சித்தன் அருள் - 1583 - கேள்வி-பதில் - 1 !

வணக்கம் அகத்தியர் அடியவர்களே!

குருநாதர் அகத்தியப்பெருமானிடம் அடியேன் கேட்ட தனிப்பட்ட/பொதுவான கேள்விகளும், அதற்கு அவர் அளித்த பதிலையும், நீங்கள் தெரிந்து கொள்வதற்காக சமர்ப்பிக்கிறேன். இங்கு குருநாதர் அளிக்கும் பதில்கள் உங்கள் எண்ணத்தை தூண்டுபவையாக இருக்கலாம்.

ஏகாதசி அன்று பெருமாளுக்கு அபிஷேகம் செய்ய இன்னும் சிறப்புகள் அப்பா. இதை ஏன் சூக்க்ஷுமமாக உரைத்தேன் என்பது போகப்போக புரியும் அப்பா!

கேள்வி:- எத்தனை தூரம் நேர்மையாக இருந்தாலும், ஒரு மனிதன் தன் வாழ்வில், நரகத்தை சந்திக்கத்தான் வேண்டியுள்ளது. இதற்கு உங்கள் பதில்?

குருநாதர் பதில்:- அப்பனே! அறிந்தும் கூட, உண்மைதான் அப்பனே! அதனால் தான் மனிதன் புரிந்து கொண்டு வாழ வேண்டும் என்கிறேன் அப்பனே. ஏன் என்றால், இவ் ஆன்மா பல பல பிறவிகளை கடந்து தான் வந்துள்ளது. ஆனால், ஒரு பிறவியில் மட்டும் நேர்மையானவனாக  இருந்தால் போதுமானதா? அப்பா?

கேள்வி:- இதற்கு முன்னாடி வாழ்ந்த ஜென்மங்களில், ஒரு ஆத்மா நடந்து கொண்ட விதத்தை, இப்பொழுது மாற்ற முடியாது. (அப்படி வாழ்ந்தது, வாழ்ந்தது தான்). இப்பொழுது இருக்கிற ஜென்மத்தில் நேர்மையாக அந்த ஆத்மா வாழ்கிறதா இல்லையா, என்று பார்த்தால் போதுமே?

குருநாதர் பதில்:- அப்பனே! அதனால்தான் அப்பனே, யான் வந்து வாக்குகள் செப்பிக் கொண்டிருக்கின்றேன்!

கேள்வி:- அப்படிப்பட்ட சூழ்நிலையில் (குருநாதர் இருக்கும் பொழுதே) நரகம் போன்ற சூழ்நிலை எதற்கு?

குருநாதர் பதில்:- அப்பனே! பல பிறவியில் செய்த கர்மாக்கள், கடை பிறவியில் அனைத்தும் அனுபவிக்க வேண்டும் என்பது. இவ்வாறு செய்யவில்லை என்றால், (உந்தனுக்கு) இன்னும் இரு பிறவிகள் இருக்கின்றது. அதனால் தான் அப்பனே, இப்பிறவியில் அனைத்தையும் முடித்துவிட்டேன் அப்பனே! மீண்டும் கேட்பேன் அப்பனே! கடைசியில், பிறவி வேண்டுமா, மகனே என்று?

கேள்வி:- அடியேன் கேட்க வருவது என்னவென்றால், மருத்துவமனைக்கு ஒருவன் செய்கிற செலவை, மடை மாற்றி, வேறு நல்ல காரியங்களுக்கு உபயோகப்படும்படி நீங்கள் செய்யலாமே?

குருநாதர் பதில்:- அப்பனே! எதை என்று அறிய! அறிய! இதை நான் சொல்லிக்கொண்டே இருக்கின்றேன் அப்பனே! அதாவது, இறைவன் கொடுத்ததை, இறைவனே, எதோ ஒரு ரூபத்தில் பிடுங்கிக் கொள்வான் அப்பனே! இதற்கென்ன பதிலளிக்கின்றாய் மகனே!

கேள்வி:- மனிதனாக இருக்கிற எங்களுக்கு கிடைக்கின்ற ஒரு வாய்ப்பு, அவர் (குருநாதர்) கூறியபடி நல்ல விஷயங்களை பண்ணுவது.

குருநாதர் பதில்:- அப்பனே பணம் கோடிக்கணக்கில் செலவாகும். இருந்தாலும் அவனால் ஒரு உயிரை காப்பாற்ற முடியுமா? என்ன?  இதனால் தான் அப்பனே, விளையாட்டப்பா, இறைவனின் விளையாட்டப்பா. முதலில் ஒன்றும் இல்லாமல், கடைசியில் ஒன்றுமில்லாமல், உன்னிடத்தில் புண்ணியங்கள் இருக்க வேண்டும் என்பது என் அவா!

உன் பக்கத்தில் அமர்ந்துள்ளானே, அவந்தனுக்கு, கால்களே போயிருக்க வேண்டும்! ஆனாலும் அப்பனே, காப்பாற்றிவிட்டேன் அப்பனே! ஆனால், (அவன்) இரு குழந்தைகளை பார்த்தேன் அப்பனே! இதுதான் அப்பனே! நம்பி வந்துவிட்டான், மோசம் செய்யவில்லை.  அப்பனே! ஆனாலும், அறிந்தும் கூட பின் உடைந்திருந்தால், அப்பனே, அவன் என்ன சொல்லியிருப்பான் தெரியுமா? அகத்தியனை வணங்கினேனே, ஒரு பிரயோசனம் இல்லை என்று. ஆனால், காப்பாற்றிவிட்டேன்!

இதனால் தான் அப்பனே, யான் மறைமுகமாக இருந்து அனைவரையும் பார்த்துக் கொண்டிருக்கின்றேன் அப்பனே! இனிமேலும் காப்பேன் அப்பனே!

ராகு, கேதுக்களின் துகள்கள், அதிகமாக ஒருவரின் உடலில், ரத்தத்தில் இருந்து செயல்படும் அப்பா! அவைகள் வேகத்தை கட்டுப்படுத்த முடியாதப்பா. இந்நிலையில் யார் திருமணம் செய்தாலும், தோல்வியில் போய் முடிந்துவிடுகிறது அப்பா! குறிப்பிட்ட வயத்துக்குப் பின் அவ்வேகங்கள் குறைகிற பொழுது, திருமணம் செய்தால் நல்லதப்பா. இதை புரிந்து கொண்டு என்னிடம் விட்டுவிடுங்கள் அப்பா! யான் பார்த்துக் கொள்கின்றேன்.

ஓம் ஸ்ரீ லோபாமுத்திரா சமேத அகத்தியர் திருவடிகளில் சமர்ப்பணம்!

சித்தன் அருள்.....தொடரும்!