வணக்கம் அகத்தியர் அடியவர்களே!
"சித்த மார்கத்தில்" நுழைந்து கவனித்த பொழுது, பல நேரங்களில் சித்தர்கள் உதிர்த்த அறிவுரைகள், உங்கள் அனைவருக்காக!
- யாகத்தில் ஒருவன் ஆத்மார்த்தமாக கலந்து கொண்டால், கர்மா குறையும், அவனுக்கு எதிர்காலத்தில் இறை தரிசனம் கிட்டும்.
- யாகம் முடித்த 15 தினங்களுக்குள் ஒருவன் பிறருக்கு அன்னசேவையும், மருத்துவ உதவிகளையும் செய்ய வேண்டும்.
- அது வேண்டும், இது வேண்டும் என்றில்லாமல், இறைவா நீ வேண்டுமென்றிரு.
- கர்மத்தால் வருகின்ற துன்பம், தர்மத்தால் தீர வழியுண்டு.
- தாமரையை மாலை கட்டிப்போடுவது மிக மிக சிறப்பு.
- தாமரைத்தேனை கலைவாணிக்கு அபிஷேகம் செய்திட, முக்காலமும் உணரும் அருள் கிட்டும்.
- சித்தர்கள் கூறும் வழிமுறைகளை நூற்றுக்கு நூறு எவன் ஒருவன் கடைபிடிக்கிறானோ, அவனே சிஷ்யன் என்ற அன்புக்கு பாத்திரமாவான்.
- கற்களும், முற்களும், ஆணி துண்டுகளும் நிறைந்தது சித்த மார்க பாதை. அது மூர்க்கர்களுக்கும், மூடர்களுக்குமான வழி அல்ல.
- ஆலயத்தில், கூட்டத்தில் இடிபட்டு, வேதனைப்பட்டு தரிசனம் செய்வது கூட, சில கர்மக் கழிவுகளை ஏற்படுத்தும்.
- இறைவன் ஒரு ஆத்மாவை தேர்ந்தெடுத்து, சித்தர்களுக்கு உத்தரவிடும் பொழுது, ஒருவனுக்கு/ஒருவளுக்கு சித்தர்கள் வழி காட்டுதல் கிடைக்கும்.
- எவன் ஒருவன் ஒரு பிறவியில் அதிக அன்ன சேவை செய்திருக்கிறானோ, அதிக அளவு பசுக்களை காக்கும் முயற்சியில் இருந்திருக்கிறானோ, உயிர் கொலை புரியமாட்டேன் என்று இருக்கிறானோ அவர்களுக்கெல்லாம் சித்தர்களின் கருணையும், கடாக்ஷமும் இறை அருளாலோ அல்லது யாங்கள் விரும்பியோ செய்திடுவோம்.
- பூமி ஒரு சிறை கூடம். ஒரு கெட்ட கர்மாவும் இல்லாத நிலை உருவாகும் பொழுது பூமி அழிக்கப் படலாம்.
- சரியான உச்சரிப்புடன் தமிழை பேசினாலே அது சுவாச பயிற்சிக்கு சமம்.
- உள்நோக்கமும் தீய எண்ணங்களும் இல்லாத அனைத்து செயல்களும் இறைவனால் ஏற்றுக் கொள்ளப்படும்.
- இறைவனை உள்ளத்தில் தரித்தால், ஒருவேளை சித்தர்கள் சிக்கலாம், தரிசிக்கலாம்.
- மனிதன் தானம், தர்மம், பிறருக்கு உதவி செய்து பாபத்தை ஒரு பிறவியிலேயே போக்கி கொள்ளலாம். விலங்குகளுக்கு அந்த வாய்ப்பு இல்லாததால், விலங்கு தேகத்தையே பெற வேண்டி உள்ளது. அதனால் தான் மனிதப்பிறவி உயர்ந்தது என்கிறார்கள் சித்தர்கள்.
- இருப்பதில் கொடு, இது சாதாரண நிலை. இருப்பதையே கொடு, இது உயர்ந்த நிலை.
- ஒரு மனிதன் கொடுத்துக் கொண்டே இருந்தால், அதனால் சேர்த்துக்கொள்ளும் புண்ணியத்தை, அவனின் ஆகாத விதி காலத்தில் எடுத்து பயன்படுத்துவார்கள் சித்தர்கள்.
- சிவாய நம, நம சிவாய, நமோ நாராயணாய எனப்படும் மந்திர சொற்கள் அகத்திலிருந்து சொல்லச் சொல்ல, சொல் அகமே, ஜோதி அகமாகி, ஜோதி விளக்காக எரியுமப்பா.
- எவன் ஒருவன் பிறர் நித்திரையை கலைக்கும் வண்ணம், குலைக்கும் வண்ணம் செயல்பட்டானோ, அவனுக்கு பிறவிதோறும் நித்திரை சுகம் கிட்டாது.
- மெய் ஞான தேடல் துவங்கும் பொழுது, ஒரு மனிதன் பாபம் செய்ய அஞ்சுவான்.
- நான், எனது என்ற உணர்விருக்கும் வரை தவறுகள் நடந்துகொண்டே இருக்கும்.
- பொய் அறிவு விலக, மெய் அறிவு துலங்கும்.
- வினை தோன்றும் இடத்தில், வேல் தோன்றும், துயர் தோன்றும் இடத்தில் முருகர் அருள் தோன்றும்.
- அம்பலத்தில் ஆடுபவனுக்கு, அமர இடம் கொடு உன் உள்ளத்தில்.
- யாரெல்லாம் பொறுப்பில்லாமல் பேசி ஒருவனை ஏளனப்படுத்துகிறார்களோ, அந்த ஒருவனின் பாபம் அவர்களுக்கு செல்வதோடு, அவர்கள் புண்ணியம் இவனுக்கு வந்து சேரும்.
- ஜீவ நாடி மௌனம் தெய்வீக சூட்ச்சுமம்.
- ஒரு விஷயத்தை நடத்தாமல் தள்ளி வைப்பதும், நடவாது எனக்கூறி நடத்தி கொடுப்பதும் சித்தன் தான்.
- மொழி ஏதாயினும், அகரமே முதல் எழுத்து.
- குறுக்கு வழியிலே இறைவனை உணரும் ஒரு நிலை வாமாசாரம்.
ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!
சித்தன் அருள்.....தொடரும்!
அருமை.. ஓம் அகத்தீசாய நமக 🙏
ReplyDelete