அகத்தியப் பெருமான் அருள் வாக்கு
"எல்லாம் இறைவன் படைத்த உயிர்கள். இதில் உயர்வு, தாழ்வு பேதமில்லை. பொதுவாக, சாத்வீக உயிரினங்களிலே பல்வேறு முனிவர்களும், சமயத்தில் ரிஷி பத்னிகளும் அவதாரம் செய்வார்கள். இவர்களே வரம் கேட்டு வந்து, தங்களுடைய பால் இறைவனுக்கு அபிஷேகம் செய்யப்படும் பாக்கியம் வேண்டும் என்பதற்காக இவ்வாறு பிறவி எடுப்பார்கள். தேவர்களும், தேவதை வர்க்கங்களும், கந்தர்வர்களும் சாபத்தினால் இவ்வாறு பிறப்பதும் உண்டு. எனவேதான், எத்தனையோ உயிரினங்கள் இருக்க, பசுக்களுக்கு யாங்கள் முக்கியத்துவம் தருகிறோம். மான், மயில் மற்றும் கிளி போன்ற உயிரினங்களில் கூட முனிவர்கள், தேவதை வர்கங்களாக இருப்பதால் தான், பெரும்பாலும் இவற்றுக்கு இடையூறு செய்யாமல் இருப்பது நல்லது. முன்னரே பல புண்ணியங்களை செய்து, தவத்திலே சிறந்து விளங்குகின்ற ஒரு முனிவரோ, ரிஷிபத்னியோ இவ்வாறு பிறவி எடுக்கும்பொழுது அறியாமையால், மனிதர்கள் தீங்கு இழைத்தால், எந்த அளவுக்கு பாவம் வரும் என்பதை ஒரு மனிதன் புரிந்து கொள்ள வேண்டும்."
No comments:
Post a Comment