வணக்கம் அகத்தியர் அடியவர்களே!
வருடம் தோரும் பங்குனி மாதத்தில் பாலராமபுரத்தில், நம் குருநாதர் அகத்தியப் பெருமானுக்கும், லோபாமுத்திரை தாய்க்கும் அபிஷேக ஆராதனைகள் 10 நாட்கள் நடக்கும். இந்த வருடம் அகத்தியர் பூஜை 05/04/2022 அன்று தொடங்கி 14.04.2022 வரை நடக்க, அவர் அருளால் நிச்சயிக்கப்பட்டுள்ளது. இந்த விழாவிற்கான விரிவான அழைப்பிதழை உங்கள் முன் சமர்ப்பிக்கிறேன்.
8ம் நாள் திருவிழா அன்று முருகப்பெருமான், எரித்தாவூர் மலை மீதிலிருந்து கீழே இறங்கி வந்து, அகத்தியப்பெருமானால் மரியாதை செய்யப்பெற்று, அவரால், பாலராமபுரம் கோவிலுக்கு அழைத்து செல்லப்படுவது கண்கொள்ளாக் காட்ச்சியாகும். முருகப்பெருமானும், குருநாதரும் ஒன்று சேர்ந்து பாலாராமபுரம் ஊர் வீதிகளில் உலா வந்து அனைவரையும் ஆசிர்வதித்து, பின்னர், 9ம் நாள் பூசையை முருகப்பெருமான், அகத்தியர் கோவிலில் ஏற்றுக்கொண்டு, மறுநாள் (10வது நாள்) தன இருப்பிடம் ஏகுவார். இந்த நிகழ்ச்சிகளை, காண கண் கோடி வேண்டும். அன்றைய தினம், மிகுந்த சந்தோஷத்தில் அகத்தியப்பெருமான் அனைவருடைய வேண்டுதலாயு அருளுவார்.
யாம் பெற்ற இன்பம் இவ்வையகம் பெறுக என்கிற நோக்கில், அகத்தியர் பூஜை திருவிழாவில் பங்கு பெற குருநாதர் கோவிலுக்கு உங்கள் அனைவரையும் அழைக்கிறேன். பூஜையில் கலந்து கொள்ள விருப்பமுடையவர்கள். திரு.ரதீஷ் (Sri.Ratheesh) அவர்களை 9048322565 என்கிற மொபைல் எண்ணில் தொடர்பு கொள்ளவும்.
ஓம் ஸ்ரீ லோபாமுத்திரா சமேத அகத்தியர் சார்பாக இந்த அழைப்பிதழை உங்கள் அனைவர் முன்னும் சமர்ப்பிக்கிறேன்.
சித்தன் அருள்............ தொடரும்!
நன்றி ஐயா. லோபாமுத்ரா தாயார் சமேத அகத்திய பெருமான் திருவடிகளே போற்றி.
ReplyDeleteஓம் அருள்மிகு அகத்தியர் அய்யன் துணை 🙏🙏🙏
ReplyDelete