்னிடத்தில் வந்து விட்டாய் அல்லவா!!!!

என்னிடத்தில் வந்து விட்டாலே யான் பார்த்துக் கொள்வேன் அப்பனே நலன்களாகவே ஆசிகள்.

அப்பனே இங்கு உள்ள அனைவரின் விதியிலும் சில சில வினைகள் உள்ளதப்பா... அவற்றையெல்லாம் யானே மாற்றி தருகின்றேன் அப்பனே நல்விதமாகவே.

னைவருக்கும் என்னுடைய ஆசிகள் ஆசிகளப்பா!!!

என்று ஆசீர்வாதங்கள் தந்தருளினார் அதன் பிறகு... அவர்கள் வீட்டில் வைத்து திரு ஜானகிராமன் ஐயா அவர்களுக்கும் உடன் வந்த அடியவர்கள் அனைவருக்கும் பாசத்துடன் அந்த குடும்பம் உணவை பரிமாறி மகிழ்ந்தது. 

அந்த குடும்பம் காட்டிய அன்பை கண்டு நெகிழ்ந்த திரு ஜானகிராமன் ஐயா அவர்களும் அந்த குடும்பத்திற்கு குருநாதர் சார்பில் குருநாதர் அன்பாக அன்பு பரிசாக அவர் செய்து வரும் சேவைக்காக மற்றும் குடும்பத்தில் உள்ள குழந்தைகளுக்காக.......நிதி உதவியும் வழங்கினார்.. அவர் கொண்டு வந்திருந்த புது வஸ்திரத்தையும் இனிப்பையும்  அவருக்கு அளித்து விட்டார்...

அதன் பிறகு உன்ன நெடுநாளாக அவர் குருநாதரிடம் வேண்டிக் கொண்டிருந்த சிவாலயம்..... கிட்டத்தட்ட 3 ஆண்டுகளாக குருநாதரிடம் வேண்டி கேட்டுக்கொண்ட பிரார்த்தனை... இவை அனைத்தும் இன்று நிறைவேறப் போகின்றது என்ற மகிழ்ச்சியில் அவர்

அருகில் இருக்கும் ஒரு சிவாலயத்திற்கு திரு ஜானகிராமன் ஐயாவை அழைத்துச் சென்றார்.

அந்த ஆலயம் தொன்மையை  குறித்து அந்த கிராமம் அறிந்திருக்கவில்லை.... அதனைப் பற்றி அறிவதற்கு குருநாதர் வருகைக்காக மூன்று ஆண்டுகள் காத்திருந்த காத்திருப்பு..... அந்த ஆலயத்தின் ரகசியத்தை பற்றி குருநாதர் உரைத்த வாக்கு... கிராம மக்கள் அதை கேட்டு நெகிழ்ந்து போன ஒரு நிகழ்ச்சி!!!

 அந்த ஆலயத்தின் தொண்மை ஆலயத்தில் அமைந்திருக்கும் சிவலிங்கத்தின் மகிமை....... குருநாதர் உரைத்த வாக்குகளால் கிராம மக்கள் அனைவரும் மெய்சிலிர்த்து ஓம் நமசிவாய !!! ஜெய் ஸ்ரீ ராம்!!!!  அகஸ்திய குருவே சரணம் சரணம் என வெளிப்பட்ட பக்தி உணர்ச்சி பெருக்கு ..... பாகம் 3 தொடரும்

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!

சித்தன் அருள் - 1740 - அன்புடன் அகத்தியர் - அடியவர்களுக்கு ஒரு விளக்கவுரை!

வணக்கம் அகத்தியர் அடியவர்களே 

குருநாதர் அகத்தியர் பெருமான் உத்தரவுப்படி மகாராஷ்டிரா மாநிலத்தில் நாக்பூர் ராம் டெக் ஹிவர்கேட் இங்கெல்லாம் குருநாதர் வாக்குகள் உரைத்த பிறகு அடுத்து ஜல்ஹாவ் தலத்தில் வைத்து மகாராஷ்டிரா மாநில அகத்தியர் பக்தர்களுக்கு சத்சங்கம் உரையாற்றினார். 

சத்சங்க வாக்குகளை பார்ப்பதற்கு முன் சில விஷயங்களை தெளிவுபடுத்துகின்றோம். 

இன்றைய சூழ்நிலையில் இந்த பதிவு மிகவும் அவசியமாகின்றது!!

கடந்த சில மாதங்களாக அகத்தியர் ஜீவநாடியை குறித்தும் ஜீவநாடியில் வரும் வாக்குகளை குறித்தும் பல மக்கள் பல்வேறு விதமாக பேசிக் கொண்டு இருக்கின்றார்கள். 

இந்த உலக மக்கள் நன்மைக்காக குருநாதர் ஒவ்வொரு திருத்தலத்திற்கும் சுவடியை எடுத்து செல்ல சொல்லி அங்கிருந்து பொது வாக்குகளையும் பெங்களூரு ஈரோடு கோயமுத்தூர் மதுரை சூரத் மகாராஷ்டிரா என சத்சங்கங்களை நடத்தியும் அனைவருக்கும் வாக்குகள் தந்து உணர்த்தி வைக்கின்றார். 

சித்தன் அருள் வலைதளத்தை தொடர்ந்து படிப்பவர்களுக்கு புரிந்திருக்கும்... எத்தனை எத்தனை ஆலயங்கள் எத்தனை சத்சங்கங்கள் குமரி முதல் இமயம் வரை அலைந்து திரிந்து மேற்கே குஜராத்தில் இருந்து கிழக்கே திரிபுரா கொல்கத்தா வரை தெற்கே திருச்செந்தூரில் இருந்து வடக்கே காஷ்மீர் அமர்நாத் வரை எத்தனை எத்தனை திருத்தலங்கள் எத்தனை சக்தி பீடங்கள் என மனிதர்கள் வாழ்வு நலம் பெற பொது வாக்குகளை கூறி வழி நடத்துகின்றார். 

ஆனால் மக்களோ பொதுவாக்குகளை அது யாருக்கோ குருநாதர் சொல்லி இருக்கின்றார் நமக்கு சொல்லவில்லை என்று.. நினைப்பில் இருக்கின்றார்கள் ஒவ்வொரு பொது வாக்கிலும் நமக்கான பாடங்கள் இருக்கின்றது என்பதை புரிந்து கொள்வதில்லை. 

சித்தன் அருள் வலைத்தளத்தில் வலது புறம் கீழே கார்னரில் இருக்கும் குருநாதர் உரைத்த திருத்தலங்கள் கூகுள் மேப் லிங்கை திறந்து பார்த்தால் திரு ஜானகிராமன் ஐயா எத்தனை ஆலயங்களுக்கு சென்று இருக்கின்றார் எப்படி எல்லாம் திரிந்திருக்கின்றார் என்பது புரியும். 

ஒவ்வொரு யாத்திரையின் போதும் அவர் படும் கஷ்டங்கள் என்னென்ன என்பது யாருக்கும் தெரியாது குறிப்பிட்ட நேரத்தில் குறிப்பிட்ட இலக்கை அடைய வேண்டும் ஓடிக்கொண்டே இருக்க வேண்டும் உணவு உறக்கம் இதை இரண்டாம் பட்சமாக வைத்து குருநாதர் கட்டளையை செயல்படுத்த வேண்டும்... குருநாதர் கூறும் மலை கோயில்களுக்கு செல்லும் பொழுது காலசமயங்கள் மாற்றங்கள் சீதோசன நிலை குளிர் பனி வெயில் கடுமையான மலை ஏற்றம் ஏறிய பின்னர் இறைவன் தரிசனத்திற்காக காத்திருந்து தரிசனம் பெற்ற பின் உடனடியாக குருநாதர் உலக நன்மைக்காக உரைக்கும் பொது வாக்குகள் படிப்பது என எத்தனை !!எத்தனை!!

கஷ்டங்கள்... உழைப்பு!!!

சில ஆலயங்களில் படிக்கட்டு வசதிகள் இருக்காது காடுகள் கடும் குளிர் என அனைத்தையும் தாங்கிக் கொண்டு அலைந்து திரியும் அகத்தியர் மைந்தனை பற்றி மாற்றுக் கருத்துகளை பேசிக் கொண்டிருக்கின்றார்கள். 

அவர் எப்படி இத்தனை ஆலயங்களுக்கு செல்கின்றார் ??யார் உதவுகின்றார்கள்??? என்ன செய்கின்றார் அவருடைய பிழைப்பிற்கு என்ன என்று யாரும் யோசிப்பதில்லை. 

யாரிடமும் அவர் ஜீவநாடி படிப்பதற்கு கட்டணம் வாங்குவதில்லை... பணத்திற்காக அவர் படிப்பதும் இல்லை.. குருநாதர் என்ன சொல்கின்றாரோ அதை மட்டும் தான் அவர் கேட்பார். 

பல இடங்களில் இவர் செல்லும் இடங்களில் இவரிடமிருந்து தான் பல உதவிகள் மற்றவர்களுக்கு தான் கிடைத்திருக்கின்றது..

திரு ஜானகிராமன் அய்யா அவர்களிடம் நன்கொடை கேட்டும் தான தர்மங்கள் உதவிகள் கேட்டும் வருகின்றவர்களுக்கு இவர் தான் செய்து கொண்டிருக்கின்றார்....

அன்னதானங்கள் தான தர்மங்கள் என குருநாதர் கூறும் ஒவ்வொன்றையும் பார்த்து பார்த்து உடல்நிலை சோர்வு அடைந்திருந்தாலும் குருநாதர் இட்ட பணிகளை செய்து வரும் மைந்தனின் வாழ்க்கையை குறித்து யாருக்கும் தெரிவதில்லை. 

ஏழைகளுக்கு படிப்பதில்லை என்று சொல்கின்றார்கள்...

யார் ஏழை யார் பணக்காரன் என்று பாராபட்சம் பார்த்து வாக்குகள் குருநாதர் உரைப்பதில்லை

ஒருவருடைய பாவம் புண்ணியத்தை வைத்து தான் வாக்குகள் கிடைக்கும் இதை மனதில் அனைவரும் வைத்துக் கொள்ள வேண்டும். 

உலகப் பொதுமறை ஓலைச்சுவடி இது... இதில் அனைவருக்கும் வாக்குகள் உண்டு !!

இந்த பாரத தேசத்தை தர்மத்தை முழுவதுமாக அழித்துவிட எத்தனை சக்திகள்  காத்திருக்கின்றன??? நமது தர்மத்தை சிதைக்க காத்திருக்கின்றன??? அதற்கு  இந்த பாரத தேசத்தை அழிவில் இருந்து காப்பாற்ற சில சமயங்களில் சித்தர்களால் தேர்ந்தெடுக்கப்பட்ட அதிகாரிகளுக்கும் ஆட்சியாளர்களுக்கும் வாக்குகள் கொடுக்கின்றார். ஆட்சியாளர்களும் அதிகாரிகளும் எப்படி நடந்து கொள்ள வேண்டும் என்னென்ன செய்ய வேண்டும் என்பதையும் சித்தர்கள் தீர்மானித்து வாக்குகள் தந்து வழி நடத்திக் கொண்டிருக்கின்றார்கள். 

ஆனால் பேசுபவர்களோ இதை திரித்து பேசுகின்றார்கள் விஐபிகளுக்கு வாக்குகள் படிக்கின்றார் பொதுமக்களுக்கு படிப்பதில்லை என்று

அவர்கள் எல்லாம் என்ன நினைப்பில் இப்படி பேசிக் கொண்டிருக்கின்றார்கள் என்று தெரியவில்லை....

இந்த இளம் வயதில்

தன் சொந்த வாழ்க்கை தன் குடும்பம் என எதையும் பார்க்காமல் குருநாதர் இட்ட கட்டளையை ஒவ்வொரு நாளும் ஏற்றுக் கொண்டு அங்கும் இங்கும் ஓடி திரிந்து கொண்டு வாக்குகள் பொதுமக்களுக்கு கொண்டு சேர்க்கும் பணியில் அகத்தியர் மைந்தன் ஜானகிராமன் ஐயாவை பற்றி தவறான கருத்துக்களை கூறும் மனிதர்கள் சிந்தித்துப் பார்க்க வேண்டும். 

ஓரிடத்தில் அமர்ந்து கொண்டு எதை வேண்டுமானாலும் பேசலாம் என்று எண்ணிக் கொண்டு பேசக்கூடாது...

சுழற்சி முறையில் அனைவருக்கும் அனைத்து இடங்களிலும் சத்சங்கங்களை நடத்தி அனைவருக்கும் வாக்குகள் வாசித்துக் கொண்டுதான் இருக்கின்றார். 

ஒரு விஷயத்தை அனைவரும் புரிந்து கொள்ள வேண்டும் 50 பேர் ஏறிச் செல்லும் பேருந்தில் ஒரே நேரத்தில் 500 பேர் ஏறிச் செல்ல முடியாது இதை அனைவரும் உணர்ந்து கொள்ள வேண்டும். 

அனைவருக்கும் ஒரே நேரத்தில் ஒரே இடத்தில் எப்படி வாக்குகள் தர முடியும்???

உங்கள் வேண்டுதல்களை பிரார்த்தனைகளை குருநாதரிடம் வையுங்கள் குருநாதர் இடம் எனக்கு வாக்குகள் வேண்டும் என்று வேண்டிக் கொள்ளுங்கள். குருநாதர் கூறிய வழிமுறைகளைப் பின்பற்றுங்கள் தான தர்மங்களை செய்யுங்கள் புண்ணியங்களை பெருக்கிக் கொள்ளுங்கள் குருநாதருடைய வாக்குகள் தானாகவே உங்களுக்கு கிடைக்கும் புண்ணியங்கள் இருந்தாலும் உங்கள் இல்லம் தேடி குருநாதர் வருவார். பக்தன் வீட்டிற்கு செல் என்ற குருநாதர் ஜானகிராமன் ஐயாவிற்கு கட்டளையிடுவார் அதை புரிந்து கொள்ளுங்கள்.

கொரோனா கால சூழ்நிலையில் குருநாதர் கூறிய 32 மூலிகைகளையும் சேகரித்து அதை பொடியாக்கி பொதுமக்களுக்கு கொடுத்து நோயிலிருந்து காப்பாற்றி இன்றுவரை அந்த மருந்தினை மக்களுக்கு கிடைக்குமாறு செய்து அதன் மூலம் இன்று வரை இரண்டு மூன்று கேன்சர் பேஷண்ட்கள் வரை குணமடைந்துள்ளனர்.

குருநாதர் என்ன அதிசயத்தை செய்யவில்லை???

இவர்கள் என்ன எதிர்பார்க்கின்றார்கள் என்றே தெரியவில்லை இவர்கள் எதிர்பார்ப்பதை எல்லாம் நடத்திக் கொடுக்க குருநாதர் ஒன்றும் வேலைக்காரர் அல்ல!!!

ஒரு முறை ஒரு சச்சங்கத்தில் வந்து அமர்ந்த 50 பேரும் கணினி துறையில் ஐடி பீல்டில் லட்சக்கணக்கில் வருமானம் ஈட்டும் அடியவர்கள் கிட்டத்தட்ட ஆறு மணி நேரம் சத்சங்கம் நடந்தது... அனைவரும் அமர்ந்திருந்தார்கள் எவருக்கும் தான தர்மங்கள் புண்ணியங்கள் செய்ய வேண்டும் என்று யாருக்கும் தோணவில்லை... அந்த சத்சங்கம் நடந்த வீட்டில் வேலை செய்து கொண்டிருக்கும் பணியாளராக இருக்கும் ஒரு ஏழை பெண்மணி ஒரு நூறு ரூபாய் கொண்டு வந்து திரு ஜானகிராமன் ஐயா குருநாதர் ஓலைச்சுவடி முன்னால் வைத்து ஐயா வணக்கம் இது என்னுடைய என்னால் முடிந்த குரு தட்சனை இதைப் பெற்றுக் கொள்ளுங்கள் என்று வைத்த பொழுது... ஜானகிராமன் ஐயாவிற்கு கண்கள் கலங்கிவிட்டது... எத்தகைய மனம் இருந்தால் அந்த வேலை செய்யும் பெண்மணி கண்ணால் முடிந்ததை கொண்டு வந்து வைப்பார்!!!... அதை அந்த அம்மாவிடமே திரும்ப கொடுத்துவிட்டு அம்மா நீங்களே வைத்துக் கொள்ளுங்கள்!... குருநாதரும் நானும் உங்கள் மனதைத்தான் எதிர்பார்க்கின்றோம்!!!.. சிலருக்கு அனைத்தும் இருந்தும் செய்வதற்கு மனம் வருவது இல்லை சரி அது அவர்களுடைய விருப்பம்!! நீங்களே வைத்துக் கொள்ளுங்கள் அம்மா நான் எதையும் ஜீவனாடி படிப்பதற்கு.. எதையும் எதிர்பார்த்து செய்வதில்லை... என்று தெரிவித்தார். 

குருநாதர் மைந்தனிடம் சுவடியை கொடுத்து பொதுமக்களுக்காக மகனே நீ ஓடி ஓடி உழைக்க வேண்டும் என்று கட்டளை இட்டு அதன் படி ஜானகிராமன் ஐயா அலைந்து திரிந்து கொண்டிருந்த காலகட்டம்... 

அந்த காலகட்டத்தில்   ஜானகிராமன் ஐயாவை நிறைய பேர் தொடர்பு கொண்டு நீங்கள் எங்களுடைய இடத்திற்கு வாருங்கள். எங்களுடைய இடத்தில் இருந்து நீங்கள் வாக்குகள் படியுங்கள்.. உங்களுக்கு அதை செய்து தருகின்றோம். இதை செய்து தருகின்றோம்.

நாங்கள் பரிந்துரைக்கும் ஆட்களுக்கு நீங்கள் சுவடி படியுங்கள்.

நாம் இவ்வளவு கட்டணம் வாங்குவோம் ஆளுக்கு பாதி பாதி எடுத்துக் கொள்வோம்... எங்களுடைய ஆசிரமத்திலேயே தங்கி விடுங்கள்... உங்களுக்கு வீடு வாகனம் வசதி அனைத்தையும் செய்து கொடுக்கின்றோம் என்றெல்லாம் வலை வீசி பார்த்தார்கள். ஆசை வார்த்தைகளை பேசி மயக்க நினைத்தார்கள்.

ஆனால் திரு ஜானகிராமன் ஐயா அவர்களிடம் தெரிவித்தது இது ஒன்றுதான்.... ஐயா மன்னியுங்கள். குருநாதர் எனக்கென்று சில கட்டளைகளை கூறியுள்ளார். அதன்படி தான் நான் நடப்பேன் பணத்திற்காகவும் வசதிக்காகவும் ஆசைப்படுபவன் நான் அல்ல!!!!.... எனக்கு ஏதாவது உதவி வேண்டுமென்றால் சிலரிடம் யாசகம் பெற்று கூட வாழ்ந்து விடுவேன்... எங்கேயாவது செல்ல வேண்டும் தூரத்தில் இருக்கும் ஆலயங்களுக்கு செல்ல வேண்டும் என்றாலும் யாரிடமாவது கேட்டு சென்று விடுவேன் ஆனால் எனக்கு பணம் பேர் புகழ் செல்வாக்கு இதை பற்றி கவலை இல்லை குருநாதர் கூறிய பேச்சை தான் நான் கேட்பேன்... என்று அனைவருக்கும் தெரிவித்துவிட்டார்.

ஒருமுறை ஒரு ஆலயத்தில் வைத்து பக்தர்களுக்கு வாக்குகள் படித்துக் கொண்டிருக்கும் பொழுது சிலர் தொலைபேசியில் தொடர்பு கொண்டு வாக்குகள் கேட்பார்கள் அந்த நேரத்தில் தொடர்பு கொண்டு வாக்குகள் கேட்ட பக்தருக்கு முருகப்பெருமானே வந்து வாக்குகள் உரைத்தார் கிட்டத்தட்ட அரை மணி நேரம் மூச்சிரைக்க வாக்குகள் வாசித்த திரு ஜானகிராமன் ஐயாவிற்கு தண்ணீர் கூட கொடுப்பதற்கு அங்கு ஆளில்லை தாகம் எடுத்து விட்டது திரு ஜானகிராமன் ஐயா அவர்களுக்கு. 

தொலைபேசியில் வாக்குகள் கேட்ட நபரும் ஐயா நன்றிங்க ஐயா என்று ஒரே வார்த்தையில் போனை வைத்துவிட்டு சென்றுவிட்டார். 

அந்த ஆலயத்தில் இருக்கும் பூசாரி களைத்த நிலையில் இருக்கும் ஜானகிராமன் ஐயாவை பார்த்து அப்பா பொறு அப்பா நான் தண்ணீர் கொண்டு வந்து கொடுக்கின்றேன் என்று தண்ணீர் எடுக்க சென்று விட்டார்.

அப்போது அங்கு திடீரென்று வந்த ஒரு நபர் எப்படியெல்லாம் மனிதர்கள் இருக்கின்றார்கள் என்று பார்த்தாயா தம்பி!!!

இப்படித்தான் உலகம் இதுதான் உலகம் நன்றி கெட்ட மனிதர்கள் வாழும் உலகம் அப்பா இது என்று சொல்லிவிட்டு திடீரென காணாமல் சென்று விட்டார்..

அதன் பிறகு தொலைபேசியில் அந்த நபருக்கு இதுவரை முருகப்பெருமானும் சரி குருநாதரும் சரி வாக்குகள் இதுவரை தருவதற்கான உத்தரவை தரவில்லை!!

ஒவ்வொரு சத்சங்கமும் 7 மணி நேரம் 8 மணி நேரம் நடக்கும் தொடர்ந்து அந்த மின்சார அதிர்வை சித்தர்களின் கதிர்வீச்சை தாங்கிக்கொண்டு படிக்க வேண்டும்

ஓலைச்சுவடி ஒன்றும் செய்தித்தாள் அல்ல!! விரும்பிய நேரத்தில் விரும்பிய மனிதர்களுக்கு படிப்பதற்கு ஓலைச்சுவடி படிக்கும் பொழுது இறை ஆற்றல் சக்தி திரு ஜானகிராமன் ஐயா உடலுக்குள் இறங்கும் ஒரு மின்சாரம் தாக்குவது போல் இருக்கும் அரை மணி நேரம் பொதுவாக்குகள் படித்தவுடன் மூச்சிரைக்க தண்ணீர் தாகம் எடுத்து தவித்து விடுவார்... சில புண்ணிய ஸ்தலங்களில் ஒரு வினாடிக்கு மூன்று வார்த்தைகள் என வேகமாக படு வேகமாக வார்த்தைகள் வரும் மூச்சு திணற திணற படிக்க வேண்டி இருக்கும்

இப்படி எல்லாம் நமக்காக போராடிக் கொண்டிருக்கும் மனிதனைப் பற்றி தவறாக பேசுவதற்கு நமக்கு என்ன அருகதை இருக்கின்றது???

இப்படி நம்மில் ஒருவர் யாராவது இத்தனை ஆலயங்களுக்கு திரிய முடியுமா???? என்பதை சிந்தித்துப் பார்க்க வேண்டும்.

சிலருக்கு ஜானகிராமன் ஐயா சுவடியை அகத்தியர் தான் வந்து சொல்கின்றாரா? என்ற சந்தேகங்கள் வேறு!!

மற்றும் அந்த நாடியில் அப்படி இருந்தது இந்த நாடியில் இப்படி இருந்தது என்ற வேறுபாடு கண்ணோட்டங்கள் வேறு மனிதர்களுக்கு இருக்கின்றது. 

இத்தனை அதிசயங்கள் இத்தனை ரகசியங்கள் என ஒவ்வொரு வாக்கிலும் வருவது என்ன கற்பனையாகவா எழுத முடியும்??? அப்படி எழுத முடியுமா?? என்ன?? எழுதினால் என்ன ஆகும் என்று தெரியாமலா இருக்கும்????

இதற்கு முன்பாக

திரு ஹனுமதாசன் ஐயா அவர்கள் பக்தர்களுக்கு குருநாதர் உரைத்த வாக்குகள் அனுபவங்கள் தினத்தந்தியிலும் நாடி சொல்லும் கதைகள் மூலமாகவும் அனுமதாசன் அய்யா வாயிலாக நம்பி மலை கோடகநல்லூர் அகோபிலம்  என பொது வாக்குகளாகவும் வந்திருக்கின்றது.

ஜானகிராமன் ஐயா அவர்கள் நாடியின் மூலம் குருநாதர் கூறிய வாக்குகள் மூலமாக பல மாற்றங்கள் குருநாதர் சொன்னதைக் கேட்டு வாழ்க்கை மாறியது குறித்தான அனுபவ பதிவுகள் ஏராளம் இருக்கின்றன. 

குருநாதருடைய பொது வாக்குகளை மக்களுக்கு கொண்டு சென்று சேர்க்க வேண்டும்... குருநாதருடைய வேகத்திற்கு ஈடு கொடுக்க முடியாமல் ஓடிக் கொண்டிருக்கின்றோம் .

அனுபவப் பதிவுகளை எல்லாம் குருநாதர் அற்புதங்கள் அதிசயங்கள் எல்லாம் வெளிவரும் காத்திருங்கள். 

குருநாதர் ஏன் இத்தனை பொது வாக்குகள் கூறுகின்றார் ஒவ்வொரு வாக்கிலும் அவர் திட்டிக் கொண்டுதான் இருக்கின்றார் என்பதை குறித்தும் மனிதர்களுக்கு பல சிந்தனைகள். 

ஒவ்வொரு கால சமயத்திலும் மனிதர்களுடைய மனம் மாற்றம்.

பெருகி வரும் பாவங்கள் குற்றங்கள் !! இதற்கு தகுந்தார் போல் தான் தீர்வு சொல்வதை போல தான் வாக்குகள் வரும். 

30 ஆண்டுகளுக்கு முன்பு அனைவரும் கடிதப் போக்குவரத்தை பயன்படுத்திக் கொண்டிருந்தனர் இன்று யாராவது கடிதம் எழுதுகிறார்களா என்ன????

இன்றைய காலகட்டத்தில் என்னென்ன அநியாயங்கள் அக்கிரமங்கள் புது புது வியாதிகள் வந்து கொண்டிருக்கின்றது அது மட்டும் இல்லாமல் பூமி சுற்றும் வேகம் குறைந்துவிட்டது இதனால் நவகிரகங்கள் தடம் மாறி நிற்கின்றது பூமிக்கு வரும் ஆபத்து என்ன மனிதர்களுடைய பாவ கர்மாக்களால் ஈசன் இந்த உலகத்தை அழித்து விட வேண்டும் என நினைத்துக் கொண்டிருக்கையில் பொறுத்திரு!!! ஈசனே பொறுத்திரு ஈசனே என்றெல்லாம் குருநாதர் அகத்தியர் பெருமானும் சித்தர்களும் போராடிக் கொண்டிருக்கியில் மனிதர்களுடைய குணம் மாறிக் கொண்டிருக்கையில் அதை சரி செய்வதற்கு வாக்குகள் தந்து கொண்டிருப்பதை சரியாக உணர்ந்து கொள்ளாமல் ஏதேதோ பேசிக் கொண்டிருக்கின்றார்கள். 

அதேபோல் எங்களுக்கு வாக்குகள் வரவில்லை!! மற்றவர்களுக்கு மட்டும் வருகின்றது என்றெல்லாம் எண்ணங்கள் வேறு!!!

இதற்கு உதாரணமாக இரண்டு மூன்று சம்பவங்களை சொல்லலாம்..

ஒரு முறை சூரத் சங்கத்தில் குருநாதர் தொடர்ந்து பக்தர்கள் அனைவருக்கும் வாக்குகள் தந்து கொண்டிருக்க... இரவு பத்து மணி ஆகிவிட்டது கடைசியாக ஒரு குடும்பம் வந்து குருநாதரிடம் வாக்குகள் கேட்பதற்காக திரு ஜானகிராமன் ஐயா முன்பு அமர்ந்தது. 

அப்பனே இவர்களுக்கு வாக்கு இப்போது இல்லை இவர்களுக்கு கடுகளவும் புண்ணியம் இல்லை... புண்ணியங்கள் சிறிதளவாவது இருந்தால் தான் அப்பனே யான் வாக்குகள் தர முடியும்... என்று வாக்குகள் தர மறுத்துவிட்டார். 

அந்த குடும்பம் நல்ல வசதியான குடும்பம் ஆனால் புண்ணிய செயல்கள் இதுவரை செய்ததே கிடையாது.. குருநாதர் இதை கூறியவுடன் அவர்கள் முகம் வாடிவிட்டது அப்போது ஜானகிராமன் ஐயா அவர்களுடன் உடன் வந்து அடியவர் என்ன விஷயம் என்று கேட்பதற்கு மிகவும் ஒரு அவசர கால நிலையில் இருக்கின்றோம் குருநாதர் கூறும் பதில்தான் எங்கள் வாழ்க்கையே அடங்கி உள்ளது ஆனால் குருநாதர் புண்ணியம் இல்லை என்று கூறிவிட்டார் என்ன செய்வது என்று தெரியவில்லை என்று சொன்னார்கள் அப்பொழுது அந்த அடியவர் நீங்கள் ஒன்றும் கவலைப்படாதீர்கள் இன்று இரவு உங்களுக்கு இருக்கின்றது.. இந்த இரவில் முடிந்த வரை உங்களால் யாருக்கெல்லாம் தான தர்மங்கள் செய்ய முடியுமோ அவர்களுக்கு செய்யுங்கள் முடிந்தால் கூடுமானவரை உணவு பொட்டலங்களையும் தண்ணீர் பாட்டில்களையும் வாங்கிச் சென்று இந்த சூரத் நகரில் பசியோடும் பட்டினியோடும் இருக்கும் ஆதரவற்றோர் இயலாதவர்களுக்கு கொடுத்துவிட்டு காலையில் வாருங்கள் ஒருவேளை குருநாதர் வாக்குகள் தரலாம் என்று கூற... அந்தக் குடும்பமும் அன்று இரவே ஒரு ஹோட்டலுக்கு சென்று 30 உணவுப் பொட்டலங்களை வாங்கி தண்ணீர் பாட்டில்களையும் வாங்கிக்கொண்டு சூரத் நகரில் ரயில்வே ஸ்டேஷன் எதிரில் பிளாட்பார்மில் தெரு ஓரங்களில் இருக்கும் இயலாதவர்களுக்கும் கைவிடப்பட்டோர்களுக்கும் உணவையும் நீரையும் கொடுத்துவிட்டு... அடுத்த நாள் காலையில் சத்சங்கம் நடக்கும் இடத்தில் முதல் ஆளாக வந்து அமர்ந்த குருநாதரை வணங்கி பிரச்சனைகளை கூறினார். குருநாதரும் அந்த இரவு செய்த புண்ணியத்தால் அவர்கள் குடும்பத்திற்கு வாக்குகள் தந்து சில உபயங்களையும் சொல்லி அவர்களுடைய பிரச்சினைகளில் இருந்து மீட்டுக் கொடுத்தார். 

இதேபோன்று ஒரு மருத்துவர் குடும்பம் வந்து குருநாதரிடம் வாக்குகள் கேட்பதற்கு சத்தங்கத்தில் வந்தனர் அவர்களுடைய குழந்தை நார்மலாக இல்லை எந்த ஒரு ஆக்டிவிட்டியும் இல்லை என்று... வாக்குகள் குருநாதர் தந்து வழி சொல்ல வேண்டும் என்று கேட்டனர் 

இவர்களுக்கும் குருநாதர் மனம் வளர்ச்சி குன்றிய குழந்தைகளை காப்பகத்திற்கும் அனாதை ஆசிரமங்களுக்கும் சென்று அன்னதானம் செய்துவிட்டு வாருங்கள் என்று சொன்னார். 

குருநாதர் இந்த வாக்கினை கேட்ட மருத்துவர் குருநாதர் கூறிய தர்ம செயல்களை நான் செய்து கொண்டு தான் இருக்கின்றேன்... என்று பதில் கூறினார்.

அப்பொழுது குருநாதர் அம்மையே இரு மாதங்களுக்கு முன்பாக உன் இல்ல தலைவன் அது கணவனுக்கு ஒரு விபத்து ஏற்பட்டதல்லவா 

அந்த மருத்துவர் அப்படியே அதிர்ச்சியானார்... ஆம் குருநாதா ஒரு மிகப்பெரிய விபத்து ஏற்பட்டது என்று சொல்ல. 

அம்மையே அந்த விபத்தில் உன் கணவன் கை கால்களை இழந்து முடமாகி மயக்க நிலையிலேயே அதாவது கோமா ஸ்டேஜ் அப்படியே இருந்திருக்க வேண்டும் ஆனால் நீ இப்போது சொன்னாய் அல்லவா!!!! அந்த புண்ணியங்களால் தான் உன் கணவன் காப்பாற்றப்பட்டான். இப்பொழுது என் முன்னால் நீங்கள் அமர்ந்திருக்கிறீர்கள்.

நீங்கள் செய்யும் புண்ணியங்கள் உங்கள் விதியில் இருக்கும் பாவங்களை தோஷங்களை ஆபத்துக்களை விலக்கிவிடும் அம்மையே தர்மம் தலைகாக்கும் என்று பெரியவர்கள் சொன்னார்கள் ஏன் எதற்கு என்று இப்பொழுது புரிகின்றதா 

நீ இதுவரை செய்த புண்ணியங்கள் உன் கணவனை காப்பாற்றி விட்டது இனிமேல் நீ செய்யும் புண்ணியங்கள் உன் குழந்தையை பாதுகாக்கும்.. செல் யான் சொல்லியதை செய்துவிட்டு வா!!! உன் குழந்தையை அந்த புண்ணியம் காக்கும் என்று வாக்குகள் தந்து அந்த குழந்தையின் வாழ்க்கையை மாற்றினார். 

குருநாதரிடம் வாக்குகள் வாங்குவதற்கு பணம் அதிகாரம் நட்பு இவையெல்லாம் தேவைப்படாது... புண்ணியங்கள் மட்டுமே தேவைப்படும் என்பதை இந்த சம்பவங்களின் மூலம் அறிந்து கொள்ளலாம். 

சிலர் ஜானகிராமன் ஐயா ஓலைச்சுவடியில் அதிசயங்கள் அற்புதங்கள் என்ன நடந்திருக்கிறது என்று கேட்கின்றார்கள் சித்தன் அருள் தொடர்ந்து படிப்பவர்களுக்கு என்னென்ன அதிசயம் நடந்திருக்கின்றது என்பது புரிந்திருக்கும் உயிரை ஓலைச்சுவடி எடுத்துச் சென்று வீட்டில் வைத்து வழிபட செய்து உயிரை காப்பாற்றி கொடுத்த அனுபவங்கள் முதல்... ஆட்டிசம் பாதித்த குழந்தைகள் மீண்டு வந்தது என பல அனுபவங்கள் இருக்கின்றது. 

காசியில் தரிசனம் செய்ய வந்த ஒரு குடும்பத்திற்கு விதியின் வசத்தால் ஏற்பட்ட விபத்தில் ஆட்டோ ஓட்டுநராகவே வந்து மருத்துவமனைக்கு கொண்டு சேர்த்து காப்பாற்றிய குருநாதர் அகத்தியர் பெருமான்.... மருத்துவமனையில் ஐ சி யூ ல் உயிருக்கு போராடிக் கொண்டிருந்த குழந்தையை அவர்கள் குடும்பத்தினரிடம் ஒன்றும் நீங்கள் செய்யத் தேவையில்லை சிறிது கங்கை நீரை எங்களை நினைத்து அந்த குழந்தையின் மீது தெளியுங்கள் அந்த கங்கை நீரின் மூலமாக சித்தர்கள் நாங்கள் நுழைந்து அந்த குழந்தையை காப்பாற்றுவோம் என்று ஏனென்றால் அந்த குடும்பம் பல வழிபாடுகள் பரிகாரங்கள் செய்து விட்டது... மனம் வெறுத்துப் போய் குழந்தையை நினைத்து கவலைப்பட்டுக் கொண்டிருந்த அவர்களுக்கு நேரடியாக கங்கை நீர் மூலமாக ஆட்கொண்டு அந்த குழந்தையை காப்பாற்றி விட்டார்கள் சித்தர்கள். 

இப்படி பல அனுபவங்கள் எழுதுவதற்கு இருக்கின்றன பதிவுகள் பல வர இருக்கின்றன. 

குருநாதர் கூறும் பொது வாக்குகளுக்கு முக்கியத்துவம் தந்து பொதுவாக்குகள் வெளியே வந்து கொண்டிருக்கின்றது. 

சுவாரசியம் திரில்லிங் மயிர் கூச்செறியும் சம்பவங்கள் எல்லாம் சித்தர்கள் நடத்திக் கொண்டுதான் இருக்கின்றார்கள். இது எல்லாம் எதிர்பார்த்து நேரப் போக்கிற்காக எதை வேண்டுமானாலும் பேசிக் கொண்டிருப்பவர்கள்.... பல எழுத்தாளர்கள் இருக்கின்றார்கள் சுவாரசியமாக எழுதுபவர்கள் இருக்கின்றார்கள் அவர்கள் கதைகளை படித்து திருப்தி அடைந்து கொள்ளலாம். 

குருநாதரிடம் எதை எதிர்பார்க்க வேண்டும் எதை எதிர்பார்க்கக் கூடாது என்ற மனதோடு அணுக வேண்டும் சித்தர்களோடு விளையாட நினைத்தால் விளைவுகள் விபரீதமாக இருக்கும்... அதேபோல் சித்தர்களின் ஓலைச்சுவடியை படிப்பவர்களை குறித்து தவறான கண்ணோட்டத்தில் பேசுபவர்களும் ஒரு முறை யோசித்துக் கொள்வது நல்லது.... ஜீவநாடி படிப்பது சாதாரணமல்ல.... மும்மூர்த்திகளின் அனுமதியோடு அனைத்து சித்தர்களின் ஆசிர்வாதத்தோடு படிக்க வேண்டியது பணி இது. அதை செய்யும் மைந்தன் அவர்களுடைய கட்டுப்பாட்டில் இருக்கின்றார் என்பதை உணர்ந்து கொள்ள வேண்டும் யாரை விமர்சனம் செய்கின்றோம் அந்த விமர்சனம் யாரை சென்று அடையும் என்பதையும் நினைவில் வைத்துக் கொள்ள வேண்டும்!

நாம் எதிர்பார்ப்பதை குருநாதர் நினைக்க வேண்டும் சொல்ல வேண்டும் என்றெல்லாம் நினைத்துக் கொண்டிருக்கின்றார்கள் அது அவரிடம் முடியுமா? என்ன??

அவரிடம் வாக்குகள் கேட்பதற்கும் சில தகுதிகள் வேண்டும் என்பதை ஒவ்வொரு வாக்கிலும் கூறிக் கொண்டே இருக்கின்றார் அதை யாரும் சரியாக பின்பற்றுவது இல்லை எத்தனை வாக்குகள் சித்தர்கள் வெளிவந்துள்ளது.. ஒவ்வொரு வாக்கையும் படித்தால் புரியும்..

சமீபத்தில் கூட ஆம்பூரில் ஒரு ஆலயத்தில் திரு ஜானகிராமன் ஐயா நாடி வாசித்துக் கொண்டிருந்த பொழுது 200 பேருக்கு மேல் வந்து அமர்ந்து விட்டனர் குருநாதருடைய வாக்கினை கேட்க அனைவருக்கும் என்ன பிரச்சனை என்பதை குருநாதர் உணர்ந்து பொதுவாக என்ன செய்ய வேண்டும் என்பதை வாக்குரைத்து விட்டார். ஆனால் அதை முறையாக பயன்படுத்தாமல் எனக்கு தனிப்பட்ட முறையில் வாக்குகள் வரவில்லை என்று நினைத்துக் கொண்டிருந்தால் என்ன அர்த்தம். 

இதற்கு முன்பாகவும் சில சத்சங்கங்கள் நடந்தது... அதில் ஒரு சம்பவத்தை எடுத்துரைக்கின்றோம். 

கிருஷ்ணகிரியில் குருநாதர் வாக்கினை கேட்பதற்கு கிட்டத்தட்ட 100 பேருக்கு மேற்பட்ட நபர்கள் ஆலயத்தில் வந்து அமர்ந்து விட்டனர். 

யாருக்கு வாக்கு தர வேண்டும் என்பதை குருநாதர் தான் முடிவு செய்கின்றார் அவரவர் தகுதிக்கு ஏற்ப என்பதை உணர்த்தும் விதமாக 

அப்பனே யாரெல்லாம் உயிரைக் கொன்று தின்று அதாவது இரு நாட்களுக்கு முன்பு கூட துடிக்க துடிக்க உயிர்களைக் கொன்று தின்றுவிட்டு வந்து அமர்ந்திருக்கின்றார்கள் அவர்கள் எல்லாம் வெளியே போகச் சொல் என்று உத்தரவிட்டார்.

வந்த 100 பேரில் கால்வாசி பேர் வெளியே சென்று விட்டனர். 

அப்பனே நேற்று மதுபானங்கள் அருந்திவிட்டு தீய பழக்கங்களை செய்து விட்டு இன்று ஆலயத்திற்கு வந்து என் எதிரிலே அமர்ந்திருக்கின்றார்கள் அவர்களையும் வெளியே போகச் சொல் என்றார்.

மீதி இருந்த கூட்டத்தில் மீண்டும் பாதி அளவு குறைந்தது. 

மீண்டும் குருநாதர் அப்பனே இல்லத்தாளை அடித்து சண்டை செய்துவிட்டு இன்று ஒன்றும் தெரியாதவனை போல் திருநீறு அணிந்து அதாவது வீட்டில் சண்டை செய்து தாய் தந்தை மனைவியை மதிக்காமல் சண்டை போட்டு அடித்து உதைத்து விட்டு வந்து இன்று என் எதிரில் அமர்ந்திருக்கின்றார்கள் அவர்களையும் எழுந்து வெளியே போகச் சொல் என்றார்.

கூட்டத்தில் முக்கால்வாசி பேர் காணவில்லை எல்லாம் ஆலயத்திற்கு வெளியே சென்று விட்டார்கள்.

கடைசியில் 15 பேர் மட்டும் கூடி இருந்தார்கள்.. அவர்களுக்கு மட்டும் வாக்குகள் உரைத்தார் குருநாதர். 

இந்த சம்பவத்தை ஒரு உதாரணமாக தான் கூறுகின்றோம். 

குருநாதருக்கு நீங்கள் இப்படி வாக்கு சொல்ல வேண்டும் அப்படி வாங்க சொல்ல வேண்டும் என்றெல்லாம் நாம் கட்டளையிட முடியாது. 

அவர் என்ன சொல்லுகின்றாரோ ? யாருக்கு சொல்லுகின்றாரோ? எப்படி சொல்கின்றாரோ? எங்கு வைத்து சொல்லுகின்றாரோ ?!! அதுதான் வாக்கு!! அவர் தான் முடிவு எடுக்க வேண்டும்!!!

அவருக்கு நாம் கட்டளையிட முடியாது. 

மும்மூர்த்திகளின் பிரதிநிதியாய் பிரபஞ்சத்தின் அதிபதியாய் விளங்கும் கருணை தெய்வம் அகத்தியர் பெருமான் நமக்கு எல்லாம் மனமிரங்கி வந்து வாக்குகள் சொல்வதே பெரிது... அதை குற்றங்கள் குறைகள் கூறிக்கொண்டு திரிகின்றார்கள் சில மனிதர்கள். 

பாவம் இப்படி எல்லாம் பேசிக்கொண்டு இருப்பது இதெல்லாம் கர்மாவை சேர்க்கும் என்பது அவர்களுக்கு தெரியாது.

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!

சித்தன் அருள் - 1739 - கூகிள் வழிகாட்டி!

வணக்கம் அகத்தியர் அடியவர்களே!

சித்தன் அருள் வலை தளத்தில் உள்ள புதிய கூகிள் மேப் எப்படிப் பார்க்க வேண்டும் ?

இந்த கூகிள் மேப் வரைபடத்தின் வலது புறம் [ ] போன்று ஒரு லிங்க் உள்ளது. அதனைத் தட்டினால், உங்கள் கூகிள் மேப் அப்ளிகேஷனை ( google map app)  திறக்கச் சொல்லும். அதன் வழியில் சென்று ஒவ்வொரு மாநிலமாகப் பார்க்கக் குருநாதர் சுட்டிக்காட்டிய அனைத்து ஆலயங்களும் நன்கு தெரியும். ஒவ்வொரு ஆலயத்தின் லிங்குகளும் அதன் உள்ளே சித்தன் அருள் வலைத்தளத்தின் லிங்க் ( blogspot links ) உள்ளது. அடியவர்கள் இதனை நன்கு பயன்படுத்தி இவ் ஆலயங்களுக்குச் செல்லவும். அங்கங்கு உள்ள அடியவர்களை இவ் ஆலயங்களுக்குச் செல்லச்சொல்லவும். மகத்தான ஆலயங்கள் உங்களுக்கு அருள் மழை பொழிய தயாராக உள்ளன. நீங்கள் தயாரா?

நம் குருநாதர் :-

”(என் பக்தர்கள் ) அவர்களுக்கு, எவ் திருத்தலங்களுக்கு செல்லவேண்டும் என்று செப்பி, செப்பி, நன்மைகளை செய்ய வைத்து உயர்ந்தவர்கள் ஆக்குவேன் அப்பனே!”

சித்தன் அருள் வலை தளத்தில் உள்ள புதிய கூகிள் மேப் எப்படிப் பார்க்க வேண்டும் ?

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!

சித்தன் அருள் - 1738 - அன்புடன் அகத்தியர் - திரு ரவீந்திர காவண்டே!

வணக்கம் அகத்தியர் அடியவர்களே !!!

மகாராஷ்டிரா மாநிலம் நாக்பூர் ராம் டெக் கோட்டை கோயிலில் குருநாதர் வாக்குகள் தந்த பின்.... அப்பனே என் ஏழை பக்தன் ஒருவன் நீண்ட நாட்களாக காத்துக் கொண்டிருக்கின்றான்... அவந்தன் இல்லத்திற்கு செல்க என்று குருநாதர் அகத்திய பெருமான் உத்தரவிட்டார்.

மகாராஷ்டிரா மாநிலம் மற்றும் மத்திய பிரதேசத்தில் எல்லையில் அகோலா மாவட்டம் ஹிவர்கேட்..  கிராமத்தில் வசித்து வரும் திரு ரவீந்திர காவண்டே.... என்னும் பக்தர்

இவரது இல்லத்திற்கு தான் குருநாதர் உத்தரவிட்டார் செல்வதற்கு. 

அகத்தியர் அடியவர்கள் சித்தன் அருள் தொடர்ந்து படிப்பவர்களுக்கு இவரை பற்றி தெரியும். 

ஒரு ஏழை விவசாயியான இவர்... மகாராஷ்டிராவில் பசு கொலைக்கு எதிராக பசுவதைகளுக்கு எதிராக உறுதியாக நின்று போராடுபவர்...

கிட்டத்தட்ட ஆயிரத்திற்கும் மேற்பட்ட பசுக்களை தன்னந்தனியாக நின்று மீட்டு காத்தவர். 

இதனால்

வேற்று மதத்தினரால் பல எதிர்ப்புகளையும் கொலை முயற்சிகளையும் அடிதடி சண்டைகள் என இவரை கொல்ல முயற்சிகள் நடந்தாலும் அதை எல்லாம் குருநாதருடைய திருவருளால் காப்பாற்றப்பட்டு தனது சேவையை தொடர்ந்து செய்து வருகின்றார். 

தன்னந்தனியாக இரவில் இறைச்சிக்காக நெடுஞ்சாலையில் பசுக்களை கடத்திச் செல்லும் பொழுது கடத்துபவர்கள் துப்பாக்கி வாள் கத்தி போன்ற ஆயுதங்கள் வைத்துக்கொண்டு செல்லும் பொழுது தன்னந்தனியாக வண்டிகளை வழி மறித்து பசுக்களை காப்பாற்றுபவர்.

இவர் மீது குருநாதருக்கு தனிப்பட்ட பாசம் எப்பொழுதும் உண்டு.. எப்போதாவது தொலைபேசி மூலமும் திரு ஜானகிராமன் ஐயாவை தொடர்பு கொண்டு குருநாதருடைய வாக்குகள் இவருக்கு கிடைக்கும்!

 ஓரிருமுறை திரு ஜானகிராமன் ஐயாவை திருவண்ணாமலையிலும் காசியிலும் வைத்து சந்தித்தும் குருநாதரிடம் நேரடியாக வாக்குகளும் வாங்கி இருக்கின்றார். 

இவருக்கு சொந்தமாக வீடு இல்லை...

ஒரு ஏழை குடிசை தான் இவருக்கு சொந்தமாக உள்ளது.

 முன்னோர்களின் சிறிய நிலத்தில் சிறிதளவு விவசாயம் செய்து கொண்டு அனு தினமும் பறவைகள் விலங்குகள் என சகல ஜீவராசிகளுக்கும் நீர் ஆதாரங்கள் உணவுக்கான ஆதாரங்கள் அனைத்தையும் வழங்கி வருவார். 

உயர் அழுத்த நீர் குழாய்களில் அழுத்தம் காரணமாக வெளியேற்றப்படும் நீரை கூட சிறிது சிறிதாக சேகரித்து... பெரிய பெரிய நீர் குழாய் செல்லும் பாதைகளில் நீர் வெளியேற்றப்படும் இடங்களில் சிறு சிறு தண்ணீர் தொட்டிகளை அமைத்து பறவைகள் விலங்குகள் என நீர் அருந்துவதற்கு ஆதாரமாக நிறைய தண்ணீர் தொட்டிகளை ஏற்படுத்தியும் உள்ளார்.

கொரோனா கால சமயத்தில்... சில விஐபிகளுக்கு கிடைக்கும் முன்னுரிமை சலுகைகளை குறித்து குருநாதரிடம் இவர் கேள்விகளை கேட்ட பொழுது குருநாதர்

அப்பனே அவர்கள் எல்லாம் முன் ஜெனனமதில் அதிகப்படியான நீர் தானங்களை அதாவது ஏரி குளம் வாய்க்கால்கள் என நீர் நிலைகளை ஏற்படுத்தி பொதுமக்களுக்கு சகல ஜீவராசிகளுக்கும் பயன்பெறுமாறு ஏற்படுத்தி சேவை செய்து ஏழை பெண்களுக்கு திருமண உதவி ஏழை குழந்தைகளுக்கு கல்வி உதவி போன்றவை செய்து புண்ணியத்தை அதிகப்படியாக சம்பாதித்துக் கொண்டவர்கள் தான் இறைவன் ஆசிப் படி அவர்கள் விரும்பும் பிரபலமாக!!!

( உதாரணத்திற்கு அரசியல் பிரமுகர்கள் உயர் பதவியை வகிக்கும் அதிகாரிகள் விளையாட்டு வீரர்கள் திரை நட்சத்திரங்கள் என சமூகத்தில் உயர்ந்த அந்தஸ்து படைத்தவர்களாக பிறப்பெடுக்கின்றார்கள்.

அவர்கள் செய்த புண்ணியம் தான் இப்பிறப்பில் அவர்களை சமூகத்தில் உயர்ந்த இடத்தில் வைத்திருக்கின்றது அப்பனே இதற்காகத்தான் அப்பனே பின் மனிதர்களுக்கு சொல்கின்றோம் சொல்லிக் கொண்டே இருக்கின்றோம் அப்பனே புண்ணியங்கள் செய்யுங்கள்!!! புண்ணியங்களை சம்பாதித்துக் கொள்ளுங்கள் என்று. 

அப்பனே நீயும் சரியான கேள்வியை கேட்டாய் நீயும் இது போன்று பல சேவைகளை புண்ணியங்களை சம்பாதித்து வைத்திருக்கின்றாய்.. உந்தனக்கும் இது போன்ற பிறப்பும் நீ விரும்பினால் பிறக்கலாம்.

 உந்தனுக்கு கடைநாளில் இறைவன் தரிசனமும் கிடைக்கும்... இறைவனை உன்னிடத்தில் கேட்பான் அடுத்த பிறவி வேண்டுமா? எத்தகைய பிறவி வேண்டும் என்று அப்படி பிறவி வேண்டுமென்றால் உந்தன் விருப்பப்படியே ஆகட்டும் என்று இறைவனே உன்னிடத்தில் கேட்பான்!!!... மோட்சம் வேண்டுமென்றாலும் அதையும் தந்து விடுவான். இறைவன் உந்தனக்கு நல் ஆசிகள் தந்து விடுவான் என்று... வாக்குகள் உரைத்திருந்தார். 

பசுக்களை காப்பாற்றுவதற்காக இதனால் ஏற்பட்ட பிரச்சனைகளால் சிறைச்சாலைக்கும் சென்று இருக்கின்றார் கிட்டத்தட்ட ஒரு மாதம் வரை சிறையில் இருந்தார் இவர் .

இவருக்காக குருநாதரிடம் வாக்குகள் கேட்ட பொழுது அப்பனே எதிராளிகளின் பகைமை இவனை தாக்காமல் இருப்பதற்காகவே யாங்களே இவனை சிறையில் வைத்து பாதுகாத்துக் கொண்டிருக்கின்றோம்.

 இவன் அருகிலேயே கிருஷ்ணனும் கருணை சித்தன் ஆன இயேசு நாதனும் இருக்கின்றார்கள். 

உங்களுக்குத்தான் அது சிறை!!

 ஆனால் யாங்கள் உள்ளே அவனைப் பாதுகாப்பாக வைத்துள்ளோம். இவை அனைத்தும் எங்களுடைய திட்டப்படி தான் நடந்து கொண்டிருக்கின்றது அவனை பாதுகாப்பதற்காகவே சிறையில் வைத்துள்ளோம்!!!

அவன் எப்பொழுது வெளியே வர வேண்டுமோ? அப்பொழுது வெளியே வந்து விடுவான் நீங்கள் கவலை அடைய தேவை இல்லை !! அவந்தனை யாங்கள் பார்த்துக் கொள்வோம் என்று 

  குருநாதர் வாக்குகள் தந்திருந்தார்.

 அதன் பிறகு அவர் சிறையில் இருந்து மீண்டும் வெளியே வந்து குருநாதருடைய திருவருளால் அவருடைய சேவையை தொடர்ந்து செய்து கொண்டே வருகின்றார்.

இப்படி இறைச்சிக்காக பசுக்கொலைகளை செய்பவர்களை எதிர்த்து பசுக்களை காப்பாற்றி அவரது கிராமத்தில் இருந்து இடது கிலோமீட்டர் தொலைவில் இருக்கும் அக்கோட் கோ ரக்சன் எனும் கோசலைக்கு அனுப்பி வைத்து பசுக்களை பராமரிப்பு செய்து வருகின்றார்... இதுவரை ஆயிரத்திற்கும் மேற்பட்ட பசுக்களை மீட்டெடுத்து கோசலையில் வைத்து பராமரிப்பு சேவையை செய்து வருகின்றார்.

கடந்த ஆண்டு கடத்திச் செல்லும் பசுக்களை காப்பாற்ற சென்ற பொழுது அவரை நேரடியாக தாக்கிக் கொலை செய்ய முயற்சிகள் நடந்த போது குருநாதர் அவரை நேரடியாக சென்று காப்பாற்றினார்.

அதற்கு பிறகு குருநாதர் அவருக்கு கூறிய வாக்கில் அப்பனே யான் உன் அருகிலே தான் இருக்கின்றேன் உன்னை காப்பாற்றிக் கொண்டே தான் வருகின்றேன்.. என்னுடன் எனது சீடன் ஆன முஹம்மது நபியும் உன் உடனேயே இருக்கின்றான்.. அவந்தனுடைய ஆசிர்வாதமும் உந்தனுக்கு எப்பொழுதும் உண்டு.

நபி சொல்கின்றானப்பா.. யான் கருணையை காட்டச் சொல்லி தான் வழிகாட்டினேன்!!!

 ஆனால் மனிதர்கள் அதை தவறாக புரிந்து கொண்டு செயல்பட்டு வருகின்றார்கள் என்று நபியும் வருத்தத்தில் இருக்கின்றானப்பா!!

அவந்தனும் உன்னை பாதுகாத்துக் கொண்டிருக்கின்றான் அப்பா....

வேற்று மார்க்கத்தை பின்பற்றுபவர்கள் செய்து கொண்டிருக்கும் காரியங்களில் அவந்தனுக்கு உடன்பாடு இல்லை என்றும் 

நீ எக்குறைகளும் கொள்ளாதே!!! அவந்தனும் உன்னை பாதுகாப்பான்!!!

நீ கருணையோடு பசுக்களை காப்பாற்றி வருவது சித்தர்கள் யாங்கள் பார்த்துக் கொண்டே தான் இருக்கின்றோம்!! என்றும் வாக்குகள் தந்திருந்தார்!!!!

மனிதர்களாகிய நாம் செய்யும் புண்ணிய செயல்களில் தான் சித்தர்கள் யாங்கள்  திருப்தி அடைகின்றோம் என்பதை உணர்த்தும் விதமாக இந்த சம்பவம் நடந்தது.

அதாவது கடந்த வருடம்

மார்கழி மாதத்தில் வரும் ஆயில்ய நட்சத்திரம் குருபூஜை சிறப்பாக ஒரு முறை கொண்டாட குருநாதருக்கு சாற்றி வழிபாடு செய்ய ஒரு முறை இவர் துளசி மாலை ஏற்பாடு செய்ய இவர் நினைத்தபடி அதை செய்ய முடியாமல் வீட்டில் இருப்பவர்களிடம் சண்டை செய்திருப்பார் போலிருக்கின்றது.... அதாவது அவரது மனைவியிடம் குருநாதருக்கு பூஜையை அப்படி செய்ய வேண்டும் இப்படி செய்ய வேண்டும் அதனால் அந்த வேலை செய் இந்த வேலை செய்!! அப்படி செய்!! இப்படி செய் !! என்று மாலை அப்படி இருக்க வேண்டும் இப்படி இருக்க வேண்டும் என்றெல்லாம் பேசி இருப்பார் போலிருக்கிறது... அதை குருநாதரும் அவரது வீட்டிற்கு சென்று அதை பார்த்து இருக்கின்றார். 

குருபூஜை சிறப்பாக வீட்டில் அவர் செய்திருக்கின்றார்.

அதன் பிறகு குருநாதர் சூரத் நகரில் இருக்கும் காலபைரவர் ஆலயத்திற்கு செல்ல உத்தரவிட திரு ஜானகிராமன் ஐயாவும் ஆலயத்திற்கு வந்தார் அதன் பிறகு ஆலயத்தில் வைத்து குஜராத்தில் உள்ள

அகத்தியர் பக்தர்களுக்கு சத்சங்கம் நடந்தது.

சூரத்தில் சத்சங்கம் நடப்பதை அறிந்த இவர் உடனடியாக ரயில் ஏறி குருவின் ஆசிர்வாதம் கேட்பதற்காக வந்து சத்சங்கத்தில் கலந்து கொண்டார். 

இவரது முறை வரும்பொழுது குருநாதர்!!

 அப்பனே !!

உன்னிடம் யான் மாலையை கேட்டேனா???

என்று கேள்வியுடன் குருநாதர் ஆரம்பித்தார். 

அவரும் குழம்பி எப்பொழுது  குருநாதர் எந்த ?மாலையை குறித்து இப்பொழுது பேசுகின்றார் என்று தயங்கி நிற்க !!!!

குருநாதர் மீண்டும் அப்பனே!!!!...... எந்தனுக்கு குரு பூஜை செய்ய வேண்டும் என்று நீ உன் வீட்டில் நடந்து கொண்டதை இல்லத்தாளுடன் விவாதம் செய்ததை யான் பார்த்தேன். அப்பனே!!

யான் உன்னிடம் கேட்டேனா??? அப்பா எந்தனுக்கு பூஜை புனஸ்காரங்கள் செய் என்று!!! அப்பனே

 இறந்தவனுக்கு தானப்பா மாலையும் பூக்களும்!!!!

உயிரோடு சுற்றி கொண்டு இருக்கும் எந்தனக்கு எதற்கப்பா??? மாலை!!!... எங்களுக்கு உடல் மட்டும் தான் இல்லை..... அப்படியே சூட்சமமாக உயிரோட்டமாகவே சுற்றி கொண்டு இருக்கின்றோம் அப்பனே

அப்பனே எந்தனக்கு அன்பு மட்டுமே போதுமானது!!!... மாலைகளோ பூஜைகளோ அபிஷேகங்களோ!!!  எந்தனக்கு தேவையில்லை!!!

யாங்கள் உங்களிடமிருந்து எதையும் எதிர்பார்ப்பதில்லை.. அன்பு ஒன்று மட்டும் போதுமானது அப்பனே...

உங்களை புண்ணியங்கள் செய்யச் சொல்லி அதன் மூலம் உங்கள் பிறவிக் கடனை தீர்ப்பதற்கே யாங்கள் மனிதர்களுக்கு உதவி செய்கின்றோம். அப்பனே!!!

அன்பை ஒன்றை மட்டும் செலுத்து !!!

அது மட்டும்  போதும் அப்பனே!!!

நீ செய்து வரும் சேவைகளே ஜீவகாருண்யமே எங்களுக்கு போதுமப்பா!!!... 

எவன் ஒருவன் எதையும் எதிர்பார்க்காமல் ஜீவகாருண்யத்தோடு நற்செயல்கள் செய்து வருகின்றானோ.. அவந்தன் அருகில் யாங்கள் சித்தர்கள் இருப்போம். அவந்தனக்கு எங்களுடைய ஆசிகள் எப்பொழுதும் உண்டப்பா!!!

நீ பசுக்களுக்கு செய்து வரும் சேவையே எங்களுக்கு பெரிதப்பா !!!

நீ செய்யும் பூஜையும் புனஸ்காரங்களோ பெரிதில்லை அப்பனே.. என்று செல்லமாக அவரிடம் குருநாதர் கடிந்தும் கொண்டார்!!!

சேவை செய்வது மட்டும்தான் வேலை இவருக்கு இவருடைய நிலத்தில் சிறிதாக செய்து வரும் விவசாயமும் அதன் மூலம் வீட்டு உணவு தேவையை சிறிதளவு நிவர்த்தி செய்ய முடிகின்றது. 

 இவருடைய துணைவியார் ஒரு மகள் இருக்கின்றார்கள். இவருடைய துணைவியார் ஒரு சிறிய தனியார் நர்சரி பள்ளியில் குழந்தைகளுக்கு ஒரு குறைந்த சிறிய சம்பளத்தில்  ஆசிரியை ஆக பணிபுரிந்து வருகின்றார்.

மகள் ஒன்பதாம் வகுப்பு படிக்கின்றாள். 

அனுதினமும் பறவைகளுக்கு விலங்குகளுக்கு பசுக்களுக்கு உணவு சேவை நீர் சேவை மருத்துவ சேவை என இவர் செய்து வருவதை அறிந்து வட இந்தியாவில் இருக்கும் இரு அகத்திய பக்தர்கள் இவருடைய சேவையை அறிந்து தங்களால் முடிந்த சிறிய உதவியை மாதாமாதம் இவருக்கு அனுப்பி கொடுத்து சேவைக்கு உதவி வருகின்றனர்.

இப்படிப்பட்ட இந்த பக்தன் வீட்டிற்கு தான் குருநாதர் ஜீவ நாடியை கொண்டு செல்ல உத்தரவிட்டார். 

அதன்படி அகத்திய மைந்தன் திரு ஜானகிராமன் ஐயா மற்றும் அகத்தியர் அடியவர் இருவரும் நாக்பூர் ராம் டெக் ஆலயத்தில் இருந்து அவரது ஊருக்கு சென்றனர்... கிட்டத்தட்ட ஆறு மணி நேர சாலை வழி பயணம்.

அந்த கிராமத்திற்கு சென்ற பொழுது மிகுந்த மகிழ்ச்சியுடன் கிராமத்தின் நுழைவாயிலில் இருந்து தன் வீட்டிற்கு மகிழ்ச்சியுடன்  அழைப்புச் சென்றார்.

அவரது வீட்டில் குருநாதர் வருவதை அறிந்த அவர் பக்கத்து கிராமத்தில் இருந்து இருக்கும் அவரது சகோதரி மற்றும் சகோதரியின் மகள்கள் குழந்தைகளையும் அழைத்து வந்திருந்தார். 

வீட்டு வாசலில் வைத்து குருநாதருக்கு ஆரத்தி எடுத்து சுவடி வரும் மைந்தனுக்கு பாத பூஜை செய்து அழைத்துச் செல்ல முன் வர !!!திரு ஜானகிராமன் ஐயா மறுத்துவிட்டார்.

திரு ஜானகிராமன் அய்யா அவர்கள்

  நான் ஒரு சாதாரணமானவன்... ஏதோ குருநாதர் இட்ட கட்டளையை நான் செய்து கொண்டிருக்கின்றேன்!

 நீங்கள் என்னை விட பெரியவர் அதனால் என் காலில் நீங்கள் பூஜை செய்யக்கூடாது என்று எவ்வளவோ மறுத்துவிட்டார்... 

ஆனாலும் அவரும் அவரது குடும்பமும் இது மராத்திய கலாச்சாரம்!!

எங்கள் வீட்டிற்கு குருநாதர் வந்திருக்கின்றார் குருநாதருடைய மைந்தன் நீங்கள்!!!.... தயவு செய்து இந்த மரியாதையை ஏற்றுக் கொள்ளுங்கள் என்று கட்டாயப்படுத்தி கால்களில் ஜலம் ஊற்றி மஞ்சள் குங்குமம் சாற்றி இன் முகத்தோடு குருநாதரை உள்ளே வரவேற்று பூஜை அறையில் ஜீவநாடி பெட்டகத்தை வைத்து மனதார பூஜை ஆரத்தி செய்து வழிபாடு செய்தனர். 

அவர்கள் வீட்டில் எந்த ஒரு அடிப்படை வசதிகளுமே இல்லை 

மேலே கூரைக்கு பதிலாக பிளாஸ்டிக் சாக்கு பைகளால் மூங்கிலில் இணைத்து கட்டப்பட்ட கூரை. 

வீட்டில் தனியாக அறை என்று எதுவும் இல்லை ஒரு சிறிய அறை அந்த அறைக்குள்ளே சமையல் கட்டு பூஜை அறை மற்றும் படுக்கை அறை என ஒரு சிறிய நான்கு சுவருக்கு நடுவில் அப்படியே இருக்கின்றது. 

துணிமணிகள் வைப்பதற்கு கூட அலமாரிகள் என்று எதுவும் இல்லை... மிக எளிமையான எளிமையான குடும்பம் மற்றும் வீடு.

மழைக்காலங்களில் நீர் கூரை சாக்குகளின் வழியாக உள்ளே இறங்கி விடும். 

இதையெல்லாம் பார்த்த

திரு ஜானகிராமன் அய்யா பார்த்தவுடன் நெகிழ்ந்துவிட்டார்!!!...

ஏனென்றால் திரு ஜானகிராமன் அய்யாவிற்கு நிறைய பேர் ஜீவநாடி படிப்பதற்கு போனில் தொடர்பு கொள்வார்கள் எங்களுக்கெல்லாம் படிக்க மாட்டீர்களா???? எங்கள் ஊருக்கெல்லாம் வர மாட்டீர்களா???.... ஏன் எங்கள் ஊரில் சத்சங்கம் நடத்த முடியாதா????

வசதி படைத்தவர்களுக்கு மட்டும் படிப்பீர்களா???.... என்றெல்லாம் குதர்க்கமாகவும் பேசுவார்கள்...

இதையெல்லாம் கேட்கும் பொழுது திரு ஜானகிராமன் ஐயாவும் சில சமயங்களில் நொந்து கொள்வார்!!!.... குருநாதர் அங்கு செல்!! இங்கு செல்!! என்று உத்தரவு தரும் பொழுது ஊன் உறக்கமின்றி ஓய்வின்றி ஓடிக்கொண்டே இருப்பார்...

 ராம் டெக் ஆலயத்தில் குருநாதர் குமரி முதல் இமயம் வரை அங்கும் இங்கும் ஓடிக்கொண்டே இருக்கின்றார்... மனித குலம் கஷ்டங்களில் இருந்து மீண்டு வர கர்மா பாவங்களை அகற்றி நல்வாழ்வு வாழ மனிதர்கள் என்ன செய்ய வேண்டும் எப்படி வழிபாடு செய்ய வேண்டும் எப்படி புண்ணியங்களை செய்ய வேண்டும் என்பதையெல்லாம் ஒவ்வொரு திருத்தலம் திருத்தலமாக அலைந்து திரிந்து குருநாதரின் வாக்குகளை இந்த உலக நன்மைக்காக தன்னுடைய சுய வாழ்க்கையை கூட பாராமல் சுற்றித் தெரிந்து கொண்டிருக்கும் திரு ஜானகிராமன் ஐயாவை நிலைமையை அனைவரும் அறிந்து கொள்ள வேண்டும்.

குருநாதர் என்ன சொல்கின்றாரோ? எங்கு செல்ல செல்கின்றாரோ அங்கு மட்டும் தான் செல்வார்.

 யாருக்கு ஜீவநாடி வாக்கு படிக்க வேண்டுமோ அதை குருநாதர் தான் முடிவு செய்து சொல்வார்!! அதன்படி தான் திரு ஜானகிராமன் ஐயா நடப்பார். 

ஆனால் மனிதர்கள் சில சமயங்களில் இப்படி பேசுவதை கேட்டு குறிப்பாக இந்த யாத்திரைக்கு  ஒரு வாரத்திற்கு முன்பாக ஒரு சிலர் ஃபோனில் தொடர்பு கொண்ட ஒரு விதமாக பேச !!.......

திரு ஜானகிராமன் ஐயாவும் குருநாதரிடம் என்னப்பா?இது??

 இப்படி எல்லாம் மனிதர்கள் இருக்கின்றார்கள் என்று முறையிட!!!

அப்பனே யாருக்கு?? எந்த நேரத்தில் வாக்கு சொல்ல வேண்டும்? என்று எந்தனுக்கு தெரியும்... 

மகனே நீ ஒன்றும் கவலைப்படாதே!!!

 உன்னையும் யாரும் கேள்விகள் கேட்பதற்கு உரிமை இல்லை......

யாருக்கு வாக்குகள் தர வேண்டும் என்பதை யான் தான் முடிவு செய்ய வேண்டும்!!!...

 அனைவருக்குமே எந்தன் வாக்குகள் உண்டு!!!

எவை? எப்பொழுது? உரைக்க வேண்டும் என்பதை யான் தான் தீர்மானிப்பேன்!!!அப்பனே!!!

உண்மையான அன்பும் பக்தியும் புண்ணியமும் இருந்தால்...... யாரும் என்னை தேடி வர தேவையில்லை!!!!

 யானே இல்லம் தேடி சென்று வாக்குகள் தருவேன்....

பணத்தாலோ அதிகாரத்தாலோ எந்தன்  வாக்குகள் கிடைக்காது !!! 

ஒரு ஏழை பக்தன் என்பவன் எப்படி இருப்பான்? எப்படி வாழ்வான்?  என்பதை  விரைவில் அனைவருக்கும் காட்டுவேன்!!!

 நீ கவலைப்படாமல் பொறுத்திரு!!! என்று ஜானகிராமன் ஐயாவிற்கு குருநாதர் வாக்குகள் தந்திருந்தார்.

இதன் பிறகு ஒரு வாரத்திலேயே இவருடைய வீட்டிற்கு குருநாதர் செல்ல சொல்லி உத்தரவு தந்து அங்கு செல்ல வைத்தது மிகவும் அற்புத நிகழ்வாக இருந்தது. 

அந்த பக்தரும் அவருடைய குடும்பத்தினரும் ஜீவநாடிக்கு மலர்கள் தூவி வணங்கி தீபாராதனை செய்து பூஜையை செய்த பிறகு அவருக்கும் அவரது குடும்பத்தில் உள்ள அனைவருக்கும் வாக்குகள் தந்தருளினார்!!

குருநாதர் ஏழை பக்தன் திரு ரவீந்திர காவண்டே வீட்டில் உரைத்த வாக்குகள் பாகம் இரண்டில் தொடரும்

ஓம் ஸ்ரீ  லோபாமுத்திரா சமேத  திருவடிகளில் சமர்ப்பணம்!

சித்தன் அருள்.....தொடரும்!

சித்தன் அருள் - 1737 - அவதூதருடன் சில அனுபவங்கள் - 1!

வணக்கம் அகத்தியர் அடியவர்களே!

""இவர்" என்கிற தலைப்பில் சித்த மார்கத்தில் அடியேன் சந்தித்த சில பெரியவர்களை பற்றி முன்னரே தெரிவித்திருந்தேன்! அதில் இன்னும் இருவரை பற்றி தொகுக்க வேண்டியுள்ளது. அவர்கள் அனைவரும், மிக மிக உயர்ந்த நிலையில் இருந்தவர்கள்.

இவ்வுலகில், இப்படியும் சிறந்த மனிதர்கள் இருக்கிறார்களா! என்கிற சந்தேகம் உங்களில் பலருக்கும் எழலாம். அப்படிப்பட்டவர்களை "அவதூதர்கள்" என்பார்கள். அவர்களுக்கு இவ்வுலகில் தெரியாத விஷயங்களே கிடையாது. இவர்கள் ரிஷிகள், மகான்கள், சித்தர்களுடன் கூட இருந்து லோக ஷேமத்திற்காக வேலை பார்ப்பார்கள். எவ் உருவமும், எந்த மொழியும், மனித வாழ்க்கைக்கு உட்பட்ட எந்த விஷயமும், இவர்களால் செய்ய முடியும். பேசுபவர் எந்த மொழியில் பேசினாலும், இவர்களால் அந்த மொழியில் தெளிவாக பேசி பதிலுரைக்க முடியும். 

ஆனால், இவர்கள் மனிதர் முன் தோன்றி கலந்துரையாடல் செய்வது, ஒருவருக்கு கிடைக்கும் மிகப்பெரிய வரம். மிகவும் ஆச்சரியப்படுகிற நிறைய நிகழ்ச்சிகள் நடக்கும். பேசுகிறவரிடம், நிறைய தகவல்களை, அவருக்கு மட்டும் புரிகிற விதத்தில், பகிர்ந்து கொள்வார்கள்.

அப்படிப்பட்ட ஒரு அரிய முஹூர்த்தம், அடியேனது நண்பர் ஒருவருக்கு சமீபத்தில் கிடைத்தது. நண்பரை, ஏற்கெனவே சித்தன் அருளில் "யோகா மாஸ்டர்" என அறிமுகப்படுத்தியுள்ளேன். அவர் ஒரு சிறந்த யோகா பயிற்றுவிப்பாளர். மிக அமைதியானவர். எங்கு சென்றாலும் தன் இருப்பை வெளிக்காட்டி கொள்ளமாட்டார். நடந்த விஷயங்களுக்கு வருவோம்.

அன்று மாலை 4 மணிக்கு "ஆன்லைன்" இல் வகுப்பு முடிந்து அடுத்த வகுப்பு 6 மணிக்கு தான் என்பதால், அபூர்வமாக ஒரு இரண்டு மணிநேர இடைவெளி கிடைத்தது நண்பருக்கு. ஏதேனும் ஒரு புத்தகம் வாசித்து "பிலாசபி" ஆராய்ச்சியை செய்யலாம் என்று நினைக்கும் பொழுது, அவரது செல் அழைத்தது. யாரது என்று எட்டிப் பார்த்த பொழுது எண் மட்டும், பெயர் இல்லை. அவருக்கு பரிச்சயம் இல்லாத தொடர்பானதால், எடுக்கலாமா வேண்டாமா என்ற கேள்வியில் சில வினாடிகள் செல்ல, யாரோ தலைக்குள் "எடு" என்று கூறுவது போல் தோன்ற செல்லை எடுத்து "ஹலோ" என்றார். மறு முனையிலிருந்து பேசியது ஒரு பெண்ணின் குரல்.

அவர் பேசியது ஹிந்தி போல் இருந்தாலும் அதில் வேறு மொழியின் கலப்பு இருந்தது. இவர் உடன் தனக்கு தெரிந்த மலையாள மொழியில், நீங்கள் யார், என்ன பேசுகிறீர்கள் என தெரியவில்லை, உங்களுக்கு மலையாளம் மொழி தெரியுமா? அதில் கூற வேண்டியதை, பேசுங்கள் என்றார்.

மறுமுனையிலிருந்து ஒரு நொடியில் "ஓ! இதுதான் மலையாள மொழியா! அதிலேயே பேசுகிறேன்!" எனக்கூறி சரளமாக திருவனந்தபுரம் மக்கள் பேசும் மலையாள மொழி வாடையில் பேச தொடங்கினார். இப்படி ஒரு நொடியில் மொழி மாற்றி, சரளமாக மலையாள மொழியில், அதுவும், இந்த ஊர் உச்சரிப்பில் பேசியதை கண்டதும், சற்று அதிர்ந்து போன இவர், இது ஏதேனும் ஏமாற்றுகிற பேர்வழிகளின் அழைப்பாக இருக்கும் என உணர்ந்து, "உங்களுக்கு என்ன வேண்டும்! எனக்கு படிப்பதற்காக அமர வேண்டும்! இப்பொழுது நேரமில்லை!" என்றார்.

இவருக்கு நேரம் காலம் இன்றி பல வேளைகளில் அழைப்பு வரும். யாரென்று பார்த்தால், அத்தனை பேரும் மனநிலை பாதிக்கப் பட்டவர்களாக இருப்பர். தனக்கு மூச்சு பயிற்சி எடுக்க முடியுமா? இன்னென்ன பிரச்சினைகள் உள்ளது! எங்கு வந்தால் உங்களை சந்திக்கலாம்? என்ற கேள்விகளாக இருக்கும். எப்படி இவர்களுக்கு இவரின் தொடர்பு எண் கிடைக்கிறது என்பது, இன்று வரை ஒரு புரியாத புதிர்!

பேசிய பெண்மணி "நீங்கள் என்ன தொழில் செய்கிறீர்கள்? " என்றார்.

"யோகா பயிற்றுவிக்கிறேன்!" என்றார்.

"எனக்கு உங்களைத்தான் சந்திக்க வேண்டும்! இங்கு வர முடியுமா?" என்றார்.

"நீங்க யாருங்க? எங்கிருக்கீங்க? எங்கிருந்து வந்திருக்கீங்க, உங்களுக்கு என்ன தேவை?" என்றார்.

அடுத்த நிமிடம் அவர் கூறிய பதில் நண்பரை அதிரச் செய்தது.

"நான் யார்? எங்கிருந்து வந்தேன், என்ன தேவை என்பதை நீங்கள் நேரடியாக வரும் பொழுது கூறுகிறேன். நான் இப்பொழுது நீங்கள் தினமும் காப்பி சாப்பிடும் "கும்பகோணம் காப்பி" கடை பக்கத்தில் நிற்கிறேன்!" என்றார்.

இந்த பதில் மேலும் அதிர்ச்சியை கொடுத்தது. மௌனமாக இருந்தார். அவர் தினமும் காப்பி சாப்பிடுகிற கடை என்னை போன்ற நண்பர்களை தவிர வேறு யாருக்கும் தெரியாது! அதெப்படி இவருக்கு தெரிந்தது? யார் சொல்லியிருப்பார்கள்? என யோசித்துக் கொண்டிருக்கும் பொழுது,

" நீங்க தினமும் இங்க தானே காப்பி சாப்பிடுவீங்க. அல்லது இங்கிருந்து நேரே செல்லும் ரோடில் இடது பக்கம் திரும்பி சென்றால் அங்கு வலது பக்கம் திரும்பும் ஒரு ரோடின் வளைவில் இருக்கும் "கணேஷ் காப்பி" கடையில் சில வேளை காப்பி அருந்துவீர்கள். இன்று எங்கு வர வசதி என்று கூறினால், அங்கு நிற்கிறேன்" என்றார்.   

இவருடன் பேசுவது மேலும் மேலும் ஆச்சரியத்தை ஏற்றிக் கொண்டே சென்றதால், இவரை போய் பார்த்தால் என்ன என்ற உணர்வு வரத்தொடங்கியது.

"சரி! வருகிறேன்! ஆனால் நான் வந்து சேர அரை மணி நேரத்துக்கு மேல் ஆகும். அத்தனை தூரத்தில் என் வீடு உள்ளது. எனவே, நீங்கள் விரும்பினால் ஒன்று கூறுகிறேன். நீங்கள் நிற்கும் இடத்திலிருந்து ஐந்து நிமிட தூரத்தில் தான் பத்மநாப சுவாமி கோவில் உள்ளது. உங்களுக்கு விருப்பம் இருந்தால் உள்ளே சென்று ஸ்வாமியை தரிசனம் செய்யலாம்! மேலும் அங்குதான் அகத்திய முனிவரின் சமாதியும் உள்ளது. அவரையும் நீங்கள் தரிசிக்கலாம்! நான் ஒரு 45 நிமிடத்தில் அங்கு வந்து உங்களை சந்திக்கிறேன்!" என்றார்.

"சரி! அப்படியே ஆகட்டும்!" என கூறி அந்த பெண்மணி செல் போனை துண்டித்தார். உடனேயே அந்த எண்ணை சேமித்து வைக்க தேடிய பொழுது அந்த எண் இவர் செல்லில் இருந்து அழிந்து போயிருந்தது. பதினைந்து நிமிடத்திற்கு மேலும் பேசிய அந்த தொடர்பை பற்றிய எந்தவித தடயமும் இவர் போனில் இல்லாமல் போனது.

அதிர்ச்சியில் அமைதியான இவர் சற்று யோசனைக்குப் பின் "சரி போய்தான் பார்ப்போமே. என்ன! ஒரு பாதுகாப்புடன் போக வேண்டும், என்ன நடக்கும் என்று தெரியாது" என உணர்ந்து, தினமும் வகுப்பு எடுக்கும் முன் போட்டுக் கொள்ளும் சக்கர வளயத்தையும் போட்டுக் கொண்டு, தலை உச்சியில் இறைவனுக்கு சாற்றிய வாசனாதி திரவியத்தை மறைத்து பூசிக்கொண்டு, புறப்பட்டார்,

அவர் வாழ்க்கையில் முதல் முறையாக அதிரப்போகும் நிகழ்ச்சிகளை சந்திக்கப் போகிறோம் என்பதை அறியாமலேயே!

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!

சித்தன் அருள் - 1736 - அன்புடன் அகத்தியர் - லோபாமுத்திரா!

வணக்கம் அகத்தியர்  அடியவர்களே!!!

நமது அன்னை லோபா முத்திரை தேவியின் மகிமைகள் குறித்து குருநாதரிடம் கேட்ட பொழுது குருநாதர் ஏற்கனவே... அப்பனே அவள்தான் காசி நகரிலே சுற்றித் திரிகின்றாள்... அவளுக்கு மிகவும் பிடித்த இடமும் கூட என்று காசியை குறித்து கூறியிருந்தார்.

அன்னை லோபா முத்ரா தேவி விதர்ப்ப தேசத்து இளவரசி என அறியப்படுவதை குறித்து குருநாதரிடம் கேட்ட பொழுது..

லோப முத்திரை பிறந்த இடம் மராட்டிய மாநிலம் நாகப்பூரில் உள்ளது அங்கு செல்லுங்கள் என்று குருநாதர் உத்தரவிட்டார். 

அதன்படியே மகாராஷ்டிரா மாநிலம் நாக்பூர் விதர்பா பிராந்தியம் ராம் டெக் கோட்டை கோவிலுக்கு சென்றபோது அங்கு குருநாதர் அகத்திய பெருமானின் ஆசிரமமும் ராம் லட்சுமணன் பிரதானமான கோட்டை கோயிலும் மலை மீது இருக்கின்றது. 

6/11/2024 அன்று குருநாதர் அகத்தியர் பெருமான் ராம் டெக்.. கோட்டை கோவிலில் வாக்குகள் தந்தருளினார். 

ஆதி சிவசங்கரியின் பொற்கமலத்தை பணிந்து செப்புகின்றேன் அகத்தியன்.

அப்பனே எம்முடைய ஆசிகள்!!

அப்பனே நல்விதமாகவே அப்பனே இன்னும் ஏராளமான வாக்குகள் அப்பனே 

பின் நிச்சயம் மனிதன் தெளிவடைந்து விட்டால் அப்பனே நிச்சயம் மாற்றங்கள் ஏற்படுமப்பா!!

அதனால்தான் அப்பனே சில விஷயங்களை அப்பனே சொல்லி சொல்லி தெளிவடைந்து விட்டால் அப்பனே... நிச்சயம் பின் பாவத்தை.. அப்பனே நிச்சயம் அதாவது பாவம் மனிதனை நெருங்காதப்பா

புண்ணியம் மட்டுமே நெருங்கும். 

அப்பனே அதனால்தான் அப்பனே சித்தர்கள் பல பல ரூபங்களில் கூட வந்து வந்து அப்பனே மனிதனுக்கு பல உதவிகளும் கூட செய்து கொண்டே இருக்கின்றார்கள் அப்பனே 

அதாவது நல்விதமாகவே அப்பனே 

அது மட்டும் இல்லாமல் இன்னும் இன்னும் அப்பனே கலியுகத்தில் அப்பனே நிச்சயம் பின் அக்கிரமங்கள் அநியாயங்கள் அப்பனே நிச்சயம் பின் அதாவது தீய எண்ணங்கள் அப்பனே இன்னும் இன்னும் அதிகமாகுமப்பா!!!

அப்பனே ஒன்றைச் சொல்கின்றேன் சரியாகவே அப்பனே 

நிச்சயம் அப்பனே ஒரு குழந்தை பிறக்கின்றது அப்பனே சரியாகவே சூரியனின் ஆதிக்கம் நிச்சயம் அப்பனே ஆறு ஆண்டுகள் அப்பனே. 

(குழந்தையின் ஜாதகத்தை சூரிய திசை) 

அப்பனே அதனுடன் நவகிரகங்கள் கூட அப்பனே பின் அதாவது

ஆறு அதனுடன் நிச்சயம் அப்பனே பின் ஒன்பது அப்பனே சரியாகவே அப்பனே நிச்சயம் அறிந்தும் கூட கூட்டினால்

(சூரியன் திசை 6+நவகிரகங்கள் 9

6+9= 15)

 அப்பனே பின் அறிந்தும் கூட அப்பனே நிச்சயம் அவ் (15) வயதில் இருந்து அப்பனே நிச்சயம் பின் தந்தையின் பேச்சை நிச்சயம் பின் கேட்டு நடக்க வேண்டும் என்பேன் அப்பனே.

இவ்வாறு கேட்டு நடந்தாலே அப்பனே நிச்சயம் வயது ஆக ஆக நிச்சயம் பின் சூரியன் அப்பனே அதாவது அறிந்தும் கூட அப்பனே நிச்சயம் சக்திகள் வழங்கி வழங்கி அப்பனே பின் நிச்சயம் உயர வைப்பானப்பா!!!

அப்பனே அவை மட்டுமில்லாமல்.. அப்பனே சந்திரனும் கூட அப்பனே சரியாகவே அப்பனே பத்து பின் ஆண்டுகள்... அப்பனே பின் சமமாகவே பின் அதன் உள்ளே அப்பனே சிறிது அப்பனே அறிந்தும் கூட அப்பனே... ஒன்பதை அப்பனே கூட்டினால் அப்பனே

சந்திர தசை 10 ஆண்டுகள் நவகிரகங்கள் 9

10+9=19..

அறிந்தும் இதை தன் உணர அப்பனே நிச்சயம் அவ் வயது தன்னில் இருந்து கூட அப்பனே நிச்சயம் அதாவது... 15 இல் இருந்து நிச்சயம் இன்னும் அப்பனே பின் 19.. அப்பனே இதிலிருந்தும் கூட தாயின் பேச்சையும் சரியாகவே கேட்டு நடக்க வேண்டும் அப்பனே நிச்சயம் அறிந்தும் கூட 

பின்பு அப்பனே அறிந்தும் கூட.... குருவானவன் அப்பனே.. பின் நிச்சயம் 16 வருடங்கள் அப்பனே

அப்பனே பின் 16 உடன் ஒன்பதை கூட்டுங்கள் அப்பனே 

 குரு திசை0 16+

நவகிரகங்கள் 9

16+9=25

அப்பனே பின் இதுவரை அப்பனே நிச்சயம் பின் தாய் பின் தந்தை அப்பனே பின் நிச்சயம் குருவானவன் பேச்சை கேட்டால் அப்பனே.. அவர்கள் பின் உயர்ந்து நிற்பார்கள் என்பேன் அப்பனே...

 சொல்லிவிட்டேன் அப்பனே இவ் ரகசியத்தை அப்பனே.

அப்பனே பின்பு பின் நிச்சயம் ராகுவும் கேதுவும் அப்பனே நிச்சயம் பிடிக்க மாட்டார்களப்பா!!!

அப்பனே அதனால் நிச்சயம் அதாவது ராகுவானவனுக்கும் அப்பனே 18 ஆண்டுகள் கேதுவானவனும் அப்பனே பின் நிச்சயம் 7 ஆண்டுகள் அப்பனே... நிச்சயம் இதை இரண்டையும் கூட்டினால்

ராகு 18+கேது 7=25

 நிச்சயம் இவ் வயது... அவ் வயதிலிருந்து அப்பனே யோகங்கள் பல பல செயல்பட ஆரம்பிக்கும் என்பேன் அப்பனே

இப்படி அதாவது தாய் தந்தையின் பேச்சை பின் கேட்கவில்லை அப்பனே பின் குருவானவன் பேச்சையும் கேட்கவில்லை என்றால் அப்பனே நிச்சயம் அப்பனே அறிந்தும் கூட அதாவது பின் எப்படியப்பா???

அப்பனே பின் அதாவது 25 அறிந்து எதை என்று கூற அப்பனே நிச்சயம்.. ராகு18 அப்பனே நிச்சயம் அறிந்தும் கூட கேதுவானவன் அப்பனே பின் சப்தங்கள் (7 ஆண்டுகள்)

(சப்தம் என்றால் ஏழு என்று

பொருள் . உதாரணத்திற்கு சப்தரிஷிகள் சப்த கன்னியர்கள்)

அப்பனே அறிந்தும் கூட சரியாகவே அப்பனே பின் எவை என்று 25 க்கு மேலே நிச்சயம் அப்பனே நிச்சயம் ராகுவானவனும் விடமாட்டானப்பா... கேதுவானவனும் விட மாட்டானப்பா... அப்பனே பின் சந்தித்துக் கொள்ளுங்கள் நீங்களே 

அதாவது பின் அனைத்து பிரச்சினைகளையும் கூட!!

அப்பனே இப்பொழுது புரிகின்றதா???

அப்பனே யாரிடமிருந்து பிரச்சனைகள் உருவாகின்றது? என்பதை கூட!!

இதனால் அப்பனே ராகுவும் பின் அதாவது... மூவரின் பேச்சையும் கேட்கவில்லை என்றால் (தாய் தந்தை குரு) அப்பனே ராகுவானவன் எடுத்துக் கொள்வான் கேதுவானவன் எடுத்துக் கொள்வான் என்பேன் அப்பனே... இவர்களின் ஆன்மா பலத்தையும் கூட..

பின் அதிலிருந்து கஷ்டங்கள் பல பல பின் கஷ்டங்கள் பட்டுப்பட்டு தான்.. எழுந்து எழுந்து தான் அப்பனே இறைவனை நாடிட்டு சென்றால்தான் பாவமே தொலையும் அப்பனே 

அப்பனே நிச்சயம் இவை தன் உணர வேண்டும்...

அப்பனே யாரும் இதை உணர்வதில்லையப்பா!!

(ஒருவருடைய ஜாதகத்தில் சூரிய திசை சந்திர திசை குரு திசை என வரும்.... சூரிய திசை 6 ஆண்டுகள் சந்திர திசை 10 ஆண்டுகள் குரு திசை 16 ஆண்டுகள் என இப்படி வரும்... இதற்கான நற்பலன்கள் எப்படி வரும் என்றால் 

தாய் தந்தை குரு பேச்சைக் கேட்டு மதித்து நடக்க வேண்டும் அப்பொழுதுதான் இவ் கிரகங்களின் ஆசிகள் கிடைத்து.... அதன் பிறகு ராகு கேது திசை நடக்கும் பொழுது அதனுடைய தோஷங்கள் அண்டாமல் இருக்கும்.... அப்படி தாய் தந்தை குருவின் பேச்சை கேட்காமல் நடந்தால் அதன் பிறகு வரும் ராகு கேது திசைகளில் ஆத்ம சக்தியை இழந்து பல வகையிலும் கஷ்டப்பட நேரிடும் நமது பிரச்சனைகளுக்கு நாமே காரணமாகி விடுவோம்)

அப்பனே இன்றளவு கிரகங்களைப் பற்றி சொல்லிக் கொண்டே இருக்கின்றார்கள் அப்பனே 

ஆனாலும் பல விஷயங்கள் அப்பனே பின்  சுவடிகளில் மறைத்து விட்டோம் என்போம் அப்பனே....

மறைத்தும் விட்டனர் அப்பனே... பின் மறைத்தும் விட்டோம்!!!... ஏன் எதற்கு என்றால் அப்பனே இக்கலி யுகத்தில்... அப்பனே நிச்சயம் அப்பனே பின் காசுகளுக்காக எதையும் செய்வார்களப்பா!!!

அதனால் சில ரகசியங்களை தெரிந்து கொண்டால் அப்பனே நிச்சயம் பின் புண்ணியமாகுமப்பா!! மனிதனுக்கு!!! நிச்சயம் அப்பனே அப் புண்ணியம் சரியாகவே பின் அழைத்துச் செல்லும் என்பேன் அப்பனே..

அவை மட்டும் இல்லாமல் அப்பனே யார் ஒருவன் சரியாகவே அப்பனே பின் குருவானவனுக்கு அதாவது பின் மன்னனானவனுக்கு (குரு கிரகம்) அப்பனே பின் அறிந்தும் எதை என்று அறிய அப்பனே சரியாகவே அப்பனே சேவைகள் செய்வோர் அதாவது அப்பனே இறைவனுக்கு சேவைகள் செய்வோர் அப்படி நிச்சயம் நீடூழி வாழ்வார்களப்பா... பிறவிகள் அப்பனே நிச்சயம் அவ் தொடர்ந்து அவர்கள் சந்ததிகள் பெருகுமப்பா!!!!

ஆனாலும் இப்படி ஆள் இல்லையே!?!?!?! அப்பனே!!

கலியுகத்தில் அப்பனே பின் சொல்லிச் சொல்லி அப்பனே யாங்கள் பக்குவங்கள் பட்டு எழுந்திட வேண்டும் என்பதை எல்லாம் மனிதனுக்கு.. உரைத்துக் கொண்டே வருகின்றோம்..

ஆனால் மனிதன் என்னவோ.. அப்பனே பின் அதாவது... யான் போவேன் திடீரென்று எந்தனக்கு மாற்றம் அடைய வேண்டும் என்பதையெல்லாம்... அப்பனே

யார் ஒருவன் அப்பனே.. இப்பொழுதெல்லாம் அப்பனே பின் அதாவது கடனில் இப்பொழுது பின் சிக்கிக்கொண்டு இருக்கின்றானே!!....

அதாவது யான் இங்கு என்ன சொல்கின்றேன் என்றால் அப்பனே... அதாவது பணத்தை பின் அதிகம் பேர் அப்பனே பின் நிச்சயம்... பின் பணம் வாங்கிட்டு அப்பனே பின் நிச்சயம் திரும்ப தராமல் அப்பனே ஏங்கிக் கொண்டிருக்கின்றார்கள் என்பேன் அப்பனே 

இவர்கள் எல்லாம் இவ் சாபத்தை பெற்றவர்கள் தான் அப்பனே..

தாய் தந்தையின் கூட அப்பனே குருவின் சாபத்தை பெற்றவர்கள் தான்... இவ்வாறெல்லாம் அப்பனே...

எப்படியப்பா????

ஆனாலும் அப்பனே இவையெல்லாம் தீருமப்பா அப்பனே நிச்சயம்... யான் வரும் வரும் வாக்கியத்தில் கூட ஒவ்வொன்றாக சொல்லும் பொழுது... அதை நிச்சயம் அப்பனே... பின் நிச்சயம் யானே தீர்ப்பேனப்பா!!!

அப்பனே நிச்சயம் இதன் அடியில் தான் அப்பனே நிச்சயம்... பின் அறிந்தும் கூட... அப்பனே பின் எவை என்று அறிய அறிய உலோபா முத்திரையின் இல்லமும் கூட அழகாக அமைந்துள்ளது என்பேன் அப்பனே!!!

(ராம் டெக் ராமர் லக்ஷ்மணர் கோட்டை கோவில் சிறு குன்றின் மீது அமைந்துள்ளது அருகிலேயே குருநாதர் அகத்தியர் பெருமானின் ஆசிரமமும் உள்ளது ஆசிரமத்திற்கு உள்ளே ஒன்பது ஞானிகளின் ஜீவ சமாதியும் உள்ளது ஜீவசமாதியில் அருகே உள்ளே பாதாளத்தில் குருநாதர் குகை ஒன்று உள்ளது ஆனால் அதற்கு உள்ளே செல்ல அனுமதி இல்லை குருநாதர் குறிப்பிடுவது அன்னை லோபா முத்திரை தேவியின் இல்லம் குருநாதர் குறிப்பிடுவது போல் கோட்டை கோவிலுக்கு கீழே உள்ளே உள்ளது) 

நன் முறைகளாகவே பல அரசர்கள் அப்பனே பின் எங்களை தேடி தேடி வந்தார்கள்!!

(குருநாதர் அகத்தியர் பெருமான் அன்னை லோபா முத்திரையின் இல்லம் குருகுலம் தேடி பல அரசர்கள் வந்தார்கள்)

அப்பனே அறிந்தும் கூட பல வகைகளிலும் கூட அப்பனே யான் தான் அகத்தியன் என்று அப்பனே ஒருபோதும் சொல்லவில்லை அப்பனே பின் நிச்சயம் மனித ரூபமாக எடுத்து எடுத்து அப்பனே பல அரசர்களுக்கும் கூட யான் நிச்சயம் அப்பனே... பல பல பொன்மொழிகளையும் கூட நிச்சயம் அப்பனே இப்படி சென்றால் நன்று!! என்றெல்லாம் அப்பனே..

அப்படி நிச்சயம் ஒரு நாள் அல்லது இரு நாள் இருப்பேன் அப்பனே திடீரென்று அப்பனே சென்று விடுவேன் அப்பனே 

ஆனாலும் அப்பனே அவர்கள் பின் ஒரு நாள் (குருநாதரை சந்திப்பதற்கு புண்ணியங்கள்) எதை என்று அறிய அறிய ஆனாலும் அதற்கும் கூட புண்ணியங்கள் இருக்க வேண்டும் அப்பா..

அப்பனே நிச்சயம் பின் அதாவது நீங்களும் கூட புண்ணியங்களை சரியாகவே பெற்றுக் கொண்டால் அப்பனே எனை நீங்கள் பார்க்கலாம் என்பேன் அப்பனே..

எனை பார்த்து விட்டால் அப்பனே நிச்சயம் அப்பனே அறிந்தும் அறிந்தும் கூட இதனால் தான் அப்பனே.. பின் சொல்லிக் கொண்டே இருக்கின்றேன் அப்பனே உங்களுக்கு புண்ணியத்தை அப்பனே செப்பிய அதாவது பின் செப்பிவிட்டால் அப்பனே போதுமானதப்பா.... பின் நீங்களே வளர்ந்து விடுவீர்கள் என்பேன் அப்பனே!!!

ஆனாலும் அப்பனே மனிதனுக்கு மனிதன் அப்பனே பின் பாவத்தை செப்பிக் கொண்டிருக்கின்றான் அப்பா.. அப்பனே 

அதனால்தான் முன்னேற்றம் இல்லை என்பேன் அப்பனே 

ஆனாலும் சில பேர் முன்னேற்றம் அடைந்தது போல் இருப்பார்கள் அப்பனே... ஆனால் கடைசியில் பார்த்தால் அப்பனே

அதாவது இரண்டு அல்லது மூன்று அல்லது பின் நிச்சயம் ஐந்து வருடங்கள் அப்பனே....

மீண்டும் அப்பனே கீழே விழுந்து விடுவார்கள் என்பேன் அப்பனே.. ஏனென்றால் அப்பனே நிச்சயம்.. பின் அன்பு தான் தேவை என்பேன் அப்பனே 

சித்தர்களை நெருங்க சரியான ஆயுதம் அன்பு என்பேன் அப்பனே 

ஆனால் இப்பொழுது அப்பனே ஆயுதத்தை அதாவது பணத்தை ஆயுதம் போல் எண்ணுகின்றார்கள் என்பேன் அப்பனே 

எப்படியப்பா?? குடும்பமும் செழிக்கும்??

அப்பனே அறிந்தும் எதை என்று கூட... அப்பனே பின் நிச்சயம் இதனையெல்லாம் நிச்சயம் பல பல வழிகளிலும் கூட அப்பனே இன்னும் கூட அப்பனே இதனடியில் அப்பனே யாங்கள் வசித்து!!! அறிந்தும் கூட அப்பனே

(அகத்தியர் பெருமான் லோபா முத்திரை அன்னையின் இல்லம்) 

அப்பனே பின் பல சித்தர்கள் பின் அறிந்தும் கூட இதனால் தான் அப்பனே.. நிச்சயம் யான் அதாவது அப்பனே எங்கெங்கோ இருப்பவர்கள் எல்லாம் அப்பனே பல அரசர்களும் கூட.... ராமனும் கூட அப்பனே இங்கே வந்து பல ஆசிகளை அப்பனே பல பல மனிதர்களைக் கூட எப்படி அதாவது சகித்துக் கொண்டு அப்பனே பின் உயர்ந்த நிற்பது என்பதை எல்லாம் அப்பனே... ராமனுக்கும் பல வழிகளிலும் கூட அப்பனே இங்கே தான் பாடத்தை கற்பித்துக் கொண்டே இருந்தேன் அப்பனே... சீதா தேவியும் கூட அப்பனே பின் பல பல வழிகளிலும் கூட எப்படி எல்லாம் நிச்சயம் பின் கர்மங்கள் அண்டும் என்பதை எல்லாம் நிச்சயம் பின் அப்பனே பல வழிகளிலும் கூட பல ரிஷிகளும் பல ஞானிகளும் அப்பனே இங்கு வந்து  வந்து அப்பனே நிச்சயம் பல விஷயங்களை கற்றுக் கொண்டார்கள் என்பேன் அப்பனே 

இப்பொழுதும் கூட அப்பனே நிச்சயம் அறிந்தும் கூட அப்பனே நிச்சயம் பின் அதாவது 9 சமாதிகள் அப்பனே... ஒவ்வொரு கிரகத்தையும் கூட அப்பனே நிச்சயம் ஒவ்வொரு தோஷத்தையும் கூட நீக்கும் தன்மை பெற்றது அப்பனே 

இதனால்தான் அப்பனே தேடுங்கள் தேடுங்கள்... தேடுதல் வேட்டையிலேயே இருங்கள் என்றெல்லாம் அப்பனே 

ஆனாலும் அப்பனே... எதை எதையோ தேடிக் கொண்டிருக்கின்றான் மனிதன்...

அப்பனே.. மனிதன் தேடுகின்றான் அப்பனே பின் பணத்தை நோக்கி... ஆனாலும் அதுவும் அப்பனே எவ்வாறு நிரந்தரம் என்பதை கூட அப்பனே

இன்னும் அப்பனே நிச்சயம் எதை எதையோ தேடுகின்றான் என்பேன் அப்பனே 

ஆனால் அப்பனே நிச்சயம் இறைவனை தேடுவதே இல்லை என்பேன் அப்பனே 

அப்பனே இறைவன் ஓரிடத்திலே.. நின்று விட்டால் அதாவது... மனிதர்கள் பல பேர் சொல்கின்றார்கள் என்பேன் அப்பனே!!

ஒருவன் என்னிடம் அவன் என் பக்தன் தானப்பா!!! அதாவது அகத்தியன்... அதாவது என்னிடத்திலே இருக்கின்றான்... யான் தான் அகத்தியன் என்றெல்லாம்...

அப்பனே இதனால் தான் அப்பனே

இறைவன் மீது நம்பிக்கை போய் விடுகின்றது என்பேன் அப்பனே....

மீண்டும் பின் மனிதன் அப்பனே அதாவது அறிவில்லாத மனிதன் அவனை தேடி சென்று பின் நீங்கள் தான் அகத்தியனா? என்று பின் காலில் விழுவான் என்பேன் அப்பனே...

இச் சந்தர்ப்பத்தை பயன்படுத்திக் கொண்டு பின் அவன் இவனிடம் இருந்து அனைத்தையும் பிடுங்கி விடுவான் என்பேன். அப்பனே நிச்சயம். 

ஆனால் கடைசியில் அகத்தியன் இல்லை பின் அதாவது அகத்தியன் என்று சொன்னான்... ஆனாலும் அனைத்தும் பிடுங்கி விட்டான்... அதனால் அகத்தியன் பொய் என்று சொல்லிவிடுவானப்பா!! இதுதான் கலியுகம் என்பேன் அப்பனே 

அப்பனே நிச்சயம் யாங்கள் பின் தரிசனம் கொடுக்க தயாராக.... ஆனாலும் அப்பனே நிச்சயம் நீங்கள் அப்பனே அதற்கு சரியான..ஆளா?????..... என்றால் அப்பனே நிச்சயம் அப்பனே  பின்  ஒரு சதவீதம் கூட இல்லையப்பா!!!

அப்பனே முதலில் பொறாமைகள் வந்து விட்டாலே நிச்சயம் அகத்தியனை நெருங்க முடியாது அப்பனே!!!

நிச்சயம் அப்பனே கருணை படைத்தாக வேண்டும்... அன்பு நிறைந்திருக்க வேண்டும்... அப்பனே எவை என்று அறிய அறிய அப்பனே நிச்சயம் என்னிடத்தில்.. நெருங்கலாம் அன்பாலே!!! அப்பனே... 

மற்றவை எல்லாம் வீண் அப்பனே!!

அப்பனே பல பக்தர்களையும் கூட யான் பார்த்துக் கொண்டே இருக்கின்றேன்... அப்பனே நிச்சயம் நல்லது.. நடந்தால் அகத்தியன். 

பின் தீயவை நடந்தால் அகத்தியன் இல்லை என்று.!!

அப்பனே எப்படியப்பா??

அப்பனே நிச்சயம் நன்மையும் தீமையும் கூட அப்பனே.. யார் ஒருவன் சரியாக பாவிக்கின்றானோ??..அவந்தனுக்கு தான் என்பேன் அப்பனே!!!

அதனால் தான் அப்பனே பின் நிறைய வாக்குகள் நிச்சயம் மனிதன் எதையோ நோக்கி செல்கின்றான் என்பேன் அப்பனே 

ஆசைகளை நோக்கி செல்பவனுக்கு வாக்குகள் இல்லையப்பா!!!

அப்பனே சொல்லிவிட்டேன் என்பேன் அப்பனே!!...

அவன் ஆசையை நோக்கி சென்று விட்டு அப்பனே படுதோல்வி அடைந்து விட்டு கீழே விழுந்து விட்டு பல நோய்களை ஏற்படுத்திக் கொண்டு மீண்டும் என்னிடத்தில் வருவானப்பா!!!

பின் வந்து பின் அகத்தியன் உடனடியாக காப்பாற்ற வேண்டுமென்றால்??? எப்படியப்பா????

அப்பனே மீண்டும் காப்பாற்றி விட்டாலும் மற்றொருவன் சொல்வான்..

இவந்தன் இவ்வளவு பின் அதாவது தரித்திரங்களை செய்தானே... இத்தனை தவறுகளை செய்தானே... இறைவனே இவனுக்கு நல்லதை செய்து விட்டான் என்று!!

அதனால் தான் அப்பனே... யானும் கூட அப்பனே இழுத்துக் கொண்டே வருவேன்..... ஏனென்றால் பயம் இருக்க வேண்டும்... நிச்சயம் அப்பனே பின்.. அதாவது பாவம் செய்தவனுக்கு அப்பனே பின் நிச்சயம்... அதனால் தான்... 

"""""""நிச்சயம் பாவம் செய்தவனுக்கு கூட... வாக்குகள் உண்டு ....!!!!!!

ஆனாலும் அப்பனே பின் நிச்சயம் அறிந்தும் கூட பின் நல்லது செய்ய நிச்சயம் தாமதங்கள் ஆகும் என்பேன் அப்பனே 

அதுவரையில் அதாவது.. அதற்குள்ளே அகத்தியன் இல்லை என்று சொல்லிவிடுகிறார்களப்பா!!!

அப்பனே நிச்சயம் எங்கள் ஆசிகள்!!!... அப்பனே நிச்சயம் யாங்கள் அப்பனே எங்கிருப்போம் என்பதை எல்லாம் அப்பனே மனிதன் அப்பனே... நினைத்து விட்டாலே கருணையோடு வந்து விடுவோம் அப்பனே 

ஆனால் மனிதனுக்கு அது தெரிவதே இல்லையப்பா!!

இதனால்தான் அப்பனே சில சில ரகசியங்கள் அப்பனே எங்கு செப்ப வேண்டும்??? என்பதையெல்லாம் அப்பனே செப்பினால் தான் அப்பனே நிச்சயம் பின் கர்மம் அதாவது... பாவம் சேராதப்பா... அப்பனே பின் அதாவது... சொல்பவனுக்கும் புண்ணியம்... அதைக் கேட்பவனுக்கும் புண்ணியம் என்பேன் அப்பனே 

அதனால்தான் அப்பனே பல திருத்தலங்களுக்கு சென்று சென்று அப்பனே...

ஆனால் அப்பனே உங்களால் அதாவது அப்பனே புண்ணியம் இருந்தால்தான் அப்பனே சில சில திருத்தலங்களையும் கூட நெருங்க முடியுமப்பா!!!

ஆனால் ஒருவன் சொல்கின்றானப்பா!!!

பக்கத்தில் இருக்கும் திருத்தலத்திற்கு செல்லவில்லை என்று!!! செல்ல முடியவில்லை என்று!!!

அப்பனே பின் இவந்தனக்கு

எதற்கப்பா??? கொடுக்க வேண்டும் அப்பனே 

நிச்சயம் அப்பனே அறிந்தும் கூட அப்பனே இவந்தன் எதை என்று அறிய அறிய எதை கொடுத்தாலும்...இவந்தனுக்கு வீணப்பா!!!... இவந்தன் எதை என்று... யான் சொல்ல??? இவனைப் பற்றி!!!

அப்பனே  நிச்சயம் அப்பனே தேடித்தேடி.....

இறைவன் முட்டாளா???? மனிதன் முட்டாளா??? அப்பனே 

இறைவன் பின் எங்கெல்லாம் திருத்தலங்களை எல்லாம் அப்பனே அதாவது அப்பனே அதாவது எங்கெல்லாம் பின் எவை என்று கூற பாவத்தை தொலைக்க வேண்டுமோ... மனிதர்களுக்காகவே அங்கெல்லாம் பின் இறைவன் அமைந்திருக்கின்றான். 

ஆனால் மனிதனோ!?!?!?!... நிச்சயம் பின் பாவத்தை மட்டும் வேண்டும் என்றெல்லாம்... ஆனால் உடனடியாக நடக்க வேண்டும் அனைத்தும் என்று எண்ணுகின்றானே... மனிதன் போல் முட்டாளே இவ்வுலகத்தில் இல்லையப்பா!!!

அப்பனே நிச்சயம் அறிந்தும் கூட... பல சக்திகளையும் கூட பல அறிவுகளையும் கூட இறைவன் கொடுத்து அனுப்புகின்றான் அப்பனே 

ஆனால் மனிதனோ அதை பயன்படுத்துவதே இல்லை 

அதை பயன்படுத்தாவிடில் அப்பனே...யாங்களும் பின் சிறிதளவு அப்பனே பயன்படுத்துமாறு... அப்பனே நிச்சயம் ஏதோ ஒரு ரூபத்தில் நிச்சயம் சொல்லிக் கொடுப்போம். 

அதையும் பயன்படுத்தவில்லை என்றால் அப்பனே......."""வீண் எதைக் கொடுத்தாலும் வீண்!!!!

அதனால்தான் அப்பனே நிச்சயம் யாங்கள் கொடுக்க தயாராக இருக்கின்றோம் அப்பனே 

ஆனால் அவனவன் சக்திகளுக்கு ஏற்ப தான் யாங்கள் கொடுக்க முடியுமே தவிர.... அப்பனே நிச்சயம்... ஒருவனுக்கு அப்பனே அதாவது... ஜீவநாடி வேண்டுமென்றெல்லாம் அப்பனே இன்னும்... சுவடிகள் வேண்டும் என்றெல்லாம்.. பின் அப்பனே எண்ணங்கள்.. அப்பனே 

ஆனாலும் அப்பனே.. எதை என்று அறிய அறிய... குமரி முதல் இமயம் வரை பின் திரிய வேண்டும் என்பேன் அப்பனே...

(சுவடியை எடுத்துக்கொண்டு இந்திய கண்டத்தின் ஒருமுனையான கன்னியாகுமரியில் இருந்து மேலே ஹிமாச்சல மலைப்பகுதிகள் வரை திருத்தலங்கள் திருத்தலங்களாக சுற்றித் திரிய வேண்டும்)

இதற்கு தயாரா???????????

அப்பனே நிச்சயம் தயாராக இருக்க மாட்டானப்பா!!!

அப்பனே நிச்சயம்.. ஏனென்றால் பின் அப்பனே நிறைந்து எவை என்று கூட ஜீவநாடி அப்பனே எவை என்று புரிய புரிய... அப்பனே எவை என்று அறியாமல் கூட பணத்திற்காகவே!!! இதை வைத்துக்கொண்டு பணம் சம்பாதிக்கலாம் என்றே அப்பனே!!!

எப்படியப்பா?? அப்பனே முடியும் என்பேன் அப்பனே 

ஆனால் அப்பனே பின் அதை வைத்துக்கொண்டு பணத்தை சம்பாதிப்பதோடு அப்பனே நிச்சயம் பாவத்தையும் சம்பாதித்து கொண்டிருக்கின்றான் அப்பனே மனிதன் அப்பனே 

இப்படித்தான் அப்பனே நிச்சயம் பின் மனிதர்கள் அழித்தார்களப்பா!!! காலங்கள் காலங்களாக!!! என்பேன் அப்பனே 

அப்பனே நிச்சயம் பின் யாருக்கு?? எவை என்று தேவை? என்பதை எல்லாம் யாங்கள் புரிந்து நடப்போம்.

ஆனாலும் அப்பனே பல பேர்கள் பின் நிச்சயம் பின் அறிந்தும் கூட பின் எதை என்று கூட யான் நிச்சயம் மனிதனுக்கு பல வழிகளிலும் கூட பின் நிச்சயம் பல நன்மைகள் செய்தாக வேண்டும் என்பவை எல்லாம் அப்பனே அவை (இப்படியும் நினைக்கின்றார்கள்) நிச்சயம்...... பலிக்காதப்பா!!

அண்மம்.

அப்பனே அண்மம்... என்பது அப்பனே அதாவது ஓர் இடத்தில் இருந்து கொண்டே பாவத்தை சேர்ப்பது என்பேன் அப்பனே 

இப்படித்தான் அப்பனே ஓரிடத்தில் இருந்து கொண்டு அப்பனே நிச்சயம் மனிதன் பல மந்திரங்களை மனிதர்களுக்கு செப்பி செப்பி.. அப்பனே பாவத்தை அவன் பாவத்தையும் கூட இவன் ஈர்த்து கொண்டே இருக்கின்றான் அப்பனே 

ஆனால் கடைசியில் அடித்தால்... அப்பனே யாரும் அப்பனே பின் உருப்படியாக இருக்க மாட்டார்கள் என்பேன் அப்பனே 

(ஓரிடத்தில் இருந்து கொண்டு மாந்திரீக தாந்திரீக வழிகளில் சுவடியை வைத்துக்கொண்டு மந்திர உபதேசம் செய்து பாவத்தை சம்பாதிப்பது... இப்படிப்பட்ட சுவடிகள் ஆலயத்திற்கு செல்ல முடியாது சென்றாலும் செயலிழந்து விடும் என்று ஏற்கனவே குருநாதர் காசியில் வாக்குகள் தந்திருக்கின்றார்)

பன்மம்!!

அப்பனே பன்மம்... அப்பனே இரண்டாவது முறையாக பன்மம் என்பது அப்பனே நிச்சயம் அறிந்தும் கூட காசுகளை பெற்று அப்பனே நிச்சயம் வாக்குகளை சொல்வது என்பேன் அப்பனே....

பின் இதற்கும் காரணங்கள் அப்பனே நிச்சயம் அப்பனே அழிவுகள் உண்டு குடும்பமே நிச்சயம் நடுத்தெருவில் நிற்குமப்பா!!!

(காசுகளுக்காக ஓலைச்சுவடி படிப்பது)

அசமம்!!

அப்பனே நிச்சயம் இன்னும் அசமம் அப்பனே... இவைதன் கூட அப்பனே காரணங்கள் அப்பனே நிச்சயம் அசைவத்தை உண்ணுதல் அப்பனே 

இவை தன் உண்டு கொண்டே இருத்தல் அப்பனே... நிச்சயம் கடை காலங்களில் நோய்கள் ஏற்பட்டு அப்பனே பின் அதாவது இல்லத்தில் உள்ள அனைவருக்குமே நோய்கள் ஏற்பட்டு விடும் என்பேன் அப்பனே... எதை என்று புரியும் அளவிற்கு கூட 

(சிலர் அகத்தியர் பெயரை வைத்துக் கொண்டு ஓலைச்சுவடி படிப்பவர்கள் அசைவ உணவையும் உண்டு கொண்டு இருக்கின்றார்கள்)

நன்மம்!!

அப்பனே பின்.. நன்மம்... அப்பனே நிச்சயம் அறிந்தும் அறிந்தும் கூட அப்பனே பல வகையிலும் கூட அப்பனே பல திருத்தலங்களுக்கு செல்லுதல்.. அப்பனே நிச்சயம் அனைத்தும் இறைவன் செயலே!! என்று இருத்தல்!!! என்பேன் அப்பனே 

இவ்வாறு இருந்தால் அப்பனே... நிச்சயம் இவைதன் (சுவடிகள் ) செயல்படும் என்பேன் அப்பனே

(ஓலைச்சுவடியை படிப்பதற்கும் இவை தகுதிகள் குணங்கள் என்பதை பற்றி குருநாதர் கூறிய விளக்கம்)

குரோததன்!

அப்பனே குரோததன் அப்பனே எதை என்று அறிய அறிய.... கருணை காட்ட வேண்டிய இடத்தில் கருணை காட்டாமல் அன்பு இடத்தில் அன்பு காட்டாமல் அப்பனே அனைத்தும் செய்பவன் அப்பனே... நிச்சயம் தன் வாழ்க்கையை இழந்து விடுகின்றான் என்பேன் அப்பனே 

அப்பனே நிச்சயம் ஒவ்வொன்றாக... பின் என் பக்தர்களுக்கு தெரிய வேண்டும் என்பேன் அப்பனே 

அகத்தியன் என்று சொல்லிவிட்டால் போதுமா????????? அப்பனே

நிச்சயம் எவை என்று அறிய அறிய அனைத்து தகுதிகளும் இருக்க வேண்டும் என்பேன் அப்பனே 

அகத்தியன் என்று சொல்வதற்கே ஒரு தகுதி இருக்க வேண்டும் என்பேன் அப்பனே

நிச்சயம் அவை மனிதரிடத்தில் இல்லையப்பா

அதனால் தான் அப்பனே யான் எதுவுமே செய்வதில்லையப்பா

நிச்சயம் சொல்லிவிட்டேன் அப்பனே... அறிந்தும் கூட 

அப்பனே நிச்சயம் அப்பனே யார் மூலம்??? எதை???......................

சிறிது பார்ப்பேன் அப்பனே திருந்தினால் போதும்....

திருந்தாவிடில் அப்பனே... யார் மூலம் அப்பனே எதை பின் பின்பற்ற வேண்டும் என்பதை எல்லாம் அப்பனே நிச்சயம் அப்பனே மனிதன் பின் பாவத்தை சம்பாதித்துக் கொண்டே இருக்கின்றான் அப்பனே என்னை வைத்துக் கொண்டே அப்பனே அவை இவை... என்று காசுகள் புரட்டிக் கொண்டே இருக்கின்றான் என்பேன் அப்பனே 

ஆனால் அவந்தனுக்கு அப்பனே... வினை வந்து விட்டால் அப்பனே.... நியாயம் பேசுவானப்பா

வாக்குகள் வரவில்லையே அப்பனே அதாவது இவன் சொல்லவில்லையே என்று !!!

(அகத்தியர் மைந்தன் ஜானகிராமன் ஐயா வாக்கு எனக்கு படிக்கவில்லை எனக்கு சொல்லவில்லை என்று)

அப்பனே நீ ஒழுங்காக இருந்தால் அப்பனே உன் இல்லத்தை தேடி வருவேனப்பா!!

நீ ஒழுங்காக இல்லை!!!

அதனால் தான் அப்பனே யான் வாக்குகள் செப்புவதில்லை!!!

ஏன் சித்தர்களும் வாக்குகள் உந்தனக்கு செப்புவதில்லை!!! என்பேன் அப்பனே!!! அறிந்தும் கூட! 

இதனால் நிச்சயம் அப்பனே நிச்சயம் பின் அன்பின் உருவமாக இருங்கள் போதுமானது என்பேன் அப்பனே 

யாங்கள் வருவோம் அப்பனே நிச்சயம்... அப்பனே நிச்சயம் அறிந்தும் கூட அப்பனே மனிதனுக்கு பின் அப்பனே...எத் தகுதியும் இல்லை அப்பனே 

அதாவது எங்களுக்கு வாக்குகள் செப்பவில்லை என்று சொல்வதற்கு அப்பனே 

நிச்சயம் வாக்குகள் சொல்வதற்கு யாங்கள் தான் முடிவு எடுக்க வேண்டும் அப்பனே 

அதைக் கூட மனிதனுக்கு தெரிவதில்லை என்றால்  அப்பனே... எப்படியப்பா???? அவனுக்கு யான் வாக்குகள் செப்பி புரியவைப்பது???????

சொல்லுங்கள் நீங்களே என்பேன் அப்பனே 

இதனால் அப்பனே பல பேர்கள்... இப்படித்தான் அப்பா... இன்னும் இன்னும் அப்பனே பின்... வெளி தேசத்தினர் கூட அப்பனே பின் நிச்சயம் எதை எதையோ தேடிக் கொண்டிருக்கின்றார்கள் என்பேன் அப்பனே 

ஆனாலும் பின் எதை என்று கூட.... அனைத்தும் பொய்!!

இறைவன் தான் மெய் என்பேன் அப்பனே 

அவ் மெய்யானதை எப்படி?? பின் எப்படி காண்பிக்க வேண்டும் என்பதைக் கூட யாம் அறிவோம் அப்பனே 

நிச்சயம் வரும் காலத்தில் அவை அனைத்தும் யான் தெரிவிப்பேன் அப்பனே 

இன்னும் அப்பனே வாக்குகள் உண்டு ஆசிகள் ஆசிகளப்பா!!!

ராம் டெக்கில் குருநாதர் பொதுவாக்கு உரைத்தப்பின் குருநாதரிடம் லோப முத்திரை தாயின் பிறந்த இடம் குறித்து கேட்ட பொழுது 

அப்பனே அறிந்தும் கூட எவை என்றும் அறிய அறிய அப்பனே நிச்சயம் ராமன் அப்பனே என்னுடைய அப்பனே பின் சீடன் தான் அப்பா 

அப்பனே என்னிடத்தில் இருந்து பல உபதேசங்களை பெற்றுக் கொண்டான். 

அப்பனே ஆனாலும் அறிந்தும் கூட அப்பனே அப்பொழுது... லோபா முத்திரையும் கூட அருகில்.. அதனால் அப்பனே அறிந்தும் எதை என்றும் புரிந்தும் கூட... அப்பனே நிச்சயம் உண்மைதனை கூட... அப்பனே நின்றிட்டு அப்பனே நிச்சயம் எதை என்று அறிய அறிய 

நிச்சயம் பின் எங்களுக்கு அப்பனே... பல இடங்களில் கூட அப்பனே... பிறப்பு!!

அப்பனே எதை என்று அறிய அறிய அதாவது அன்பு இருந்தாலே அப்பனே நிச்சயம் அங்கே அப்பனே உடம்பை விட்டுவிட்டு மீண்டும் அப்பனே நிச்சயம் அறிந்தும் கூட அப்பனே... நிச்சயம் பிறப்பு எடுத்து விடுவோம் அப்பனே 

பின் அதாவது ராமனும் சீதாவும் இங்கு அமர்ந்து கொண்டு... எப்படி செல்வது?? என்று தெரியாமல் அப்பனே நிச்சயம்.. பின் அதாவது அழகாகவே பின் நிச்சயம் இங்கு எவை என்று அறிய அறிய அப்பனே 

இதனால் நிச்சயம் தன்னில் கூட பின் இங்கு அப்பனே நிச்சயம் பின் அதாவது உலோபா முத்திரை பிறப்பெடுத்தால். நிச்சயம் பின்.. சாபங்களும் மறையும் ராமனுக்கும் சீதாவுக்கும் என்று கூட விதி... இதை யாம் அறிவோம். 

இதனால் அப்பனே பின் மீண்டும் அப்பனே காசி தன்னில் இருந்து அப்பனே மீண்டும் இங்கு பிறப்பு எடுப்பதற்காகவே அப்பனே யான் உத்தரவிட்டேன் அப்பனே 

மீண்டும் அப்பனே பின் எவை என்று கூட அப்பனே இதன் ரகசியங்கள்.. அப்பனே பல பல உள்ளது என்பேன் அப்பனே... அவையெல்லாம் வருங்காலத்தில் யான் செப்புவேன் அப்பனே பொறுத்திருந்தால்!!!

அப்பனே இன்னும் யான் வாக்குகள் பரப்புவேன் அப்பனே... சிறிது சிறிதாக பரப்பினால் தான் அப்பனே நிச்சயம் அப்பனே அனைத்தும் சொல்லிவிட்டால் மீண்டும் நீங்கள் மறந்து விடுவீர்கள் என்பேன் அப்பனே.... சிறிது சிறிதாக அப்பனே அனைத்தையும் அனைத்து ரகசியங்களையும் யான் சொல்வேன் அப்பனே!!!

ஆசிகள் ஆசிகளப்பா!!!

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!