சித்தன் அருள் - 1288 - குருநாதர் வாக்கு - அனைவருக்கும் !

வணக்கம் அகத்தியர்  அடியவர்களே!!!!

குருநாதர் அகத்தியர் பெருமான் தற்போது தந்த உத்தரவு

அப்பனே வரும் காலங்களில் நவகிரகங்களின் தாக்கம் பெருமளவில் இருக்கும் அப்பனே!!!!

யாங்கள் சித்தர்கள் ஒவ்வொரு காலகட்டத்திலும் மனிதர்களாகிய நீங்கள் என்னென்ன செய்ய வேண்டும் என்பதை வாக்குதனில் உரைத்துக் கொண்டே வருகின்றோம்!!!!! எவ் மனிதனினும் எங்களுடைய பேச்சைக் கேட்பதே இல்லையப்பா!!!! இப்படி இருந்தால் எப்படி கஷ்டங்கள் தீரும் எவ்வாறு தான் புண்ணியங்களை சேர்த்து வைக்க முடியும்!!!

மனிதன் கர்மாதனையை சேர்த்து வைத்துக் கொண்டே இருக்கின்றான் எவரிடத்திலும் புண்ணியங்கள் இல்லையப்பா!!!!

இனி யான் கூறியதை கேட்டுவிட்டு புண்ணியங்கள் செய்து விட்டு வந்தால் தான் என்னுடைய வாக்குகள் கிட்டும்!!!

நல்முறையாக நவதானியங்களை பொடியாக்கி....அவ் பொடியினை திருத்தலங்களுக்கு எடுத்துச் சென்று திருத்தலங்களுக்கு வெளியே நல்முறையாக பொடிதனை இட்டு அவ் நவதான்ய பொடியின் மேல் தீபமேற்றி எத்தனை தீபம் வேண்டுமானாலும் ஏற்றலாம் தீபம் ஏற்றுவதற்கு முன் நவதானிய பொடிகளை  இட்டு அதன் மேலே தான் தீபங்களை ஏற்ற வேண்டும் முடிந்தவரை உங்களால் முடிந்தவரை தீபங்கள் எண்ணிக்கை இருக்கலாம் தீபம் ஏற்றி பின் அதன் உள்ளேயும் சிறிதளவு நவதானிய பொடிகளை விட்டு அவ் திருத்தலங்களுக்கு முடிந்தவரை சிறிதளவு எனும் உதவிகள் செய்ய வேண்டும் உழவாரப்பணிகள் செய்ய வேண்டும் சுத்தம் செய்வது இது எல்லாம் செய்து வர வேண்டும் ஏனென்றால் மனிதர் இடத்தில் புண்ணியங்கள் இல்லை அப்பா இதை அனைவரிடமும் செய்யச் சொல்...

எதிர்வரும் காலகட்டங்களில் மனிதர்களுக்கு போராட்டங்களும் மனக்குழப்பங்களும் இல்லத்தில் சண்டை சச்சரவுகளும் வரும் இதிலிருந்து தங்களை பாதுகாத்துக் கொள்ள யான் ஒவ்வொன்றாக கூறிக் கொண்டே வருகின்றேன் அதனை என் பக்தர்கள் பின்பற்றி அப்படியே செய்து வர வேண்டும் கடைப்பிடித்து வர வேண்டும்.

யாங்கள் கூறியவற்றை இப்படியே கடைப்பிடித்து வந்தால் யாம் பார்த்துக் கொள்வோம்....

அனுதினமும் அப்பனே கோமாதாக்களுக்கு அகத்திக்கீரை அளித்து வரவேண்டும் மாலை நேரத்தில் வீட்டிலும் தீபம் ஏற்றி திருவாசகம் ஓதி வர வேண்டும் திருவாசகத்தில் இருந்து ஏதாவது ஒரு பதிகம் அனுதினமும் ஓதி வர வேண்டும்!!!! ஓதி வணங்கி பின்பு இனிப்புகளை தானமாக வழங்குதல் வேண்டும்.!!

இதனை இம் மாதத்தில் வரும் சிவராத்திரி வரை கடைபிடித்து வர வேண்டும்!!!!!

சிவராத்திரி அன்று சிவாலயங்களுக்கு சென்று தன்னால் முடிந்த வரை உதவிகள் செய்து வர வேண்டும்!!!!! சிவராத்திரி அன்று சிவபுராணம் ஓதுதல் வேண்டும்!!!! நமச்சிவாயனை மனதில் நினைத்து நமச்சிவாயா நமச்சிவாயா என்று ஜெபித்துக் கொண்டிருக்க வேண்டும்.

சிவராத்திரி முடிந்தவுடன் அப்பனே மறுநாள் எள் கலந்த சோற்றினை (எள் சாதம்) ஏதேனும் ஒரு புண்ணிய நதியில் கரைத்து விட வேண்டும்......பின் மூழ்கி குளித்திடல் வேண்டும். 

பின் அன்றைய தினத்திலிருந்து துளசி வில்வம் அருகம்புல்லை வெறும் வயிற்றில் உட்கொள்ள வேண்டும்.... அதன் பிறகே உணவை உட்கொள்ள வேண்டும்.

அப்பனே வரும் காலத்தில் நவகிரகங்களின் கதிர்வீச்சுக்கள் மனிதர்களை அண்டும் அப்பனே..... இதிலிருந்து நீங்கள் மீண்டு வர யான் ஒவ்வொன்றாக கூறிக் கொண்டே வருகின்றேன் அதை அப்படியே என் பக்தர்கள் கடைப்பிடித்து வந்தாலே ஒரு குறைவும் இல்லை கவலைகள் இல்லை அப்பனே!!!!!

சிவராத்திரி அடுத்து வரும் அமாவாசை தினத்தில் அவரவர் முன்னோர்களை மனதார நினைத்து எந்தன் முன்னோர்கள் எத்தனை பேர் இருக்கின்றார்களோ அவர்களையெல்லாம் நினைத்து....... அன்னை தந்தை இழந்தவர்களை யாரும் இல்லாதவர்களை அனாதை இல்லங்களுக்கு சென்று அவர்களை கண்டு......... எம்முடைய முன்னோர்கள் எந்தனக்கு யார் என்று தெரியாது!!!!!! அவர்களை எல்லாம் இப்பொழுது நான் நினைத்துக் கொள்கின்றேன் நாங்கள் எதற்காக பிறந்திருக்கின்றோம் என்பதும் எங்களுக்கு தெரியாது!!!!!! உங்களை எங்கள் முன்னோர்களாக நினைத்து வணங்குகின்றோம் என்று வணங்கி முடிந்தவரை அன்னத்தை அவர்களுக்கு வழங்கிட வேண்டும்!!!! அவர்களுக்கெல்லாம் அன்னதானம் செய்ய வேண்டும்!!!!

இதை என் பக்தர்கள் அனைவரும் கண்டிப்பாக அப்படியே பின்பற்ற வேண்டும்!!!!

வரும் காலம் அழிவு காலமப்பா கஷ்டங்களும் நோய்களும் போராட்டங்களும் வருமப்பா!!!!

என் வழியில் வருபவர்களுக்கு யான் அனைத்தையும் எடுத்துக் கூறி எப்படி எல்லாம் வாழ வேண்டும் என்பதை கூறிக் கொண்டே வருகின்றேன் அதன்படியே பின்பற்றி வந்தால் நல் மாற்றங்கள் ஏற்படுவது உறுதி!!!!

யான் கூறியவற்றையெல்லாம் செய்துவிட்டு வரச்சொல்!!!! அதன் பிறகு வாக்குகளாக கேட்கச் சொல்!!! அப்பொழுது யான் வாக்குகள் தருகின்றேன் அதுவரை யாருக்கும் வாக்குகள் இல்லை!!!!! 

முற்றே!!!! 

வணக்கம் அகத்தியர் அடியவர்களே!!!!! என் பக்தர்கள் அனைவரும் இதனை கடைப்பிடித்து வர வேண்டும் புண்ணியங்கள் சேர்த்து வர வேண்டும் என்று குருநாதர் உத்தரவு தந்துள்ளார் சிவராத்திரி அமாவாசை கழிந்தவுடன் மக்களுக்கான வாக்குகள் உரைப்பேன் என்று என்று கூறி இருக்கின்றார்!!!!! குருநாதர் ஒரு உத்தரவு தந்தால் அதனை அப்படியே மேற்கொண்டு வந்தால் தான் வாக்குகள் கிடைக்கும் என்றும் கூறியிருக்கின்றார் அதனால் அடியவர்கள் இதை முறையாக பின்பற்றி நல்முறையாக புண்ணியங்கள் சேர்த்துக்கொண்டு பிறகு தங்களுக்கான குருநாதர் உரைக்கும் வாக்குகளை திரு ஜானகிராமன் ஐயாவை தொடர்பு கொண்டு கேட்கவும்!!!

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!