உண்மையான ஆன்மீகவாதியை எப்படி தெரிந்து கொள்வது என்ற புரிதல் தரும் வாக்கு. (நல்லோர்கள் ஏமாறாமல் பிழைத்துக்கொள்க)
அப்பனே மனிதனுக்கு திறமைகள் இருந்தாலும், ஆனால் அத்திறமைக்கு காரணம் இறைவனே என்று நினைப்பது இல்லை, மனிதன். அப்பனே ஒன்றைச் சொல்கின்றேன் அப்பனே! இறை பலத்தைக்கூட இறைவன் இல்லை என்ற நிலமைக்கு மனிதன் வந்து விட்டு இறைவனை வைத்து பிழைத்துக் கொள்ளலாம் என்று கூட இனிமேலும் யோசிப்பான். சோம்பேறி மனிதன். சோம்பேறியாக திரிந்து கொண்டு எதன் மூலம் பணம் ஈட்டலாம் வாழலாம் என்று உணரந்தால், இறைவனை பற்றிக் கொண்டால் நிச்சயம் உயர்ந்தவனாகி விடலாம் என்று கூட நினைத்து, யான் நிச்சயம் பெரியவன் எந்தனுக்கே அனைத்தும் தெரியும் யான் அனைத்தும் கற்றுத் தருகின்றேன் என்றெல்லாம் பொய் சொல்லி நடிப்பார்கள் அப்பனே! அப்படிப்படவர்களை நிச்சயம் எப்போதும் நம்பிவிடாதீர்கள்.
அப்பனே! ஓர் உண்மையானவன் எதையும் பேச மாட்டான் அப்பனே! அமைதியாக இருப்பான். எல்லாம் இறைவன் செயல் என்று கூறுவான். அப்படிப்பட்ட மனிதன்தான் உண்மையான மனிதன் புரிந்து கொள்ளுங்கள் அப்பனே!
மற்றவை எல்லாம் யான் அனைத்தும் எந்தனுக்கு தெரியும். அனைத்துமே தெரியும். ஈசனுடன் பேசுகின்றேன். இவை எல்லாம் பின் கற்ப்பனையா இதையன்றி கூற அகத்தியனிடம் பேசுகின்றேன். என் கண்ணின் நேரில் நின்றான் ( அகத்தியன் ). எதையன்று கூற இன்னும் பல பல விசயங்கள் அனைத்தும் யான் கற்று உணரந்தவன் என்று கூறுபவன் முதல் திருடன். இதை எல்லாம் யான் உங்களுக்கு சொல்லி விட்டேன். திரும்பவும் ஞாபகத்தில் வைத்து கொள்ளுங்கள் அப்பனே!
ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!
சித்தன் அருள்.....தொடரும்!
No comments:
Post a Comment